జకాత్ దురాశ మరియు భౌతికవాదం నుండి హృదయాన్ని శుద్ధి చేస్తుంది Zakat purifies heart from greed and materialism

 

మీరు ఇష్టపడే దానిని ఇవ్వకపోతే మీరు పుణ్యస్థాయికి చేరుకోలేరు”. (దివ్య ఖురాన్  3:92)

ఇతరులకు సహాయం చేయడం అర్థవంతమైన జీవితంలో భాగమనే ఆలోచన వేల సంవత్సరాల నుండి ఉంది. ఇస్లాంలో, విశ్వాసం మరియు ఆచరణలో దాతృత్వం అనేది ప్రధాన అంశం. దాతృత్వం అనేది ఇస్లామిక్ ఆరాధన రూపాల్లో ముడిపడి ఉంది. పేదరికాన్ని అనుభవిస్తున్న ప్రజలకు సహాయం చేయడం ఇస్లాం లో మతపరమైన ఆదేశం.

మానవత మరియు సమానత్వ విలువలు  ఇస్లామిక్ విశ్వాసాలకు పునాది. అన్ని విషయాలు దేవుని నుండి వచ్చి చివరకు దేవుని వద్దకు తిరిగి వెళ్ళతాయి అని ముస్లిములు నమ్ముతారు. ముస్లింలు తాము దేవుని ఆశీర్వాదాలకు కేవలం  ధర్మకర్తలు మాత్రమే అని నమ్ముతారు.

ఇస్లాం ఒక జీవన విధానం మరియు తక్కువ ప్రాధాన్యత కలిగిన వారికి సేవ చేయడం ముస్లిముల విధి. సమాజం యొక్క సంపద మరియు భూమి యొక్క అనుగ్రహం దాతృత్వం ద్వారా ఆర్ధిక లేమి కలిగినవారికి పంచడం ముస్లింలకు ఒక ప్రధాన బాధ్యతగా పరిగణించబడుతుంది. రంజాన్ మాసం దాతృత్వానికి కేంద్ర బిందువు.

ఇస్లాం లో ముస్లింలు దేవుని దీవెనలకు ధర్మకర్తలుగా జీవించాలని బోధిస్తారు. ఉపవాసం మరియు ప్రార్థనలతో పాటు, దాతృత్వం అనేది దైవభక్తి/దైవభీతి  (తఖ్వా)యొక్క ప్రధాన లక్షణం. దివ్య ఖురాన్ సంపద పంపిణీకి ఆచరణాత్మక మార్గదర్శకాలను అందిస్తుంది.

దివ్య ఖురాన్ చెప్పేదేమంటే అన్ని వస్తువులు భగవంతునికే చెందుతాయని మనం విశ్వసిస్తే, భగవంతుని ప్రణాళిక ప్రకారం ప్రతిదీ ఖర్చు చేయడం అవసరం. మన స్వంత జీవితాలలో పొదుపు మరియు ఇతరులతో దాతృత్వం(పంచుకోవటం) దివ్య ఖురాన్ యొక్క దాతృత్వ సందేశాన్ని బలపరుస్తుంది.

ముస్లింలు జకాత్, (తప్పనిసరి ఇవ్వడం) లేదా సదఖా(స్వచ్చందం) ఇస్తారు. ప్రపంచవ్యాప్తంగా ఉన్న దాదాపు 2 బిలియన్ల మంది ముస్లింలు రంజాన్‌లో జకాత్‌ ఇస్తారు. జకాత్ అనేది ధనిక మరియు పేద సమాజాల మధ్య ఒక సామాజిక ఒప్పందం, ఇక్కడ కష్టాలలో ఉన్న ఇతరులకు సేవ చేయడం షరతులు లేని నైతిక ఆదేశం.

జకాత్ అనేది ధనికుల సంపదపై పేదల ప్రత్యక్ష, న్యాయబద్ధమైన హక్కుపై ఆధారపడి ఉంటుంది. జకాత్ అంటే శుద్ధి మరియు అరబిక్ క్రియ జకాత్ నుండి వచ్చింది, ఇది "అభివృద్ధి చెందడం", "స్వచ్ఛంగా ఉండటం" మరియు "ఆరోగ్యకరంగా ఉండటం" అని కూడా సూచిస్తుంది. ముస్లింలు ప్రతి సంవత్సరం దాతృత్వానికి కొంత భాగాన్ని ఇవ్వడం ద్వారా వారి సంపదను "శుద్ధి" చేస్తారు. దివ్య ఖురాన్ చెప్పినట్లుగా, "వారి వస్తువులలో, జకాత్ తీసుకోండి, తద్వారా మీరు వారిని శుద్ధి చేసి పవిత్రం చేస్తారు." (ఖురాన్ 9:103)

ఇస్లాంలో, భగవంతుని కొరకు ఖర్చు చేయడం భౌతిక సంపద, హృదయాన్ని శుద్ధి చేస్తుంది మరియు దయకు పదును పెడుతుంది. ఒక విధంగా, తన సంపదను ఖర్చు చేసే వ్యక్తి తనకు భగవంతుని ప్రేమ కంటే మరేదీ ప్రియమైనది కాదని మరియు భగవంతుని కోసం ప్రతిదీ త్యాగం చేయడానికి పూర్తిగా సిద్ధంగా ఉన్నాడని పునరుద్ఘాటిస్తాడు.

దివ్య ఖురాన్ నొక్కిచెప్పింది, "నమాజును స్థాపించండి. జకాత్ ఇస్తూ ఉండండి.మీరు మీ స్వయం కొరకు ఏ మేలును ముందుగా పంపుకున్నా, దానిని దేవుని వద్ద పొందుతారు. " (ఖురాన్ 2:110)

ఇస్లాం లో సంక్షేమం, పరోపకారం మరియు న్యాయం అనే భావనలు, జకాత్ రూపేణా   మానవ సమాజానికి ఎదురయ్యే సవాళ్లను పరిష్కరించడానికి మార్గంగా చూడవచ్చు. దాతృత్వం, పరోపకారం  తో పాటు ఇస్లాం న్యాయం యొక్క భావనను జోడించింది, జకాత్ న్యాయమైన మరియు సమానమైన సమాజాన్ని నిర్మించడానికి కనిపిస్తుంది.

దివ్య ఖురాన్‌లో, విశ్వాసం యొక్క వ్యక్తీకరణగా జకాత్ యొక్క ప్రాముఖ్యత, నమాజ్  తో సమానంగా కనిపిస్తుంది. పవిత్ర ఖురాన్ లో ఈ రెండూ (జకాత్, నమాజ్)  తరచుగా ఏకకాలంలో ప్రస్తావించబడతాయి.

ఒక హదీసు ప్రకారం వ్యక్తి యొక్క శరీరంలోని ప్రతి భాగం దాతృత్వం చేయడం యొక్క ప్రాముఖ్యతను వివరిస్తుంది.

ఇవ్వడం, రాబడిపై దృష్టితో ఉండకూడదు. అనుబంధిత ఉద్దేశాలతో ఇవ్వడం ఒకరి ఆనందాన్ని రద్దు చేస్తుంది మరియు స్వీకరించేవారిపై భారం పడుతుంది.  విత్తనాలను నాటిన తర్వాత, ప్రతిఫలంగా ఏమీ ఆశించకూడదు. “నీ ఎడమ చేయి ఏమి చేస్తుందో నీ కుడి చేతికి తెలియకూడదు” అనే ఇంజీల్/బైబిల్ సూచనను అనుసరించడం గొప్పది. మీరు ఎటువంటి ప్రతిఫలం ఆశించకుండా ఎవరికైనా ఇచ్చినప్పుడు మీరు పొందినవారి వలె పోషణ పొందుతారు.

ఖలీల్ జిబ్రాన్ మన పూర్ణజీవితంతో, మనo  పూర్ణ హృదయంతో, మన నిజమైన ప్రేమను ఇవ్వాలని  నొక్కి చెప్పాడు -. ఖలీల్ జిబ్రాన్ "ది ప్రవక్త"లో వ్రాశాడు-"గుర్తుంచుకోండి, సగం విత్తనం మొలకెత్తదు మీరు మీ ఆస్తులను ఇచ్చినప్పుడు మీరు కొంచెం మాత్రమే ఇస్తారు. మీరు మీ గురించి ఇచ్చినప్పుడే మీరు నిజంగా ఇస్తారు. ఇచ్చే కాలం ఉన్నప్పుడే ఇవ్వండి, అప్పుడు మీరు చనిపోయినప్పుడు మీ ఖజానా ఖాళీగా ఉండదు."