పశ్చిమ ఐరోపాలో ముస్లింల సంఖ్య పెరుగుతోంది Growing numbers of Muslims in Western Europe

 

 

ఐరోపాలో ఇస్లాం మరియు దాని అనుచరులను అణచివేసేందుకు ప్రయత్నాలు జరుగుతున్నప్పటికీ ఇస్లాం, ముస్లిం జనాభా ఐరోపాలో క్రమంగా పెరుగుతున్నది. సంఖ్యా పరంగా ముస్లింలు వెనుకబడినప్పటికీ వారి సామాజిక పలుకుబడి మరియు రాజకీయ ప్రభావం పెరుగుతోంది. ఐరోపా దేశాలలోని పార్లమెంటులలో వారికి ప్రాతినిధ్యం ఉంది. ముస్లింలు పశ్చిమ దేశాలలో చాలా భాగం లెక్కించాల్సిన రాజకీయ,సామాజిక  శక్తిగా మారారు.

స్కాట్లాండ్‌కు చెందిన హమ్జా హరూన్ యూసఫ్, సోమాలి అమెరికన్ ఇల్హాన్ ఒమర్, నెదర్లాండ్స్‌కు చెందిన అహ్మద్ అబౌటలేబ్, పాకిస్థానీ సంతతికి చెందిన సాదిక్ ఖాన్, వీరందరూ ముస్లింలు మరియు వారి యోగ్యత యొక్క సంపూర్ణ బలంతో ప్రపంచ రాజకీయాల్లో ఒక ముద్ర వేశారు. వారు వివిధ దేశాలు మరియు నేపథ్యాలకు చెందినవారు కానీ వారిలో సాధారణంగా కనిపించేది ఆదర్శప్రాయమైన నాయకత్వ నైపుణ్యాలు, స్థితిస్థాపకత, ఆశావాద దృక్పథం మరియు ఎప్పుడూ చెరగని  స్ఫూర్తి.

ముస్లింలు యూరోపియన్ రాజకీయ రంగంలో మెల్లగా గుర్తించబడుతున్నారు మరియు జీవితంలోని వివిధ రంగాలలో స్థానం పొందుతున్నారు. బ్రిటిష్ కింగ్ చార్లెస్ మరియు క్వీన్ కెమిల్లాలను ఆశీర్వదించిన స్కాట్లాండ్ అహ్లుల్ బైట్ Ahlul Bayt సొసైటీ చీఫ్ ఇమామ్ మరియు డైరెక్టర్ జనరల్ అయిన డాక్టర్ సయ్యద్ రజావి బహుశా బ్రిటిష్ చరిత్రలో ప్రార్థనా సమావేశంలో రాజును ఆశీర్వదించిన మొదటి క్రైస్తవేతరుడు. రాజ దంపతులకు దీవెనలు పంపుతూ, దేవుడు తన జ్ఞానంతో రాజు మరియు రాణిని ఆశిర్వదించాలని ప్రార్థించాడు.

యూరోపియన్ జీవితంలో ముస్లింలకు  విస్తృత భాగస్వామ్యం మరియు ఏకీకరణ ఉంది. ముస్లింలు మరింత సంఘటితమయ్యారు మరియు మైనారిటీ సంఘంగా బహుళ సమాజంలో జీవించడం నేర్చుకుంటున్నారు. బ్రిటన్, జర్మనీ మరియు ఫ్రాన్స్ వంటి దేశాలలో ముస్లిములు మంచి సంఖ్యలో విజయవంతమైన వ్యవస్థాపకులు, నిపుణులుగా ఉన్నారు  మరియు సామాజిక పలుకుబడిని ఆస్వాదిస్తున్నారు. ముస్లిములలో ఎక్కువ మంది రాజకీయంగా కూడా చురుకుగా ఉన్నారు.

పాశ్చాత్య దేశాల ఆవిర్భావానికి ముందు, ముస్లింలు వెయ్యి సంవత్సరాల పాటు జ్ఞాన జ్యోతిగా ఉండేవారు. సైన్స్, గణితం, ఖగోళ శాస్త్రం, వైద్యం, తత్వశాస్త్రం మరియు కళలు ముస్లిం రాజ్యాలలో అభివృద్ధి చెందాయి. ఐరోపా పునరుజ్జీవనం స్పెయిన్‌లో ముస్లిం పండితులు, మేధావులు ప్రారంభించారు.  కానీ కాలక్రమేణా అనేక కారణాల వల్ల ముస్లిములు సైన్స్ లో వెనుకబడినారు. 21వ శతాబ్దపు ప్రారంభం నుండి ముస్లిములు విద్యలో మేల్కొని జ్ఞాన వికాసం లో తాము కోల్పోయిన స్థానం తిరిగి పొందడo ప్రారంభించారని" అని ఎం. జమాల్ హైదర్ అనే విద్యావేత్త తన – ప్రభువు నామం “In the Name of the Lord” అనే పుస్తకంలో వ్రాశాడు.

9/11 తర్వాత US మరియు యూరప్‌లోని ముస్లింలు తమ 'ఇస్లామిక్ గుర్తింపు'ను నొక్కి చెప్పడానికి మరింత ఆసక్తిని కలిగి ఉన్నారు. పురుషులు స్కల్ క్యాప్స్ మరియు గడ్డాలు ధరించి కనిపిస్తుండగా, ఎక్కువ మంది మహిళలు తలకు కండువాలు/స్కార్ఫ్స్ ధరించడం ప్రారంభించారు. మసీదు హాజరులో ముస్లిములు మరింత క్రమంగా ఉన్నారు. అనేక యూరోపియన్ వీధుల్లో ఇప్పుడు అరబిక్ మరియు తూర్పు భాషలలో సైన్ బోర్డులతో దుకాణాలు ఉన్నాయి. అయితే రాబోయే దశాబ్దాలలో పాశ్చాత్య విలువలు సాంప్రదాయ ముస్లిం విశ్వాసాలను దెబ్బతీస్తాయని చాలామంది భావిస్తున్నారు.

20వ శతాబ్దంలో బలమైన జనన రేటు కలిగిన ముస్లింలు వలస రావడం ప్రారంభించడంతో యూరోపియన్ జనాభా నిష్పత్తి  లో మార్పు రావడం ప్రారంభమైనది.. టర్కీ నుండి జర్మనీకి, ఉత్తర ఆఫ్రికా నుండి ఫ్రాన్స్‌కు, ఇండోనేషియా నుండి హాలండ్‌కు మరియు ఆసియా ఉపఖండం నుండి బ్రిటన్‌కు లక్షలాది మంది ముస్లింలు వలస వచ్చారు. ఇటీవలి సంవత్సరాలలో ఆశ్రయం కోరేవారు, ముస్లింలు, ఎక్కువగా యుద్ధంలో దెబ్బతిన్న సిరియా, ఇరాక్, పాలస్తీనా మొదలగు ముస్లిం దేశాలు  మరియు ఇతర ముస్లిం దేశాల  నుండి ఐరోపాకు వలస వచ్చారు. సోమాలియాలో జరిగిన అంతర్యుద్ధం వల్ల అక్కడి ముస్లింలు చాలా మంది హాలండ్ మరియు స్కాండినేవియాలకు వలస వెళ్లారు. వారిలో కొందరు సొమాలియన్ ముస్లిమ్స్ యునైటెడ్ కింగ్‌డమ్‌కు రెండవ వలస వచ్చారు.

ప్యూ రీసెర్చ్ సెంటర్ నివేదిక ప్రకారం, ఐరోపా జనాభాలో ముస్లిం వాటా దశాబ్దానికి ఒక శాతం పెరిగింది - 1990లో 4 శాతం నుండి 2010లో 6 శాతానికి పెరిగింది మరియు అది కొనసాగుతుందని భావిస్తున్నారు. 2030 నాటికి ఐరోపా జనాభాలో ముస్లింలు 8 శాతంగా ఉంటారని అంచనా. 2010లో ఐరోపాలో 44 మిలియన్ల మంది ముస్లింలు ఉన్నారని అంచనాలు చెబుతున్నాయి. ముస్లిములు ఇప్పుడు ఫ్రెంచ్ జనాభాలో 10 శాతం ఉన్నారు, ఇది పాశ్చాత్య ప్రపంచంలోనే అతిపెద్దది. గణనీయమైన ముస్లిం జనాభా ఉన్న ఇతర యూరోపియన్ దేశాలు జర్మనీ (5.4 శాతం), నెదర్లాండ్స్ (5%), బెల్జియం (4.0%) మరియు స్వీడన్ (2.3 శాతం). భవిష్యత్తులో వలసలు పూర్తిగా ఆగిపోయినప్పటికీ, ఐరోపాలోని ప్రస్తుత ముస్లిం నివాసితులలో అధిక సంతానోత్పత్తి రేట్లు కారణంగా ముస్లిం జనాభా ఇంకా పెరుగుతుందని భావిస్తున్నారు.

ముస్లిముల వలసలతో మత, సాంస్కృతిక విభేదాలు తెరపైకి వచ్చాయి. కలిసి జీవించడం అనే ప్రశ్న కొన్ని యురోపియన్ దేశాల్లో సవాలుగా మారింది. యునైటెడ్ కింగ్‌డమ్ చీఫ్ రబ్బీ జోనాథన్ సాక్స్ తన పుస్తకం, “ది డిగ్నిటీ ఆఫ్ డిఫరెన్స్‌”లో, జాతి, మతపరమైన  ద్వేషాలను తొలగించాలి అన్నాడు. మతాల మద్య విభేదాలు   భయపడాల్సిన విషయం కాదు, స్వాగతించదగినది అని యునైటెడ్ కింగ్‌డమ్ చీఫ్ రబ్బీ జోనాథన్ సాక్స్ అన్నాడు.

ఐరోపాలో కత్తులు లేకుండా, తుపాకులు లేకుండా, ఆక్రమించకుండానే ఇస్లాంకు విజయాన్ని అందించి కొన్ని దశాబ్దాల్లో ఐరోపా ను ముస్లిం ఖండంగా అల్లాహ్  మారుస్తాడని అన్న లిబియా నాయకుడు ముయమ్మర్ గడాఫీ అంచనా నిజమవుతుందా అని చాలా మంది ఆశ్చర్యపోతున్నారు.

 

ఒకటి మాత్రం వాస్తవం  ఐరోపాలో అత్యంత వేగంగా అభివృద్ధి చెందుతున్న మతం ఇస్లాం మరియు దాని అనుచరులు కూడా.