భారతదేశ స్వాతంత్ర్యం కోసం నవ్వుతూ ఉరికంభం ఎక్కిన నాదిర్ అలీ మరియు జైమంగల్ పాండే भारत की आज़ादी के लिए हंसते-हंसते फांसी पर चढ़े नादिर अली और जयमंगल पांडेय

 

క్రీ.శ.1857లో జరిగిన సిపాయిల తిరుగుబాటు బ్రిటీష్ అధికారానికి పెను సవాలుగా నిలిచింది.. బ్రిటీష్ బానిసత్వం నుంచి విముక్తి కోసం భారతీయ సైనికులు తమ ప్రాణాలను అర్పించారు. నవ్వుతూ ఉరి వేసుకున్నారు. కొన్ని చోట్ల భారతీయ విప్లకారులను  కంపెనీ అధికారులు చెట్లకువేలాడదీసి  ఉరివేసారు.

 కంపెనీ పాలనకు వ్యతిరేకంగా భారతీయ సిపాయిల తిరుగుబాటు యొక్క తేదీ 21 మే 1857 గా నిర్ణయం అయినప్పటికీ. కానీ దాని కన్నా రెండు నెలల ముందు మార్చి 29, 1857న సిపాయిల తిరుగుబాటు ప్రారంభం  అయినది. తిరుగుబాటు జ్వాలలు మీరట్, ఢిల్లీ, లక్నో, కాన్పూర్, ఝాన్సీ, బీహార్ మొదలైన ప్రాంతాలకు త్వరగా వ్యాపించాయి. 1857 జూలై 13న పాట్నాలోని దానాపూర్ కంటోన్మెంట్‌లో విప్లవం జరిగింది మరియు జూలై 7న పీర్ అలీతో సహా 36 మందిని ఉరితీశారు. ఈ వార్త దావానంలా వ్యాపించింది.

30 జూలై 1857న, హజారీబాగ్‌లో ఉన్న రామ్‌గఢ్ బెటాలియన్‌కు చెందిన 8వ నేటివ్  కాన్ఫియాంట్‌లోని రెండు స్క్వాడ్‌లు మద్యానం ఒంటిగంటకు తిరుగుబాటు చేశారు. ఆ సమయంలో ఛోటానాగపూర్ కమీషనర్ E.T. డాల్టన్, విప్లవాన్ని అణిచివేసేందుకు లెఫ్టినెంట్ గ్రాహం నాయకత్వంలో రాంచీకి చెందిన రామ్‌గఢ్ బెటాలియన్‌కు చెందిన రెండు బృందాలను పంపాడు. ఇందులో 25 మంది గుర్రపు సైనికులు మరియు ఇద్దరు సిక్స్-పౌండర్ గన్నర్లు కూడా ఉన్నారు. రామ్‌గఢ్ చేరుకున్న తర్వాత ఈ దళం కూడా తిరుగుబాటు చేసింది. దీనికి జమాదార్ మాధవ్ సింగ్ నాయకత్వం వహించారు. వారు త్వరగా రాంచీకి బయలుదేరారు. అక్కడ బడ్ము విప్లవకారులను కలిశారు. అదే రోజు దొరండా (రాంచీ) బెటాలియన్ తిరుగుబాటు చేసింది. ఈ విధంగా ఛోటానాగ్‌పూర్ కమిషనరేట్‌లో విప్లవం తీవ్రమైంది

30 సెప్టెంబరు 1857న, స్వాతంత్ర్య సమరయోధులు, బీహార్‌కు చెందిన బాబు కున్వర్ సింగ్‌కు సహాయం చేయడానికి డోరండా నుండి కవాతు చేశారు. దారిలో, చుటియా భూస్వామి భోలా సింగ్, విప్లవ సైనికులతో చేరారు. అనంతరం కురు, చందవా, బాలుమత్ మీదుగా చారిత్రక చాత్ర ప్రాంతానికి తిరుగుబాటు సైనికులు చేరుకున్నారు. ఆ సమయంలో సింప్సన్ చత్రా డిప్యూటీ కమిషనర్‌గా ఉన్నారు. విప్లవ యోధులు భోజ్‌పూర్‌కు వెళ్తున్నారని టెలిగ్రామ్ ద్వారా సింప్సన్ కి సమాచారం అందింది. తిరుగుబాటు విప్లవ సైనిక బృందానికి జైమంగల్ పాండే మరియు నాదిర్ అలీ ఖాన్ నాయకత్వం వహించారు. ఈ విప్లవ జట్టులో ఠాకూర్ విశ్వనాథ్ షాదేవ్ (బర్కగర్) మరియు అతని దివాన్ పాండే గణపత్ రాయ్ ఉన్నారు. కల్పనాథ్ షాహీ కుమారుడు మరియు బాబు కున్వర్ సింగ్ సోదరుడు దయాల్ సింగ్ అల్లుడు అయిన సల్గికి చెందిన జగన్నాథ్ షాహి కూడా తిరుగుబాటుదారులకు సహాయం చేశారు. ఇందులో షేక్ భిఖారీ, తికైత్ ఉమ్రావ్ సింగ్, చామా సింగ్, జమీందార్ మాధవ్ సింగ్ మరియు భోలా సింగ్ కూడా ఉన్నారు.

సెప్టెంబరు 23న హజారీబాగ్‌లో జరిగిన స్వాతంత్య్ర పోరాట మంటను ఆర్పడంలో కమిషనర్ డాల్టన్ చాలా కష్టపడి విజయం సాధించారు, అయితే డిప్యూటీ కమీషనర్ సింప్సన్‌కు చత్రా యుద్ధం చాలా ఖరీదైనదిగా మిగిలింది..

చత్రా యుద్ధం 1857 AD లో బీహార్ యొక్క నిర్ణయాత్మక యుద్ధం, ఇది ఒక గంట పాటు నిరంతరం కొనసాగింది.ఈ రక్తపాత ఘర్షణలో 56 మంది ప్రభుత్వ సైనికులు మరణించారు. 46 మంది యూరోపియన్ సైనికులు మరియు 10 మంది సిక్కు సైనికులు ఉన్నారు. చాలా మంది బ్రిటిష్ సైనికులు గాయపడ్డారు. వీరిలో నలుగురు సైనికులు తీవ్రంగా గాయపడటంతో వారి అవయవాలను నరికివేయాల్సి వచ్చింది. గాయపడిన 100 మందికి పైగా సైనికులు ఆసుపత్రిలో చేరారు. చత్రా పట్టణానికి పశ్చిమ అంచున ఉన్న ఛత్ర-గయ రహదారికి ఉత్తరాన, ఫారెస్ట్ డివిజన్ ఆఫీస్ ఛత్ర వెనుక ఉన్న క్యాథలిక్ ఆశ్రమం సమీపంలో బ్రిటీష్ మరియు సిక్కు సైనికుల శవాలు  ఒకే బావిలోకి విసిరివేయబడ్డారు.

150 మంది భారతీయ విప్లవ సైనికులను మామిడి చెట్లకు వేలాడదీసి ఉరితీసిన ప్రదేశాన్ని ఈ ప్రాంతంలో ఫాన్సిహరి తలాబ్, మంగళ్ తలాబ్, భూతహ తలాబ్, హర్జీవన్ తలాబ్ మొదలైన పేర్లతో పిలుస్తారు. చెరువు సమీపంలో, స్వాతంత్ర్య పీఠంపై చాలా మంది స్వాతంత్ర్య వీరులు తమ ప్రాణాలను అర్పించారు.

చెరువు చుట్టుపక్కల ప్రాంతాలు శవాలతో నిండిపోయినయి..  అక్టోబర్ 3న, సుబేదార్ జైమండల్ పాండే మరియు సుబేదార్ నాదిర్ అలీ ఖాన్‌లను సింప్సన్ ముందు హాజరుపరిచారు. 1857 తిరుగుబాటులోని సెక్షన్ 17 ప్రకారం సుబేదార్ జైమండల్ పాండే మరియు సుబేదార్ నాదిర్ అలీ ఖాన్‌లను 4అక్టోబర్, 1857న ఉరితీశారు. రెండు రోజుల క్రితం అక్టోబరు 2న జరిగిన తిరుగుబాటు పోరాటంలో  వీరంతా ధైర్యం ప్రదర్శించారు. సుబేదార్ జైమండల్ పాండే మరియు సుబేదార్ నాదిర్ అలీ ఖాన్‌ల  జ్ఞాపకార్థం జానపద గేయాలు ఈ ప్రాంతంలో ప్రసిద్ధి చెందాయి.