కర్ణాటకలోని ఉడిపిలో హిందూ మహిళ అంత్యక్రియలు నిర్వహించిన ముస్లిం కుటుంబం Muslim Family Performs Last Rites of a Hindu Woman in Karnataka’s Udupi

బెంగళూరు –

కర్నాటకలోని ఉడిపి జిల్లాలోని కౌప్ సమీపంలోని మల్లార్ గ్రామంలో మరణించిన 90 ఏళ్ల జానకి పూజారి అనే హిందూ మహిళ అంత్యక్రియలను మత సామరస్యాన్ని ప్రదర్శిస్తు  ఒక ముస్లిం కుటుంబం నిర్వహించినది. మత సంప్రదాయాలను గౌరవిస్తూ హిందూ ఆచారాల ప్రకారం జానకి పూజారి అంతిమ వీడ్కోలు ముస్లిం కుటుంబం నిర్వహించింది.

జానకి గత పదేళ్లుగా సన్‌షైన్ లేఅవుట్‌లోని ఒక ముస్లిం ఉద్యోగి అయిన రఫీక్ అబ్దుల్ ఖాదర్‌ ఇంట్లో నివసిస్తున్నారు. తన భర్త మరణం తరువాత, జానకి తన స్నేహితురాలు ముంబైలోని రఫీక్ తల్లితో కలసి ఒక సన్నిహిత కుటుంబ సభ్యురాలుగా  నివసించింది. ఈ సమయంలో, జానకి తన కొడుకు శేఖర్ విఠల్‌తో సహా బంధువులతో సంబంధాలు కోల్పోయింది.

జానకితో తన కుటుంబానికి ఉన్న బంధం వివరాలను రఫీక్ తెలియజేస్తూ “జానకి చిన్నప్పటి నుండి కుటుంబ సభ్యురాలు గా మాతో కలిసి ఉండేది. వాస్తవానికి, పరిస్థితి విషమంగా ఉన్న సమయంలో జానకి కుమారుడు వారం క్రితం తన తల్లిని చూడటానికి వచ్చాడు. జానకి మరణించిన తరువాత, తెలియజేసి, హిందూ సంప్రదాయం ప్రకారం తన తల్లి అంత్యక్రియలు చేయడానికి రమ్మని అతని అడిగాను.

రఫీక్ కుటుంబం కాపులోని రుద్రభూమిలో హిందూ ఆచారాలకు అనుగుణంగా జానకి అంత్యక్రియలకు అన్ని ఏర్పాట్లు చేసింది. జానకి కుమారుడు మరియు మనవరాలు అంత్యక్రియలకు హాజరయ్యారు.  గౌరవ సూచకంగా, రఫీక్ ఇరుగుపొరుగువారు  ఇబ్రహీం, కౌప్ టౌన్ మునిసిపాలిటీ చైర్‌పర్సన్ హరినాక్షి దేవాడిగ మరియు పలువురు గ్రామస్తులు అంత్యక్రియలకు హాజరయ్యారు, ఇది సమాజం లో ఐక్యత స్ఫూర్తిని మరింత ప్రదర్శించింది.

గౌరవ సూచకంగా, హిందూ ఆచారాలకు అనుగుణంగా జానకి 13వ రోజు ఆచారాలు జానకి కుమారుడి భాగస్వామ్యంతో నిర్వహించబడతాయి. జానకి జీవితం మరియు ఆచార వ్యవహారాలను గౌరవించడంలో రఫీక్ చేసిన ప్రయత్నాలు మతపరమైన సరిహద్దులకు అతీతంగా కరుణ మరియు ఐక్యతకు శక్తివంతమైన ఉదాహరణగా నిలుస్తాయి.

 

ఆధారం::క్లారియన్ ఇండియా,జనవరి 28, 2025