పెద్దల పట్ల శ్రద్ధ మరియు గౌరవం అవసరం The elders need care and deserve respect

 

ఇస్లాంలో పెద్దలను గౌరవించడం చాలా ముఖ్యం ఎందుకంటే వృద్ధులకు చాలా జ్ఞానం మరియు అనుభవం ఉంటుంది. పెద్దలు చాలా కాలం జీవించారు మరియు చాలా విషయాలు నేర్చుకున్నారు.

వృద్ధులకు   సహాయం చేయట మాత్రమే కాదు, పెద్దలు గౌరవానికి కూడా అర్హులు. పెద్దల నుండి చాలా మంచి విషయాలు నేర్చుకోవచ్చు. జీవితంలో తమ సుదీర్ఘ అనుభవం నుండి పెద్దలు మనకు చాలా విషయాలు బోధించగలరు. పిల్లలు తమ పెద్దవారి దగ్గిర కూర్చుని తెలివైన వృద్ధులు చెప్పేది శ్రద్ధగా వింటారు. వృద్ధులు తమ జీవితాల్లో పొందిన సమాచారం మరియు అనుభవాలతో నిండిన ఆసక్తికరమైన కథలను పిల్లలకు ఎల్లప్పుడూ చెబుతు ఉంటారు.

ఇస్లాం వృద్ధుల పట్ల గౌరవాన్ని నొక్కి చెబుతుంది.

·       ప్రవక్త ముహమ్మద్(స) ఇలా అన్నారు: ”వ్యక్తి వృద్ధుడైనప్పుడు అతని పట్ల దయ చూపే వ్యక్తిని అల్లాహ్  అతనివద్దకు  పంపుతాడు, కాబట్టి, మీరు ఇప్పుడు వృద్ధులను గౌరవిస్తే, పెద్దయ్యాక మిమ్మల్ని గౌరవించేలా యువకులకు అల్లాహ్  మార్గనిర్దేశం చేస్తాడు, ఇన్షాల్లాహ్.”

మీరు ఇతరులను గౌరవించినప్పుడు, అల్లాహ్ మిమ్మల్ని ప్రేమిస్తాడు మరియు అల్లాహ్ సృష్టి అంతా మిమ్మల్ని కూడా ప్రేమిస్తుంది.

ఇస్లాం అనేది కరుణ మరియు న్యాయం యొక్క ధర్మం. సంపూర్ణ నీతిని బోధించే మరియు చెడు ప్రవర్తనను నిషేధించే ధర్మం  మరియు అల్లాహ్ యొక్క ఆదేశాలకు  కట్టుబడి ఉండే  మనిషికి గౌరవాన్ని ఇచ్చే మతం.

ఇస్లాం వృద్ధులను ప్రత్యేక హోదాను ఇచ్చి వారిని  గౌరవించాలని విశ్వాసులను ఆదేశిస్తుంది.వృద్ధులు  అల్లాహ్  యొక్క చట్టాలకు కట్టుబడి ఉంటే అల్లాహ్ ముందు ఉన్నత స్థితిని కలిగి ఉంటాడు.

·       ప్రవక్త (సల్లల్లాహు అలైహి వసల్లం) ఇలా అన్నారు: “మీలో ఎవ్వరూ మరణాన్ని కోరుకోవద్దు లేదా అది రాకముందే దాని కోసం ప్రార్థించవద్దు, ఎందుకంటే మీలో ఒకరు చనిపోయినప్పుడు, అతని మంచి పనులు ముగుస్తాయి మరియు మంచిపనులు విశ్వాసి జీవితకాలాన్ని పెంచుతుంది.”- ముస్లిం, 2682.

ఒక హదీసు ప్రకారం

·       “మీలో ఎవరు ఉత్తమురో నేను మీకు చెప్పకూడదా? నీతిమంతుడై ఉండి మంచి పనులు చేస్తే ఎక్కువ కాలం జీవించేవాడే మీలో ఉత్తముడు.” –ముస్లిం

·       అల్-అల్బానీ, అల్-సిల్సిలాహ్ అల్-సహీహా (2498)లో ఇలా అన్నాడు:అల్లాహ్ ప్రకారం  "మీలో ఉత్తములు ఎక్కువ కాలం జీవించి, ఉత్తమమైన పనులు చేసేవారు."-సహీహ్ అల్-జామీ',-3263. అల్-అల్బానీచే సహీహ్‌గా వర్గీకరించబడింది. 

ఒక వృద్ధుడు దైవప్రవక్త (సల్లల్లాహు అలైహి వసల్లం)ను చూడాలని కోరుకున్నాడు మరియు ప్రజలు అతనికి దారి ఇవ్వలేదు.

·       ప్రవక్త (స) ఇలా అన్నారు: " పిల్లల పట్ల దయ చూపని మరియు పెద్దలను గౌరవించని వాడు  మనలో వాడు కాదు." అల్-తిర్మిదీ, 1919. 

కాబట్టి మనం మన పెద్దలతో ఎక్కువ సమయం గడపడానికి ప్రయత్నించాలి మరియు వారిపట్ల  ప్రేమ మరియు శ్రద్ధను చూపించాలి.