సూఫీ సెయింట్ షేక్ తాకి దర్గా.

 

పవిత్ర సంగమం (గంగ, యమునా మరియు సరస్వతి నదుల సంగమం) ఎదురుగా ప్రయాగ్రాజ్ లో (అంతకుముందు అలహాబాద్ అని పిలిచేవారు) ఉన్న మఖ్దూం షేక్ తాకి యొక్క దర్గా మిశ్రమ గంగా-జమున తహజీబ్/సంస్కృతికి చక్కటి ఉదాహరణలలో ఒకటి.

షేక్ తాకి దర్గాను ప్రతి సంవత్సరం వేలాది మంది భక్తులు సందర్శిస్తారు. అన్ని ధార్మిక విశ్వాసాల  ప్రజలు ఇక్కడకు వస్తారు మరియు వారి కోరికలు నెరవేరాలని ప్రార్థిస్తారు.

ఇస్లామిక్ క్యాలెండర్ చివరి బుధవారం నాడు హవేలీ గ్రామంలో ఉన్న దర్గాలో వార్షిక జాతర జరుగుతుంది. భక్తులలో పెద్ద సంఖ్యలో హిందూ పురుషులు మరియు మహిళలు షేక్ తాకి యొక్క ఆశీర్వాదం తీసుకోవడానికి మరియు వారి సమస్యలకు పరిష్కారం కోసం దర్గాకు తరలివస్తారు.

ఆసక్తికరమైన విషయమేమిటంటే, సమీప గ్రామాల నుండి అనేక మంది హిందువులు సాంప్రదాయ కుర్తాలు (దక్షిణాసియాలో ప్రజలు ధరించే కాలర్ లేని చొక్కా) మరియు గౌరవనీయమైన సూఫీ సన్యాసి పట్ల భక్తితో టోపీలు ధరించి ఇక్కడికి వస్తారు.

హిందూ భక్తులు షేక్ తాకీ మరియు సమాధి పక్కన ఖననం చేయబడిన తాకి కుటుంబ సభ్యుల మజార్ వద్ద నివాళులర్పించడం కోసం దర్గాలోకి ప్రవేశించినప్పుడు  టోపీలను ధరిస్తారు.

 “అలహాబాద్ శతాబ్దాలుగా గంగా-జమున సంస్కృతికి కేంద్రంగా ఉంది. ఈ నగరం మత సామరస్యానికి ప్రతీక అయిన షేక్ తాకిచే ఆశీర్వదించబడింది.

 “షేక్ తాకీ తండ్రి మఖ్దూమ్ షబాన్ బియాబానీ 650 సంవత్సరాల క్రితం సింధ్ నుండి ఇక్కడికి వచ్చి పేదలు మరియు అణగారిన ప్రజల సేవకు తన జీవితాన్ని అంకితం చేశారు. ఆ సమయంలో, ఈ ప్రాంతం నిరంకుశ రాజుచే పాలించబడింది. షేక్ తాకీ తన ఆధ్యాత్మిక శక్తుల ద్వారా క్రూరమైన రాజు పాలనను ముగించాడు” అని అంటారు..

దర్గా కు దగ్గరగా ఉన్న ఒక భారీ వృక్షం ను షేక్ తాకీ నాటినట్లు చెబుతారు మరియు ఇది ఆకర్షణీయమైన ప్రదేశం.