భ్రూణహత్య: గత రెండు దశాబ్దాల్లో 'తప్పిపోయిన' బాలికలు, అధికారిక డేటా Foeticide: ‘Missing’ Girls in Last Two Decades, Official Data Shows

 

ప్రీ-కాన్సెప్షన్ మరియు ప్రీ-నేటల్ డయాగ్నొస్టిక్ టెక్నిక్స్ యాక్ట్ 1994లో భారతదేశం ప్రినేటల్ లింగ నిర్ధారణ పరీక్షను నిషేధించింది. అయితే, ప్రినేటల్ లింగ నిర్ధారణ పరీక్షల  కోసం అల్ట్రాసౌండ్ సౌకర్యాల రహస్య వినియోగం ఇంకా కొనసాగుతూనే ఉంది.

భారతదేశంలో గత 20 ఏళ్లలో తొమ్మిది మిలియన్ల బాలికలు ‘తప్పిపోయారని’ ప్రభుత్వ డేటాను ఉపయోగించి  పరిశోధకులు కనుగోన్నారు

కేంద్ర ప్రభుత్వంచే నిర్వహించబడే NFHS ఐదవ మరియు తాజా (2019-2020)తో సహా జాతీయ కుటుంబ ఆరోగ్య సర్వే (NFHS) యొక్క చివరి మూడు రౌండ్ల నుండి పరిశోధకులు తమ డేటాను పొందారు.

ప్యూ సెంటర్ అనేది వాషింగ్టన్-ఆధారిత లాభాపేక్ష రహిత సంస్థ, ఇది ఇతర అంశాలతోపాటు, జనాభా శాస్త్రంపై పరిశోధన చేస్తుంది. ప్రస్తుత నివేదికను రూపొందించిన బృందంలో నలుగురు వ్యక్తులు ఉన్నారు. వారు: అసోసియేట్ డైరెక్టర్ మరియు డెమోగ్రాఫర్ కాన్రాడ్ హాకెట్; పరిశోధకులు స్టెఫానీ క్రామెర్ మరియు అన్నే ఫెంగ్యాన్ షి; మరియు మత పరిశోధన డైరెక్టర్ అలాన్ కూపర్‌మాన్.

ప్యూ సెంటర్ వారి విశ్లేషణ ప్రకారం, 2000 నుండి 2019 వరకు ఆడ శిశుహత్యల ఫలితంగా భారతదేశంలో కనీసం 9 మిలియన్ల మంది బాలికలు ‘తప్పిపోయారు’, ఇది ఉత్తరాఖండ్ మొత్తం జనాభా కంటే కొంచెం తక్కువ.

" భారతదేశ మొత్తం జనాభాలో హిందువులు 79.8% ఉన్నారు మరియు వారిలో తప్పిపోయిన బాలికలు  86.7% గా ఉన్నారు" అని నివేదిక పేర్కొంది. ప్యూ కేంద్రం యొక్క నివేదిక ప్రకారం, హిందువులు దాదాపు 7.8 మిలియన్ల మంది బాలికలను 'కోల్పోయారు'.

ఆతరువాత స్థానం సిక్కులది: వారు దేశ జనాభాలో కేవలం 1.7% మాత్రమే ఉన్నారు, అయితే వారిలో  'తప్పిపోయిన' బాలికలు 4.9% (సుమారు 4.4 లక్షల మంది బాలికలు) ఉన్నారు.

ముస్లింలు జనాభాలో 14% ఉన్నారు మరియు  వారిలో  6.6% (5.9 లక్షలు) 'తప్పిపోయిన' బాలికలు ఉన్నారు.

క్రైస్తవులు జనాభాలో 2.3% ఉన్నారు మరియు వారిలో 0.6% (50,000) 'తప్పిపోయిన' బాలికల జననాలు ఉన్నాయి..

ఈ బాలికలు  'తప్పిపోయారని' చెప్పబడింది ఎందుకంటే వారు పుట్టి జనాభాలో భాగం కావాలి - కానీ పిండాలను తొలగించినందున వారు తప్పిపోయారు..

2019 వరకు గత 20 సంవత్సరాలలో, భారతదేశం దాదాపు తొమ్మిది మిలియన్ల మంది ఆడపిల్లలను కోల్పోయింది

ఆడపిల్లలు ‘తప్పిపోతే’, సాధారణ జనాభాలో స్త్రీ-పురుషుల నిష్పత్తి మగవారికి అనుకూలంగా మారుతుంది.

-ది వైర్ సౌజన్యం తో