BMI (Body Mass Index): ఇది మీ హృదయాన్ని ఎలా ప్రభావితం చేస్తుంది?

మనలో చాలా మంది బరువు తగ్గాలని అనుకొంటారు. ప్రస్తుత కాలం లో ఊబకాయం అనేది ప్రపంచవ్యాప్త ప్రజారోగ్య సమస్య మరియు  ఇది మరింత తీవ్రమవుతుంది. తాజా గణాంకాల ప్రకారం, మన  జనాభాలో 2/3 మంది అధిక బరువు తో ఉన్నట్లు కనుగొనబడింది, 25-30 మధ్య BMI (బాడీ మాస్ ఇండెక్స్) కలిగి ఉన్నవారు అధిక బరువు (Over Weight) ఉన్నట్లు నిర్వచించబడింది, BMI 30 కన్నా ఎక్కువ ఉండటం  స్థూలకాయం (obese) గా నిర్ణయిoపబడింది.

BMI మరియు హృదయనాళ (Cardiovascular) ప్రమాదం మధ్య సంబంధం ఏమిటి? అధిక BMI విలువ హృదయనాళ సమస్యలకు దారితీస్తుందని మరియు మీ ఆయుష్షును తగ్గిస్తుందని ఇటీవలి అధ్యయనాలు నిర్ధారించాయి. అత్యంత సాధారణ హృదయనాళ సమస్యలలో హార్ట్ ఎటాక్, కంజెజిటివ్ (Congestive) హార్ట్ ఫెయిల్యూర్, స్ట్రోక్ మరియు హైపర్‌టెన్షన్ మొదలగునవి  ఉన్నాయి.

ఊబకాయం ఉన్నవారిని  సాధారణ బరువు పరిధిలో ఉన్న వారితో పోలిస్తే ఊబకాయం ఉన్నవారికి గుండె జబ్బులు వచ్చే ప్రమాదం ఎక్కువ ఉందని సాడియా ఖాన్ M.D తన పరిశోధన పత్రం లో పేర్కొన్నారు. వాస్తవానికి, వారు తక్కువ ఆయుర్దాయం కలిగి హృదయ సంబంధ వ్యాధులతో గడిపారు.

సెంటర్ ఫర్ డిసీజ్ కంట్రోల్ (సిడిసి) ప్రకారం, ఊబకాయం యొక్క దుష్పరిణామాలలో రక్తపోటు, డయాబెటిస్ మెల్లిటస్ టైప్ 2, కొరోనరీ ఆర్టరీ డిసీజ్, హైపర్లిపిడెమియా, పిత్తాశయ వ్యాధి, ఆస్టియో ఆర్థరైటిస్, స్లీప్ అప్నియా, రొమ్ము, పెద్దప్రేగు మరియు మూత్రపిండాలతో సహా కొన్ని రకాల క్యాన్సర్లు, తక్కువ జీవన నాణ్యత , ఆందోళన, నిరాశ మరియు శారీరక శ్రమలతో ఇబ్బంది మొదలగునవి ఉన్నాయి.

ఊబకాయం చికిత్సలో ఆహారం, వ్యాయామం, ప్రవర్తనా మార్పు మరియు మంచి జ్ఞాపకశక్తి (tenacity) ఉన్నాయి. ప్రేరణ మరియు నిబద్ధత లేకుండా దీనిని సాధించలేము. కొన్ని వ్యాయామాలతో ఆహార మార్పులతో వ్యక్తి తన జీవితానికి ఎక్కువ సంవత్సరాలు జోడించుతాడు.

ఆహార మార్పులలో ఏరోబిక్ వ్యాయామ కార్యక్రమంతో పాటు తక్కువ ఉప్పు, తక్కువ కేలరీల ఆహారం జీవనశైలి మార్పులు చాలా ముఖ్యమైనవి. ఆరోగ్య సమస్యలను నివారించడంలో ఆరోగ్యకరమైన బరువును కలిగిఉండటం చాలా అవసరం. దీనిని సాధించడానికి కొన్నిసార్లు కఠినమైన చర్యలు (బారియాట్రిక్ శస్త్రచికిత్స) మరియు క్లినికల్ జోక్యం అవసరం అవుతుంది.

కీలకమైన అంశం వ్యాయామ కార్యక్రమం లేదా సవరించిన ఆహారం ప్రారంభించడానికి ముందు దయచేసి మీ డాక్టర్ ను సంప్రదించండి..