భారతీయ ముస్లింల సమస్యలను పరిష్కరించడoలో రాజకీయ పార్టీలకు చిత్తశుద్ది లేదు- మహారాష్ట్ర స్పెషల్ ఇన్స్పెక్టర్ జనరల్ అబ్దుర్ రెహ్మాన్

పుస్తక సమీక్ష

“"తిరస్కరణ మరియు లేమి: సచార్ కమిటీ మరియు రంగనాథ్ మిశ్రా కమిషన్ రిపోర్ట్స్ తరువాత

“Denial and Deprivation: Indian Muslims after the Sachar committee and Rangnath Mishra Commission Reports’’

by

మహారాష్ట్ర రాష్ట్ర మానవ హక్కుల కమిషన్ (ఎంఎస్‌హెచ్‌ఆర్‌సి) చీఫ్‌గా నియమించబడిన స్పెషల్ ఇన్‌స్పెక్టర్ జనరల్ (ఐజిపి) అబ్దుర్ రెహ్మాన్.

స్పెషల్ ఇన్స్పెక్టర్ జనరల్ ఆఫ్ పోలీస్ (ఐజిపి) అబ్దుర్ రెహ్మాన్ తన పుస్తకంతో

Special Inspector General of Police (IGP) Abdur Rahman with his book

భారతీయ ముస్లింల పట్ల ప్రభుత్వo ప్రదర్శిస్తున్న  నిర్లక్ష్య వైఖరిపై ఒక వివరణాత్మక  పుస్తకం రాయడం  అరుదు. అది ఒక భారత పోలీసు సేవ (ఐపిఎస్IPS) అధికారి రాయడం ఇంకా చాలా అరుదు. ప్రస్తుతం మహారాష్ట్ర రాష్ట్ర మానవ హక్కుల కమిషన్ (ఎంఎస్‌హెచ్‌ఆర్‌సిMSHRC) చీఫ్‌గా నియమించబడిన స్పెషల్ ఇన్‌స్పెక్టర్ జనరల్ (ఐజిపిIGP) అబ్దుర్ రెహ్మాన్ తన సహచరులకు భిన్నంగా ఉన్నారు.

అతని 569 పేజీల తాజా పుస్తకం, "తిరస్కరణ మరియు లేమి: సచార్ కమిటీ మరియు రంగనాథ్ మిశ్రా కమిషన్ రిపోర్ట్స్ తరువాత “ Denial and Deprivation : Indian Muslims after the Sachar committee and Rangnath Mishra Commission Reports’’ దీనిని న్యూ డిల్లి లోని మనోహర్ పబ్లికేషన్స్ ప్రచురించింది. ఇది  ముస్లిం సమాజాన్ని ప్రభావితం చేసే సమస్యలను చర్చిస్తుంది మరియు సమాజంలో వారి సామాజిక-ఆర్థిక సాధికారత కోసం సహేతుకమైన పరిష్కారాలను అందిస్తుంది..

ఈ పుస్తకం మూడు సంవత్సరాల నిరంతర రచన, శ్రమతో కూడిన పరిశోధనా ఫలితం. ఈ పుస్తకం దేశంలోని ప్రముఖ ఆంగ్ల దినపత్రికలలో మంచి సమీక్షలను అందుకుంది, ఈ పుస్తకo పై   అనేక ప్రముఖ ఆన్‌లైన్ పోర్టల్స్ విమర్సానాత్మక సమీక్షలు జరిపినవి. 

ఈ పుస్తకాన్ని మొట్టమొదట 2018 నవంబర్ చివరి వారంలో లండన్ కేంద్రంగా ఉన్న రౌట్లెడ్జ్ పబ్లికేషన్ ప్రచురించింది. ఈ పుస్తకం భారతీయ ముస్లింల సామాజికంగా, ఆర్థికంగా మరియు విద్యాపరంగా ఉన్న పరిస్థితిని వివరంగా పరిశీలిస్తుంది మరియు ప్రభుత్వం నడిపే వివిధ కార్యక్రమాల సామర్థ్యాన్ని కూడా హైలైట్ చేస్తుంది మరియు ప్రామాణికమైన వనరులు మరియు మేధో చర్చల నుండి తాజా డేటా వెలుగులో భారతీయ ముస్లింల యొక్క సమగ్ర అభివృద్ధికి ఒక రోడ్‌మ్యాప్‌ను అందిస్తుంది.

భారతదేశంలో ముస్లింల సమగ్ర అభివృద్ధి కి ముస్లిం సమాజం మరియు వ్యక్తిగత కార్యక్రమాల అవసరాన్ని కూడా ఈ పుస్తకం హైలైట్ చేస్తుంది. ఈ పుస్తకం ముస్లింల పట్ల మునుపటి యునైటెడ్ ప్రోగ్రెసివ్ అలయన్స్ (యుపిఎ) ప్రభుత్వాల ఉదాసిన వైఖరిని  మరియు ప్రస్తుత ప్రభుత్వ  పాలన వైఖరిని బహిర్గతం చేస్తుంది.

నేడు బహిరంగంగా జరుగుతున్న బహిరంగ వివక్ష, గుంపు-హింస, లిన్చింగ్ మరియు ద్వేషపూరిత నేరాలపై  ప్రభుత్వాలు సమర్థవంతమైన చర్యలు తీసుకోకపోవడం వలన ముస్లింలలో అణగారితనం(marginalisation) ప్రబలిందని రచయిత పేర్కొన్నారు.

నవంబర్ 2006 లో సచార్ కమిటీ తన నివేదికను మే 2007 లో రంగనాథ్ మిశ్రా కమిషన్ తన నివేదికను ప్రభుత్వానికి సమర్పించినది. ఈ రెండు నివేదికలను ప్రచురించిన తరువాత, అనేక సమాజిక  సంస్థలు, ఎన్జిఓలు, సామాజిక  కార్యకర్తలు, ఆర్టిఐ కార్యకర్తలు, నిబద్ధత గల వ్యక్తులు ఈ నివేదికల అమలు స్థాయిని తెలుసుకోవడానికి అవిశ్రాంత ప్రయత్నాలు చేస్తున్నారు.

ఈ రెండు నివేదికల యొక్క 12 సంవత్సరాల తరువాత వారి సరైన పరిస్థితిని ప్రదర్శించడం ద్వారా ఇప్పటివరకు భారతీయ ముస్లింలు ఎదుర్కొంటున్న తిరస్కరణ మరియు లేమి స్థాయిని అంచనా వేయడానికి మరియు విశ్లేషించడానికి ఈ పుస్తకం ప్రయత్నిస్తుందని అబ్దుర్ రెహ్మాన్ పేర్కొన్నారు.

జనాభా, విద్య, ఆర్థిక వ్యవస్థ, పేదరికం, నిరుద్యోగం, బ్యాంకు రుణాల లభ్యత, మౌలిక సదుపాయాలు మరియు పౌర సౌకర్యాలు మరియు ప్రభుత్వ ఉపాధిలో ప్రాతినిధ్యం వంటి ఫలిత సూచికలకు సంబంధించి ప్రస్తుత పరిస్థితులను ఇది చూపుతుంది మరియు చర్చిస్తుంది. ఉర్దూ, `మదర్సా` మరియు వక్ఫ్ వంటి సమాజ-నిర్దిష్ట సమస్యలను కూడా చర్చిస్తుంది.

ఈ పుస్తకం లో ముస్లింల స్థితిపై చాలా ఆసక్తికరమైన మరియు సమాచార అధ్యాయం ఉంది, రాడికల్ భావజాలాలను విడనాడాలని రచయిత ముస్లింలను కోరారు మరియు ప్రపంచంలోని చాలా మతాలు శాంతి, న్యాయం మరియు మానవత్వాన్ని బోధిస్తాయని పేర్కొన్నారు. ఇస్లాం శాంతి, మానవత్వం మరియు సామాజిక న్యాయం గురించి బోధిస్తుంది. అనేక సందర్భాల్లో, ఇస్లామిక్ ప్రపంచంలో ఉగ్రవాద ఆలోచనలు మరియు సంస్థలు వెస్ట్ చేత సృష్టించబడ్డాయి అని అన్నారు.

ఈ నివేదికలపై వివిధ రాజకీయ నిర్మాణాల ప్రతిస్పందనలు ఒక పొందికైన దృక్పథాన్ని రూపొందించడానికి సరైన క్రమంలో సమర్పించబడ్డాయి. సచార్ అనంతర కాలంలో, పుస్తకంలోని తాజా డేటా సహాయంతో ముస్లింల పరిధిని మరియు ప్రభావాన్ని అంచనా వేసి ముస్లింల  పరిస్థితిని మెరుగుపరచడానికి ప్రభుత్వాలు అనేక పథకాలను ప్రారంభించాయి.

ఇది ముస్లింల సామాజిక నిర్మాణం, ఇతర వెనుకబడిన తరగతుల (ఓబిసి), దళితుల ఉనికిని ప్రదర్శిస్తుంది మరియు రిజర్వేషన్ల కోసం ఒక ఆచరణాత్మక నమూనాను సూచిస్తుంది. ఇది ఈ నివేదికల సిఫారసుల అమలు ప్రక్రియను అనుసరిస్తుంది.

చివరగా, అన్ని స్థాయిలలో-రాజ్యం, సమాజం మరియు వ్యక్తి ఏమి చేయాలనే దానిపై రోడ్‌మ్యాప్, లేమి స్థాయి, అణగారినతనం సూచించబడింది. "ముస్లింల సమస్యలను జాతీయ సమస్యగా భావించే అవగాహనను సృష్టించడం నా ప్రయత్నం అని రచయిత అన్నారు. భారతీయ ముస్లింల ‘సమగ్ర వృద్ధి’ మరియు ‘ప్రధాన స్రవంతి’ కోసం ‘దృడమైన చర్యలు’ తీసుకోవలసిన అవసరాన్ని ఈ పుస్తకం నొక్కి చెబుతుంది. 

ఈ పుస్తకం వివిధ ప్రభుత్వ నివేదికలు, పార్లమెంటు మరియు రాష్ట్ర అసెంబ్లీలలో సమర్పించిన వివిధ నివేదికలు, అనేక సంస్థలు మరియు స్వచ్ఛంద సంస్థలచే ప్రచురించబడిన నివేదికలు, వార్తాపత్రిక నివేదికలు, ఇంటర్నెట్‌లో నివేదికలు, నిపుణులు రాసిన కథనాలు మరియు ఆర్టీఐ ద్వారా సేకరించిన సమాచారం నుండి సూచనలు తీసుకున్నది.ముస్లింల పరిస్థితి చెడు నుండి అధ్వాన్నంగా మారుతోంది మరియు ఇదే పరిస్థితి కొనసాగితే ముస్లింలు త్వరలో భారతీయ సమాజంలో నయా దళితులు అవుతారని నిపుణులు అంటున్నారు.