ఆరోగ్యం మరియు మహిళల విద్య పై దృష్టి కేంద్రీకరించడం వలన ముస్లిం జనాభా తగ్గుతుంది మరియు పనిలో పాల్గొనడం పెరుగుతుంది Focusing on health, education of women in muslims will bring down population, increase work participation

 

ప్రపంచ జనాభా అవకాశాలు 2019 ప్రకారం భారతదేశం యొక్క మొత్తం సంతానోత్పత్తి రేటు (total fertility rate టిఎఫ్ఆర్) అరవైల ప్రారంభం నుండి 2010-15 వరకు 5.9 నుండి 2.4 నుండి తగ్గిందని వెల్లడించినది. TFR అనేది తన జీవితకాలంలో మహిళలకు జన్మించాల్సిన మొత్తం పిల్లల సంఖ్యగా నిర్వచించబడింది. 2025-30 నాటికి ఇది 2.1 కి పడిపోతుంది మరియు 2045-50 మధ్య కాలంలో అది  1.9 కి పడిపోతుంది. జాతీయ కుటుంబ ఆరోగ్య సర్వే (ఎన్‌ఎఫ్‌హెచ్‌ఎస్) ప్రకారం, భారతదేశ టిఎఫ్‌ఆర్ 2005-6లో 2.7 నుండి 2015-16లో 2.2 కు తగ్గింది.

భారతదేశ జనాభా 2060 లో 1.7 బిలియన్లకు చేరుకుంటుందని, 2100 నాటికి 1.5 బిలియన్లకు తగ్గుతుందని అంచనా వేయబడింది. ఎన్ఎఫ్హెచ్ఎస్ (NFHS), నివేదిక ప్రకారం టిఎఫ్ఆర్ వేగంగా క్షీణించడం, ఆశించిన దానికంటే చాలా ముందుగానే జరుగుతుంది అని గణాంకాలు సూచిస్తున్నాయి.

గర్భనిరోధక మందుల వాడకం లో పెరుగుదల టిఎఫ్ఆర్ క్షీణతకు ఒక అంశం.

ఈ గణనీయమైన క్షీణతకు దారితీసిన మరొక ప్రధాన అంశం వివాహ వయస్సు పెరుగుదల. ఎన్‌ఎఫ్‌హెచ్‌ఎస్ 2015-16 రికార్డు ప్రకారం 20-24 ఏళ్లలోపు వివాహిత మహిళల్లో 18 ఏళ్ళకు ముందు గర్భవతిగా లేదా ఒక బిడ్డను కలిగి ఉన్న వ్యక్తులు 2005-06లో 48 శాతం నుండి 2015 -16లో 21 శాతానికి తగ్గారు.

టిఎఫ్‌ఆర్ క్షీణత డిపెండెన్సీ రేటు తగ్గడానికి దారితీస్తుంది. పిల్లల వాటా తగ్గింపు మరియు వయోజన జనాభాలో పెరుగుదల అధిక ఆర్థిక వృద్ధిని సాధించడానికి ముఖ్యమైనవి ఎందుకంటే ఇది శ్రామిక జనాభా శాతం పెరుగుదలకు దారితీస్తుంది.

ఆసియా అభివృద్ధి బ్యాంకు అంచనాల ప్రకారం రాబోయే మూడు దశాబ్దాల్లో భారతదేశం సంవత్సరానికి కనీసం 6.5-7.5 శాతం వృద్ధి చెందుతుందని అంచనా. ప్రస్తుత ఆర్థిక సంక్షోభం ఉన్నప్పటికీ, జనాభా డివిడెండ్ మరియు ఇతర నిర్మాణాత్మక కారకాల కారణంగా ఈ రికార్డు వృద్ధిని సాధించవచ్చు.

భారతదేశంలో అధిక ఆదాయ వృద్ధి అనేది  పని లో పాల్గొనే రేటు లో  పెరుగుదల మరియు నైపుణ్య అభివృద్ధిపై ఆధారపడి ఉంటుంది. ఊహించిన వృద్ధి రేటును సాధించాలంటే, శ్రామికశక్తిలో పాల్గొనే మహిళల శాతం పెరుగుదల తప్పనిసరి. శ్రామిక మహిళల శాతం తగ్గుతున్నప్పటికీ, టిఎఫ్‌ఆర్‌లో క్షీణత మరియు వివాహ వయస్సు పెరుగుదల ధోరణి ఇది సాధ్యమని సూచిస్తున్నాయి. ఉపాధి కారణాల వల్ల మహిళల వలసలు గణనీయంగా పెరగడం ఈ విషయాన్ని మరింతగా  ధృవీకరిస్తుంది

ముస్లిం సమాజంలో ఉన్నత స్థాయి పేదరికం మరియు నిరక్షరాస్యత ఇతర వర్గాల కంటే ఎక్కువ పిల్లల సంఖ్యని వివరిస్తుంది. అయితే పరిస్థితి ఒక్కసారిగా మారుతోంది. 2005-6లో, ముస్లింల టిఎఫ్ఆర్ 3.4 గా ఉంది, ఇది 2015-16లో 2.6 కి పడిపోయింది, ఇది 0.8 శాతం పాయింట్ల క్షీణత. అదే సమయం లో హిందువుల, టిఎఫ్ఆర్ 2005-06లో 2.6 నుండి 2015-16లో 2.1 కు తగ్గింది - ఇది 0.5 పాయింట్ల పతనం. క్రైస్తవులు మరియు సిక్కుల తగ్గుదల కేవలం 0.3 శాతం పాయింట్లు.   స్టెరిలైజేషన్ వంటి గర్భనిరొదక పద్ధతులు పెద్దగా ప్రాచుర్యం పొందనప్పటికీ,విద్య స్థితి మెరుగుపడటం మరియు ఆర్థికాభివృద్ధి మరియు ఆధునికత యొక్క ప్రయోజనాలు అట్టడుగు వర్గాలకు చేరడం దీనికి కారణం.

ముస్లిం మహిళలలో స్టెరిలైజేషన్ మరియు తాత్కాలిక గర్భ నిరోధం,  పిల్లల మద్య అంతరo వంటి కుటుంబ నియంత్రణ  పద్ధతుల పట్ల అంగీకారం పెరిగింది. వారి టిఎఫ్‌ఆర్‌ను తగ్గించడంలో ప్రాథమిక ఆరోగ్యం మరియు విద్య ముఖ్యమైన పాత్ర పోషించాయి. ప్రాధమిక విద్య యొక్క వ్యాప్తి ప్రభావం ముస్లిం మహిళలపై   ఎక్కువగా ఉంది అని NFHS డేటా ద్వారా వెల్లడైంది

ముస్లింలలో  పాఠశాల హాజరు తక్కువ రేటు మరియు పాఠశాలల్లో గడిపిన తక్కువ సంవత్సరాలకు ప్రధానంగా  పేదరికం కారణంగా ఉంది  ఎందుకంటే ముస్లిం బాలురు చాలా త్వరగా కార్మిక మార్కెట్‌లోకి ప్రవేశిస్తారు. సాంప్రదాయ మరియు సాంస్కృతిక కారకాల కారణంగా బాలికలు పాఠశాలలను వదిలివేస్తారు

కార్మిక మార్కెట్‌తో పాటు పాఠశాలలు, కళాశాలల్లోకి ఎక్కువ మంది ముస్లిం బాలికలు / మహిళలు ప్రవేశిస్తున్నారు. విద్యావంతులైన ముస్లిం మహిళలు చాలా ఎక్కువ నిరుద్యోగిత రేటును కలిగి ఉన్నారు అనేది వాస్తవం.

చారిత్రాత్మకంగా, ముస్లింలు ఇతర వర్గాల కంటే విద్యలో అధ్వాన్నంగా ఉన్నారు. విభజనకు ముందు రోజుల్లో, వారి అక్షరాస్యత రేటు షెడ్యూల్డ్ కులాలు మరియు షెడ్యూల్డ్ తెగలవారి కంటే ఎక్కువగా ఉంది. చాలా మంది విద్యావంతులైన ముస్లింలు పాకిస్తాన్‌కు వెళ్లాలని నిర్ణయించుకోవడంతో విభజన సమయంలో ఇది మారిపోయింది. గత ఏడు దశాబ్దాలుగా ముస్లిం అక్షరాస్యత మందగించింది. గత దశాబ్దాలలో, రిజర్వేషన్లు మరియు స్కాలర్‌షిప్‌ల వల్ల ఎస్సీలు / ఎస్టీలు లబ్ధి పొందారు. ముస్లిoలు  ఈ ప్రయోజనం వలన లాభపడ  లేదు. 

భారతదేశంలో 3.5 కంటే ఎక్కువ టిఎఫ్ఆర్ "“target districts లక్ష్య జిల్లాలు" అధిక ముస్లిం జనాభాను కలిగి ఉన్నాయి. ఈ జిల్లాల్లో ఆరోగ్యం మరియు విద్యను ప్రోత్సహించడం, మహిళా వికాసం పై దృష్టి పెట్టడం వలన జనాభా పెరుగుదలను సమర్థవంతంగా తగ్గించడం మరియు పనిలో పాల్గొడం పెంచడం జరుగుతుంది మరియు ముస్లింలు  జనాభా డివిడెండ్ పొందగలరు