భారతదేశ స్వాతంత్ర్య పోరాటానికి క్రైస్తవుల సహకారం Christian’s contribution to the freedom struggle of India

 

భారత స్వాతంత్ర్య పోరాటానికి భారతీయ క్రైస్తవ సమాజం అసమానమైన కృషి చేసింది. భారత స్వాతంత్ర్య పోరాటంలో అనేకమంది క్రైస్తవులు పాల్గొన్నారు.

1878లో KM బెనెర్జీ నాయకత్వం లో ఏర్పడిన బెంగాల్ క్రిస్టియన్ అసోషియేషన్ స్వాతంత్రం మరియు జాతీయవాదం పై ప్రజలు అవగాహనా కల్పించడం పై ద్రుష్టి పెట్టింది.

1885 లో భారత జాతీయ కాంగ్రెస్ ఏర్పడిన తరువాత భారత జాతీయ కాంగ్రెస్ వార్షిక సమావేశాలకు క్రైస్తవులు తగుసంఖ్యలో ప్రాతినిద్యం వహించారు.  1887లో భారత జాతీయ కాంగ్రెస్ మద్రాసు సమావేశంలో 607 మంది ప్రతినిధులలో 35 మంది క్రైస్తవులు.కాంగ్రెస్ వార్షిక సమావేశానికి హాజరయ్యే  భారతీయ క్రైస్తవ ప్రతినిధుల నిష్పత్తి జనాభాలో వారి నిష్పత్తి కంటే చాలా ఎక్కువ.

1887లో జరిగిన కాంగ్రెస్ మూడవ వార్షిక సమావేశంలో ప్రసంగించిన వారిలో మధు సూధన్ దాస్ (1848-1934, 'ఉత్కల్ గౌరబ్'గా ప్రసిద్ధి చెందారు) ఒకరు. మధు సూధన్ దాస్ ఒడిశాలోని క్రైస్తవ సమాజానికి చెందిన సుప్రసిద్ధ నాయకుడు.

కాంగ్రెస్ యొక్క తదుపరి సమావేశాలలో భారతీయ క్రైస్తవుల సంఖ్య మరియు ప్రభావం పెరిగింది. కాళీ చరణ్ బెనర్జీ (1847-1907), బెంగాలీ క్రైస్తవుడు మరియు మంచి వక్త. కాళీ చరణ్ బెనర్జీ కాంగ్రెస్ వార్షిక సమావేశాలలో క్రమం తప్పకుండా ప్రసంగించేవారు..

రెవ. కాళీచరణ్ బెనర్జీతో పాటు లాహోర్ నుండి జి.సి. నాథ్ మరియు మద్రాస్ (ప్రస్తుత చెన్నై) నుండి పీటర్ పాల్ పిళ్లై 1888 మరియు 1891 మధ్య జరిగిన నాలుగు కాంగ్రెస్ సమావేశాలలో భారతీయ క్రైస్తవులకు ప్రాతినిధ్యం వహించారు మరియు కాంగ్రెస్ ఏర్పడిన తొలి సంవత్సరాల్లో కాంగ్రెస్‌లో ప్రముఖ నాయకులు అయ్యారు.

జార్జ్ థామస్, అనే సుప్రసిద్ధ చర్చి చరిత్రకారుడు భారతీయ క్రైస్తవ సమాజం 1885లో స్థాపించబడిన ఇండియన్ నేషనల్ కాంగ్రెస్ యొక్క ప్రారంభ దశలో ప్రభావవంతమైన పాత్రను పోషించిందని వివరించారు.

1889 నాటి కాంగ్రెస్ సెషన్‌లో, 10 మంది మహిళా ప్రతినిధులలో ముగ్గురు క్రైస్తవులు-వారు పండిత రమాబాయి సరస్వతి (1858-1922), శ్రీమతి ట్రయంబక్, శ్రీమతి నికాంబే.

పండిత రమాబాయి సరస్వతి అనేక పుస్తకాలను రచించింది, అందులో ప్రసిద్ది చెందినది 'ది హై-కాస్ట్ హిందూ వుమన్' అందులో  రమాబాయి దక్షిణాసియాలోని బాల వధువులు మరియు వితంతువుల (శాపగ్రస్తులుగా లేదా దురదృష్టవంతులుగా చూడబడుతున్నారు) సామాజిక దమనీయ స్థితిని  వివరించింది. రమాబాయి బైబిల్‌ను ఒరిజినల్ హీబ్రూ మరియు గ్రీకు నుండి మరాఠీలోకి అనువదించింది. రమాబాయి ముక్తి మిషన్ స్థాపకురాలు. రామాభాయి సమాజ సేవ కోసం 1919లో కైసరి-ఇ-హిందీ పతకాన్ని అందుకుంది, భారతదేశంలో రామాభాయి పేరు మీద స్మారక స్టాంపులు మరియు రోడ్లు ఉన్నాయి.

కాథలిక్ సాధు మరియు వేదాంతవేత్త అయిన బ్రహ్మభాoధవ ఉపాద్యాయ (1861-1907) ప్రముఖ భారతీయ క్రైస్తవ స్వాతంత్ర సమరయోధుడు. భారత స్వాతంత్ర్య భావనలు వ్యాప్తి చేయడానికి “సంధ్య” అనే జాతీయ పత్రిక కు సంపాదకుడిగా వ్యవరించాడు. “సంధ్య” బెంగాలీలో సంపూర్ణ భారతీయ జాతీయవాదాన్ని ధైర్యంగా సమర్థించే ఏకైక మాతృభాష పత్రిక .

బ్రిటీష్ పాలనను వ్యతిరేకించిన మొదటి వ్యక్తి  క్రిస్టియన్  ప్రీస్ట్ అని మీకు తెలుసా? చార్లెస్ ఫ్రీర్ ఆండ్రూస్, చర్చ్ ఆఫ్ ఇంగ్లాండ్ యొక్క పూజారి. భారతదేశంలో క్రైస్తవ మిషనరీ, విద్యావేత్త మరియు సంఘ సంస్కర్త, ఆండ్రూస్ మహాత్మా గాంధీకి సన్నిహిత మిత్రుడు మరియు గాంధీజీ  దక్షిణాఫ్రికా నుండి భారతదేశానికి తిరిగి రావాలని ఒప్పించడంలో కీలక పాత్ర పోషించాడు. ఆండ్రూస్ భారత జాతీయ కాంగ్రెస్ కార్యకలాపాల్లో పాలుపంచుకున్నాడు మరియు మద్రాసులో 1913 పత్తి కార్మికుల సమ్మెను పరిష్కరించడంలో సహాయం చేశాడు.

బారిస్టర్ జార్జ్ జోసెఫ్ కేరళలోని క్రైస్తవ కుటుంబంలో జన్మించారు. హోంరూల్ ఉద్యమంలో చురుకైన భాగస్వామి. ఆ తర్వాత గాంధీజీ శిష్యుడిగా మారారు. నాన్-కోఆపరేటివ్ ఉద్యమం లో పాల్గొన్నాడు. వైకోమ్ సత్యాగ్రహం కు నాయకత్వం వహించాడు “యంగ్ ఇండియా” ఎడిటర్ గా పనిచేసాడు.. జైలు శిక్ష అనుభవించాడు.. బారిస్టర్ జార్జ్ జోసెఫ్ 1938లో మరణించాడు.

టైటుస్జీ గురించి విన్నారా? టైటుస్జీ గాంధేయవాది. ఉప్పు సత్యాగ్రహంలో పాల్గొన్నారు. టైటుస్జీ దండి మార్చ్‌లో గాంధీని అనుసరించిన సత్యాగ్రహిలో ఒకరు. టైటుస్జీ, ఉప్పు సత్యాగ్రహ శిల్పంలో గాంధీజీని అనుసరించే క్రైస్తవ మతగురువుగా చిత్రీకరించబడ్డాడు.టైటస్ మరియు అతని భార్య అన్నమ్మ కూడా సబర్మతి ఆశ్రమంలో చేరారు మరియు ఆశ్రమానికి తన బంగారు వివాహ ఆభరణాలను విరాళంగా ఇచ్చారు.

జాతీయవాదానికి పూర్తి మద్దతునిచ్చిన క్రైస్తవ మిషనరీలలో స్టాన్లీ జోన్స్, J. C. విన్స్లో, వారియర్ ఎల్విన్, రాల్ఫ్ రిచర్డ్ కీథాన్ మరియు ఎర్నెస్ట్ ఫారెస్టర్-పాటన్ మొదలగు వారు కలరు. కొంతమంది మిషనరీలు జాతీయవాద ఆందోళనకు మద్దతు ఇచ్చినందుకు భారతదేశం నుండి బహిష్కరించబడ్డారు.

వెంకల్ చక్కరాయ్ (1880) శాసనోల్లంఘన ఉద్యమంలో పాల్గొన్నారు. 1920లో సహాయ నిరాకరణోద్యమం ప్రారంభమైనప్పుడు అందులో భారతీయ క్రైస్తవులు పాల్గొన్నారని ఆర్థర్ జయ-కుమార్ చెప్పారు.

1922లో లక్నోలో జరిగిన అఖిల భారత క్రైస్తవుల సమావేశం జాతీయ ఉద్యమంలో పాల్గొని జైలు శిక్ష అనుభవించిన భారతీయ క్రైస్తవుల గురించి ప్రస్తావించింది.

నీరద్ బిశ్వాస్, చర్చ్ ఆఫ్ ఇండియా, బర్మా మరియు సిలోన్ (CIBC) యొక్క అస్సాం బిషప్‌గా పనిచేసారు. మారారు, 1932లో కలకత్తా వెలుపల ఉప్పు తయారీ చేసి జాతీయ ఉద్యమంలో చేరారు.

పాల్ రామస్వామి 1906లో జన్మించి స్వాతంత్ర్య పోరాటంలో పాల్గొన్న మరొక ముఖ్యమైన క్రైస్తవుడు. 1930లో ఉప్పు సత్యాగ్రహ రోజుల్లో స్వాతంత్య్ర ఉద్యమంలో చేరారు. తిరుచిరాపల్లిలోని బిషప్ హెబర్ కాలేజీని పికెటింగ్ చేశారు. పాల్ రామసామి ని అరెస్టు చేసి ఆరు నెలల జైలు శిక్ష విధించారు మరియు తిరుచ్చిరాపల్లి మరియు అలీపురం జైళ్లలో ఉంచారు.

స్వరాజ్ ఉద్యమం (1905), నాన్-సహకార ఉద్యమం (1920), శాసనోల్లంఘన ఉద్యమం (1930) మరియు ‘క్విట్ ఇండియా’ ఉద్యమం (1942)లో క్రైస్తవులు చురుకుగా పాల్గొన్న దాఖలాలు ఉన్నాయి.

1920ల నుండి, అనేక క్రైస్తవ సంస్థలు స్వాతంత్ర్య ఉద్యమానికి పూర్తి సంఘీభావం తెలుపుతూ తీర్మానాలు చేశాయి. వారిలో కొందరు బ్రిటీష్ వలస ప్రభుత్వానికి వ్యతిరేకంగా భారీ ప్రదర్శనలలో కూడా పాల్గొన్నారు.10 చర్చిలచే స్థాపించబడిన ఉన్నత విద్యా సంస్థలలోని అనేక మంది విద్యార్థులు స్వరాజ్ ఉద్యమంలో చురుకుగా ఉన్నారు మరియు ఈ సంస్థలు వారి విద్యార్థులకు మద్దతు ఇచ్చాయి.

1930లో ది గార్డియన్ సంపాదకుడు అనేకమంది క్రైస్తవ యువకులు శాసనోల్లంఘన ఉద్యమంలో చేరారని చెప్పారు

1930లో, బొంబాయిలో భారతీయ క్రైస్తవుల ప్రధాన సమావేశం జరిగింది, అక్కడ వారు అనేక తీర్మానాలను ఆమోదించారు; వారు ఆమోదించిన మొదటి తీర్మానం-భారతదేశం సంపూర్ణ స్వరాజ్యాన్ని సాధించాలనే కోరిక.

మద్రాసు లెజిస్లేటివ్ కౌన్సిల్‌లో సౌత్ కెనరా జిల్లాకు ప్రాతినిధ్యం వహించిన జెరోమ్ సల్దాన్హా మహాత్మా గాంధీకి హృదయపూర్వక ఆరాధకుడయ్యాడు. 1927లో గాంధీజీ మంగళూరును సందర్శించినప్పుడు, జెరోమ్, సౌత్ కెనరా జిల్లా కాంగ్రెస్ కమిటీ అధ్యక్షుడిగా, మహాత్ముడు ప్రసంగించిన బహిరంగ సభకు అధ్యక్షత వహించాడు. ముఖ్యంగా మంగళూరు పత్రికలో తన రచనల ద్వారా జెరోమ్ స్వాతంత్ర్య ఉద్యమానికి మద్దతు ఇచ్చాడు.

స్వాతంత్య్ర ఉద్యమానికి మరొక బలమైన మద్దతుదారు మారిస్ శ్రేష్ట, బ్రిటిష్ రాజ్ కింద ప్రభుత్వ ఉద్యోగి. మారిస్ శ్రేష్ట పోస్ట్ మాస్టర్ జనరల్, సిలోన్‌గా పదవీ విరమణ చేశాడు. పదవీ విరమణ తరువాత, అతను మద్రాసు లెజిస్లేటివ్ కౌన్సిల్‌కు ఎన్నికయ్యాడు.

స్వాతంత్ర్య ఉద్యమానికి మరొక బలమైన మద్దతు దారుడు ఫెలిక్స్ అల్బుకెర్కీ పాయ్, మంగళూరులోని అల్బుకెర్కీ టైల్ ఫ్యాక్టరీ యొక్క యజమాని, గాంధీజీ ప్రేరణతో, అతను బ్రిటిష్ చట్టాన్ని (1930) ధిక్కరించి ఉప్పును తయారు చేశాడు.

జాన్ ఫ్రాన్సిస్ పింటో, గాంధీజీకి ఆరాధకుడు. గాంధీ పట్ల ఆయనకున్న అభిమానం, గాంధీ-టోపీ ధరించడం మరియు 1930లలో శాసనోల్లంఘన ఉద్యమంలో చురుగ్గా పాల్గొనడం వలన, జాన్ ఫ్రాన్సిస్ పింటో "గాంధీ పింటో" అనే మారుపేరును పొందాడు.

ఎం.వి. కామత్ తన ఆత్మకథలో అనేక మంది క్రైస్తవులు స్వాతంత్ర్య ఉద్యమంలో పాల్గొన్నారని తెలిపారు

కాన్స్టాన్స్ ప్రేమ్ నాథ్ దాస్ (1886–1971)పంజాబీ-ప్రొటెస్టంట్ కుటుంబంలో జన్మించారు మరియు అలహాబాద్ విశ్వవిద్యాలయం నుండి డిగ్రీ పొందారు.  కాన్స్టాన్స్ ప్రేమ్ నాథ్ దాస్ భారతదేశంలో క్రిస్టియన్ కాలేజి  ప్రిన్సిపాల్ పదవిని చేపట్టిన మొదటి భారతీయ మహిళా. ఇసాబెల్లా థోబర్న్ కాలేజీ ప్రిన్సిపాల్‌గా వ్యవరించారు. కాన్స్టాన్స్ ప్రేమ్ నాథ్ దాస్ భారత స్వాతంత్ర్య ఉద్యమానికి బలమైన మద్దతుగా నిలిచింది. కాన్స్టాన్స్ ప్రేమ్ నాథ్ దాస్ విద్యపై అత్యంత ప్రగతిశీల దృక్కోణాలకు ప్రసిద్ధి చెందింది,

అచ్చమ్మ చెరియన్ భారతదేశంలోని పూర్వపు ట్రావెన్‌కోర్ (కేరళ) కు చెందిన స్వాతంత్ర్య సమరయోధురాలు. అచ్చమ్మ ట్రావెన్‌కోర్ ఝాన్సీ రాణిగా ప్రసిద్ధి చెందింది. ఫిబ్రవరి 1938లో, ట్రావెన్‌కోర్ స్టేట్ కాంగ్రెస్ స్థాపించబడింది మరియు స్వాతంత్ర్య పోరాటంలో చేరడానికి అచ్చమ్మ తన ఉపాధ్యాయ వృత్తిని వదులుకున్నారు. ట్రావెన్‌కోర్ స్టేట్ కాంగ్రెస్ ఆధ్వర్యంలో, ట్రావెన్‌కోర్ ప్రజలు బాధ్యతాయుతమైన ప్రభుత్వం కోసం ఆందోళన ప్రారంభించారు. ట్రావెన్‌కోర్ దివాన్ అయిన C. P. రామస్వామి అయ్యర్ ఆందోళనను అణిచివేయాలని నిర్ణయించుకున్నారు. ఆగష్టు 26, 1938న, ట్రావెన్‌కోర్ దివాన్ రామస్వామి అయ్యర్ శాసనోల్లంఘన ఉద్యమాన్ని నిర్వహించిన ట్రావెన్‌కోర్ స్టేట్ కాంగ్రెస్‌ను నిషేధించాడు. ట్రావెన్‌కోర్ స్టేట్ కాంగ్రెస్‌ అధ్యక్షుడు పట్టం ఎ. థాను పిళ్లైతో సహా ప్రముఖ కాంగ్రెస్ నాయకులను అరెస్టు చేసి నిర్భందించాడు. ఆ తర్వాత ట్రావెన్‌కోర్ స్టేట్ కాంగ్రెస్‌ తన ఆందోళన పద్ధతిని మార్చుకోవాలని నిర్ణయించుకుంది. దాని కార్యవర్గం రద్దు చేయబడింది మరియు అధ్యక్షుడికి నియంతృత్వ అధికారాలు మరియు అతని వారసుడిని నామినేట్ చేసే హక్కు ఇవ్వబడింది. ట్రావెన్‌కోర్ రాష్ట్ర కాంగ్రెస్‌కు చెందిన 11 మంది ‘నియంతలు’ (అధ్యక్షులు) ఒక్కొక్కరుగా అరెస్టయ్యారు. పదకొండవ నియంత అయిన కుట్టనాడ్ రామకృష్ణ పిళ్లై అరెస్టుకు ముందు అచ్చమ్మ చెరియన్‌ను 12వ నియంతగా ప్రతిపాదించాడు.

ట్రావెన్‌కోర్ స్టేట్  కాంగ్రెస్‌పై నిషేధాన్ని ఉపసంహరించుకోవాలని అచ్చమ్మ చెరియన్ నేతృత్వంలో తంపనూర్ నుండి మహారాజా చితిర తిరునాళ్ బలరామ వర్మ కొవ్డియార్ ప్యాలెస్ వరకు భారీ ర్యాలీ నిర్వహించారు. ట్రావెన్‌కోర్ స్టేట్ కాంగ్రెస్ నాయకులపై  అనేక అభియోగాలు మోపిన దివాన్, C. P. రామస్వామి అయ్యర్‌ను బర్తరఫ్ చేయాలని కూడా ఆందోళనాకారులు  డిమాండ్ చేసారు. 20,000 మందికి పైగా ప్రజలు ఉన్న ర్యాలీపై కాల్పులు జరపాలని బ్రిటీష్ పోలీసు చీఫ్ తన సిబ్బందిని ఆదేశించాడు. అచ్చమ్మ చెరియన్ “నేనే నాయకురరాలిని; ఇతరులను చంపే ముందు నన్ను కాల్చండి.” అని సవాలు చేసింది. అచ్చమ్మ చెరియన్ చూపిన ధైర్యం తో పోలీసు అధికారులు తమ ఆదేశాలను ఉపసంహరించుకోవలసి వచ్చింది. ఈ వార్త విన్న ఎం.కె.గాంధీ ఆమెను ‘ది ఝాన్సీ రాణి ఆఫ్ ట్రావెన్‌కోర్’ అని కొనియాడారు. 1939లో నిషేధాజ్ఞలను ఉల్లంఘించినందుకు అచ్చమ్మ చెరియన్ ను అరెస్టు చేసి దోషిగా నిర్ధారించారు.

భారత స్వాతంత్య్ర ఉద్యమంలో మహిళల భాగస్వామ్యం పెంచేందుకు ఉద్దేశించిన “దేశ సేవికా సంఘ్” అనే మహిళా స్వచ్ఛంద సమూహాన్ని అచ్చమ్మ చెర్రియన్ స్థాపించారు. అచ్చమ్మ చెరియన్ రెండుసార్లు జైలుకెళ్లారు. అచ్చమ్మ చెరియన్ చివరికి 1942లో ట్రావెంకూర్ స్టేట్ కాంగ్రెస్‌కు తాత్కాలిక అధ్యక్షురాలిగా అయింది.

స్వాతంత్ర్యం తరువాత, అచ్చమ్మ చెరియన్ ట్రావెన్‌కోర్ శాసనసభకు ఎన్నికైనారు. అచ్చమ్మ చెరియన్ 1982లో మరణించింది మరియు కేరళలోని త్రివేండ్రం లో ఆమె విగ్రహం మరియు ఉద్యానవనంతో స్మారక స్థలం నిర్మించబడినది.

రాజకుమారి అమృత్ కౌర్ (1887–1964) పంజాబీ రాజవంశంలో జన్మించింది, అమృత్ కౌర్ తండ్రి కపుర్తలా రాజు యొక్క చిన్న కుమారుడు.  అమృత్ కౌర్ తండ్రి క్రైస్తవ మతంలోకి మారాడు మరియు బెంగాలీ మిషనరీ కుమార్తెను వివాహం చేసుకున్నాడు. వారికి గల  10 మంది పిల్లలలో అమృత్ కౌర్ చిన్నది.

ఒక ప్రొటెస్టంట్ క్రిస్టియన్‌గా పెరిగిన రాజకుమారి అమృత్ కౌర్ జలియన్‌వాలాబాగ్ ఊచకోత జరిగిన అనంతరం భారత స్వాతంత్ర్య ఉద్యమంలో చురుకుగా ప్రవేశించింది. అమృత్ కౌర్ కాంగ్రెస్ పార్టీ సభ్యురాలిగా మరియు మహాత్మా గాంధీ సన్నిహితురాలుగా భారత స్వాతంత్ర్య ఉద్యమంలో పనిచేయడం ప్రారంభించింది. బాల్య వివాహాలు, పర్దా (ఇంటి లోపల స్త్రీలను వేరుచేయడం మరియు నిర్బంధించడం),  దేవదాసీ వ్యవస్థ వంటి పద్ధతులను రద్దు చేయాలని  మరియు మహిళల హక్కుల కోసం అమృత్ కౌర్ బలంగా పోరాడింది

1927లో, రాజకుమారి అమృత్ కౌర్  ఆల్ ఇండియా ఉమెన్స్ కాన్ఫరెన్స్‌ను స్థాపించారు మరియు మహాత్మా గాంధీ ద్వారా దండి మార్చ్‌ లో పాల్గొన్నందుకు బ్రిటిష్ అధికారులు అమృత్ కౌర్ ను జైలులో పెట్టారు. 1934లో అమృత్ కౌర్ గాంధీ ఆశ్రమంలో నివసించడం ప్రారంభించింది మరియు కఠినమైన సాధారణ జీవనశైలిని అవలంబించింది. ఇద్దరు భారతీయ-క్రైస్తవులు- రాజకుమారి అమృత్ కౌర్ మరియు తమిళ ఆర్థికవేత్త మరియు స్వాతంత్ర్య సమరయోధుడు J.C. కుమారప్ప, గాంధీజీ  యొక్క అంతరంగీయులుగా పరిగణిoచ బడేవారు..

రాజకుమారి అమృత్ కౌర్ 1937లో పాకిస్తాన్‌లోని ఖైబర్-పఖ్తున్‌ఖ్వాకు గుడ్‌విల్ మిషన్ వెళ్ళిన సమయంలో జైలు పాలైంది మరియు క్విట్ ఇండియా ఉద్యమంలో పాల్గొన్నందుకు 1942లో మరోసారి జైలు పాలైంది. 1940లలో రాజకుమారి అమృత్ కౌర్ సార్వత్రిక ఓటు హక్కు కోసం వాదించడం ప్రారంభించింది మరియు ఆల్ ఇండియా ఉమెన్స్ ఎడ్యుకేషన్ ఫండ్ అసోసియేషన్‌కు అధ్యక్షురాలుగా కూడా పనిచేసింది. ఈ ప్రయత్నాలకు, టైమ్ మ్యాగజైన్ ఆమెను 1947లో 'ఉమెన్ ఆఫ్ ది ఇయర్'గా ప్రకటించింది.

స్వాతంత్ర్యం తర్వాత, రాజకుమారి అమృత్ కౌర్ 10 సంవత్సరాల పాటు కేంద్ర ఆరోగ్య మంత్రిగా పనిచేసింది.  ఈ సమయంలో అమృత్ కౌర్ మలేరియా మరియు క్షయవ్యాధిని నిర్మూలించడానికి మరియు నియంత్రణ  చేయడానికి అనేక ప్రధాన ప్రజారోగ్య ప్రచారాలకు నాయకత్వం వహించింది. అమృత్ కౌర్ ఆల్ ఇండియా ఇన్‌స్టిట్యూట్ ఆఫ్ మెడికల్ సైన్సెస్‌ను స్థాపించింది.

వృద్ధాప్యం ఉన్నప్పటికీ, అమృత్ కౌర్ మహిళల హక్కులు, పిల్లల సంక్షేమం మరియు ప్రజారోగ్యాన్ని మెరుగుపరచడం కోసం అవిశ్రాంతంగా కృషి చేసింది. అమృత్ కౌర్ ఇండియన్ కౌన్సిల్ ఆఫ్ చైల్డ్ వెల్ఫేర్‌కు వ్యవస్థాపక సభ్యురాలు మరియు ఇండియన్ రెడ్‌క్రాస్ చైర్‌పర్సన్. అమృత్ కౌర్ రాజ్యసభ సభ్యురాలు మరియు అనేక ప్రజారోగ్య సంస్థలలో నాయకత్వ పాత్రలు నిర్వహించారు. 1964లో అమృత్ కౌర్ మరణించినారు.

భారతీయ-క్రిస్టియన్ స్వాతంత్ర్య సమరయోధుడు జోచిమ్ అల్వా భారతీయ స్వాతంత్ర పోరాటం లో చురుకుగా పాల్గొన్నాడు.  జోచిం ఆల్వా మరియు అతని భార్య వైలెట్ హరి అల్వా స్వాతంత్ర్య ఉద్యమానికి మరింత మద్దతు ఇవ్వడానికి 1943లో 'ఫోరమ్' పత్రికను స్థాపించారు. స్వాతంత్ర్య అనుకూల రచనలు ప్రచురించడం మరియు తోటి స్వాతంత్ర్య సమరయోధులకు వారి ఆలోచనలను వినిపించడానికి ఒక వేదికను అందించడం 'ఫోరమ్' ప్రధాన ఉద్దేశం.

స్వాతంత్ర్యం తరువాత, జోచిం అల్వా మరియు అతని భార్య వైలెట్ హరి అల్వా భారత పార్లమెంటు సభ్యురాలు గా పనిచేశారు. భారతదేశ చరిత్రలో మొట్టమొదటి పార్లమెంటేరియన్ జంటగా 2007లో ఆల్వా మరియు ఆల్వా భర్త జోచిమ్ ఆల్వాను  పార్లమెంటులో చిత్రపటంతో సత్కరించారు.

1920 నుండి, అనేక క్రైస్తవ సంస్థలు-ఆల్ ఇండియా కాన్ఫరెన్స్ ఆఫ్ ఇండియన్ క్రిస్టియన్స్, ది నేషనల్ క్రిస్టియన్ కౌన్సిల్ ఆఫ్ ఇండియాకి  సంబంధించిన క్రైస్తవ నాయకులు,  యునైటెడ్ థియోలాజికల్ కాలేజ్ (బెంగళూరు), సెరాంపూర్ కాలేజ్ (బెంగాల్), సెయింట్ పాల్స్ కాలేజీ కలకత్తా (బెంగాల్), కి చెందిన విద్యార్థి సంఘాలు, మలబార్ క్రిస్టియన్ కాలేజ్, కాలికట్ (కేరళ), యూత్ క్రిస్టియన్ కౌన్సిల్ ఆఫ్ యాక్షన్ (కేరళ), స్టూడెంట్ క్రిస్టియన్ మూవ్‌మెంట్ ఆఫ్ ఇండియా, ఇండియన్ క్రిస్టియన్ అసోసియేషన్ ఆఫ్ బెంగాల్, బొంబాయిలో క్రైస్తవుల సమావేశం, క్రైస్తవుల సమావేశం పాళయంకోట, తిన్నవెల్లి,  వంటి సంస్థలు, స్వాతంత్య్ర ఉద్యమానికి సంపూర్ణ సంఘీభావం తెలుపుతూ తీర్మానాలను ఆమోదించారు. వారిలో కొందరు బ్రిటిష్ వలస ప్రభుత్వానికి వ్యతిరేకంగా భారీ ప్రదర్శనలలో కూడా పాల్గొన్నారు.

J.C. కుమారప్ప (అసలు పేరు జాన్ జేసుదాసన్ కార్నెలియస్, 1892-1960) ఒక ప్రముఖ కాంగ్రెస్ నాయకుడు. లక్నో యూనివర్సిటీలో కొంతకాలం తత్వశాస్త్ర ప్రొఫెసర్‌గా ఉన్నారు.మే 9, 1929న, కుమారప్ప సబర్మతీ ఆశ్రమంలో మహాత్మా గాంధీని కలిశాడు మరియు సన్నిహితులుగా మారారు. కుమారప్ప సత్యాగ్రహానికి బలమైన మద్దతుదారుడు మరియు జాతీయ ఉద్యమంలో క్రైస్తవ భాగస్వామ్యాన్ని ప్రోత్సహించాడు. మహాత్మా గాంధీ 1931లో దండి మార్చ్‌ను ప్రారంభించే ముందు, తన వారపత్రిక యంగ్ ఇండియాకు క్రమం తప్పకుండా రాయమని కుమారప్పను ప్రోత్సహించారు  మరియు తన జైలు శిక్ష తర్వాత కుమారప్ప దాని సంపాదకుడిగా ఉంటాడని తెలియజేశారు. ఆ విధంగా, కుమారప్ప యంగ్ ఇండియా సంపాదకుడయ్యాడు మరియు కుమారప్ప ఆవేశపూరిత రచనలు కుమారప్పకు 1931లో ఒకటిన్నర సంవత్సరాల కఠిన కారాగారవాసాన్ని అందించాయి. కానీ అదృష్టవశాత్తూ, గాంధీ-ఇర్విన్ ఒప్పందం కారణంగా కుమారప్ప కొన్ని రోజుల తర్వాత విడుదలయ్యాడు. కుమారప్ప 1932లో మహాత్మా గాంధీ నుండి యంగ్ ఇండియా సంపాదకత్వం వహించాడు, అది కుమారప్పను మళ్లీ జైలుకు పంపింది మరియు రెండున్నర సంవత్సరాలు నాసిక్ జైలులో నిర్బంధించబడినాడు.. 1942లో, కుమారప్ప ముంబై మరియు నాగ్‌పూర్ రెండింటిలోనూ ఏడాదిన్నర పాటు నిర్బంధంలో మరియు విచారణలో ఉన్నాడు.

'క్విట్ ఇండియా ఉద్యమం' సమయంలో, కుమారప్ప తన కాంగ్రెస్ సహచరులతో కలిసి బొంబాయిలో అండర్ గ్రౌండ్ కార్యకలాపాలలో పాల్గొన్నాడు. ఈ రహస్య విధ్వంసక చర్యలు కుమారప్ప అరెస్టుకు దారితీశాయి. కుమారప్ప రెండున్నర సంవత్సరాల కఠిన కారాగార శిక్ష అనుభవించాడు మరియు 1945 వరకు జబల్పూర్ సెంట్రల్ జైలుకు పంపబడ్డాడు. కుమారప్ప కాంగ్రెస్ వ్యవహారాలలో కూడా ప్రముఖ వ్యక్తి; 1947లో జై ప్రకాష్ నారాయణ్ స్థానంలో కుమారప్పకు అఖిల భారత కాంగ్రెస్ వర్కింగ్ కమిటీ సభ్యునిగా అవకాశం లభించింది.

క్రైస్తవ స్వాతంత్ర్య సమరయోధుల జాబితా చాలా పెద్దది, మతంతో సంబంధం లేకుండా స్వాతంత్ర్యం కోసం పోరాడిన వారందరినీ మనం గౌరవించాలి.