అభివృద్ధి పథం లో సౌదీ మహిళలు Saudi women are ready to take the path of progress

 

1956 వరకు సౌదీ అరేబియాలో మహిళలు పాఠశాలకు వెళ్లడానికి అనుమతించబడలేదు. నేడు క్రౌన్ ప్రిన్స్ ముహమ్మద్ బిన్ సలామ్, MBS, మహిళలపై వివక్షను అంతం చేయడానికి చట్టాలలో విస్తృతమైన మార్పులు చేసినప్పటికీ వాస్తవానికి  క్రౌన్ ప్రిన్స్ ముహమ్మద్ బిన్ సలామ్MBS తండ్రి కింగ్ అబ్దుల్లా బిన్ అబ్దుల్ అజీజ్ అల్ సౌదీ 1960లో బాలికల కోసం మొదటి పాఠశాలను ప్రారంభించడం ద్వారా మహిళలలో  మార్పుకు పునాది వేశారు.

నేడు సౌదీ మహిళలు విద్యను అభ్యసిస్తున్నారు మరియు అంతరిక్ష యానానికి కూడా సిద్దంగా ఉన్నారు.జ్ఞానాన్ని పొందడం స్త్రీ పురుషులిద్దరికీ కర్తవ్యమని, ఇందులో లింగ భేదం లేదని ఇస్లాం ప్రవక్త(స) స్పష్టంగా చెప్పారు. నేడు, సౌదీ అరేబియాలో మహిళలు పురుషులతో పాటు దేశంలో పెద్ద శ్రామిక శక్తిగా మారారు. సౌదీ ఆర్థిక వ్యవస్థ మహిళల భాగస్వామ్యానికి మరియు వారికి మరిన్ని హక్కులను ఇవ్వడం ద్వారా   సౌది లో భారీ పరివర్తనకు మరియు విద్యా సంస్థలలో అసమానతలను అంతం చేయడానికి సహాయం చేస్తుంది.

నేడు సౌదీలో ఎక్కువ మంది మహిళలు మజ్లిస్ షురాలో సభ్యులుగా ఉన్నారు, దేశంలో కీలక స్థానాలను ఆక్రమిస్తున్నారు మరియు ఐక్యరాజ్యసమితి, విదేశాలలో రాయబార కార్యాలయాలు, అంతర్జాతీయ సంస్థలు మరియు క్రీడా సంస్థలలో ప్రముఖ స్థానాల్లో తమ బాధ్యతలను చక్కగా నిర్వహిస్తున్నారు.

సౌదీ పండితుడు సారా యజ్రైలీ ప్రకారం, 1960లో మహిళల కోసం మొదటి ప్రభుత్వ-నిధులతో పాఠశాల ప్రారంభించబడింది. ఇది చాలా సానుకూల ప్రభావాన్ని చూపింది, బాలికలు పాఠశాలల్లోకి ప్రవేశించారు.

ప్రముఖ ఇస్లామిక్ పండితుడు డాక్టర్ రజీ-ఉల్-ఇస్లామ్ ప్రకారం ఇస్లామిక్ బోధనలు మహిళల పట్ల చాలా గౌరవాన్ని చూపుతాయి. ప్రవక్త చెప్పినట్లుగా, ప్రతి ఒక్కరికీ విద్యను అందించాలి, "ప్రతి ముస్లిం స్త్రీ మరియు పురుషుడు జ్ఞానాన్ని పొందాలని అభ్యర్థించబడ్డారు, కాబట్టి విద్యను కోరుకోవడంలో స్టర్-పురుషులు ఇద్దరు సమానమే" (అల్-హరిరి, 2006, (పేజీ 51)

సౌదీ అరేబియాలో స్త్రీ విద్య యొక్క మార్గాలను తెరవడానికి మరియు విస్తరించడానికి చొరవ తీసుకొన్న ఘనత షా అబ్దుల్లా బిన్ అబ్దుల్ అజీజ్‌కి చెందుతుంది. షా అబ్దుల్లా బిన్ అబ్దుల్ అజీజ్‌ ప్రగతిశీల నాయకుడు మరియు  మహిళా సాధికారత కోసం ప్రయత్నించాడు. రాజు అబ్దుల్లా బిన్ అబ్దులాజీజ్ 24 ప్రభుత్వ విశ్వవిద్యాలయాలు మరియు 8 ప్రైవేట్ విశ్వవిద్యాలయాలను స్థాపించారు మరియు సౌదీ అరేబియాలోని 76 నగరాల్లో మొత్తం 494 కళాశాలలు ఉన్నాయి.

2005లో ప్రారంభించబడిన కింగ్ అబ్దుల్లా స్పాన్సర్‌షిప్ ప్రోగ్రాం ద్వారా కొంతమంది విద్యార్థులు విదేశాల్లోని విశ్వవిద్యాలయాలకు కూడా పంపబడ్డారు. ఈ కార్యక్రమం లింగ భేదం లేకుండా సౌదీ విద్యార్థులందరికీ అందుబాటులోకి వచ్చింది

మహిళా విద్యా సాధికారికత అనేది సౌదీ అరేబియాలో ఒక విప్లవాత్మక మార్పు అని, ఇది దేశ అభివృద్ధిలో ముఖ్యమైన పాత్ర పోషిస్తుందని అలీఘర్ ముస్లిం విశ్వవిద్యాలయానికి చెందిన ప్రొఫెసర్ రెహాన్ అక్తర్ ఖాస్మీ చెప్పారు.

నేడు సౌదీ అరేబియాలో ముఖ్యంగా మహిళలు అన్ని రంగాల్లోనూ ముందంజలో ఉన్నారు, శ్రామికశక్తిలో వారు భాగమయ్యారు. సౌదీ అరేబియా మానవ వనరులు మరియు సామాజిక అభివృద్ధి మంత్రి ప్రకారం, 2022 సౌదీ అరబ్‌లో, కార్మిక శక్తిలో మహిళా కార్మికుల భాగస్వామ్యం 37 శాతానికి చేరుకుంది.

21వ శతాబ్దం సౌదీ అరేబియా మహిళలకు సంతోషకరమైన శతాబ్దంగా మారింది. మహిళలు అంతరిక్షయానం కు సిద్దమయ్యారు. అన్వేషణ కోసం అంతరిక్షంలోకి వెళ్లేందుకు వ్యోమగాములు కావడానికి అంతరిక్ష సంస్థల్లో చేరిన సౌదీ మహిళలు గురించి ఇప్పటికే నివేదికలు ఉన్నాయి. 2023లో అంతరిక్షంలోకి వెళ్లే తొలి సౌదీ మహిళా వ్యోమగామిగా రయ్యానా బర్నావి నామినేట్ అయ్యారు.

సౌదీ అరేబియా మహిళా మార్గదర్శకుల్లో కొoదరు:

రాయబారి: ప్రిన్సెస్ రిమా బింట్ బందర్ బిన్ సుల్తాన్

వ్యోమగామి: రాయనా హర్నావి

డైరెక్టర్ జనరల్, విదేశీ వ్యవహారాల మంత్రిత్వ శాఖ: అహ్లామ్ బింట్ అబ్దుల్ రెహమాన్

UN ప్రతినిధి. యువరాణి హైఫా అల్ ముఖ్రిన్

వైస్-చాన్సలర్ : లిలక్ సఫాది

బ్యాంక్ హెడ్: లుబ్నా అల్ ఒలయన్

ఫుట్‌బాల్ రిఫరీ: షామ్ అల్ ఘమ్ది

CEO, స్టాక్ ఎక్స్ఛేంజ్: సారా అల్-సాహిమి

అంధ మహిళా న్యాయవాది: లైలా ఖబీ

టీవీ న్యూస్ రీడర్: వామ్ అల్ దఖిల్

కార్ రేసర్: రీమా జఫాలీ

కమర్షియల్ పైలట్: హనాది జకారియా అల్ హిందీ

అంబులెన్స్ డ్రైవర్: సారా

కేశాలంకరణ: వఫా సుక్కర్

ప్రొఫెషనల్ బాక్సర్: రాషా ఖమీస్

కూరగాయల విక్రేత: రీమ్ అల్ నాసర్

 సౌదీ మహిళలు అన్ని రంగాల్లో దూసుకుపోతున్నారనడానికి పై షార్ట్ లిస్ట్ నిదర్శనం. దేశ, విదేశాల్లో రాజకీయ రంగంలోనూ సౌది మహిళలు విజయాలు సాధిస్తున్నారు.

2013లో తొలిసారిగా 30 మంది మహిళలను మజ్లిస్ షురా,( ది కన్సల్టేటివ్ అసెంబ్లీ) లో  నియమించడం జరిగింది.  మజ్లిస్ షురా చట్టాల రూపకల్పన మరియు ఇతర పాలనా సమస్యలపై రాజు/పాలకుడికి సలహాలు ఇస్తోంది. మజ్లిస్ షూరా సీట్లలో 20 శాతం మహిళలకు కేటాయించాలని రాజ శాసనం ఆదేశించింది.షూరాలోని మహిళా సభ్యులు రాయల్ డిక్రీ ద్వారా నియమించబడినారు.మజ్లిస్ షూరాలో మహిళలను చేర్చుకోవడం రాజు సల్మాన్ బిన్ అబ్దుల్ అజీజ్ హయాంలో ప్రారంభమైంది. మజ్లిస్ రాజ్యం యొక్క అత్యున్నత పాలకమండలి.

మజ్లిస్ షౌరా సభ్యులుగా నియమితులైన వారిలో కొందరు మహిళలు అహ్లామ్ ముహమ్మద్ హకీమి, అమల్ సలామా అల్-షమాన్, ఇక్బాల్ దరందారీ, దలాల్ బింట్ ముఖిద్ అల్-హర్బీ, హనన్ అబ్దుల్ రహీమ్ అల్-అహ్మదీ, హయత్ సిందీ, ఖోలా బింట్ సమీ అల్-కరీ. , జైనాబ్ ముత్నీ అబూ తాలిబ్, సాల్వి బింట్ అబ్దుల్లా అల్-హజ్జా, సొరయా ఒబైద్, ఫాతిమా అల్-కర్నీ, ఫదవి అబు మరిఫా. , లతీఫా అల్ షాలన్, మినీ అల్ ముషిత్, మోజి బింట్ ఖలీద్ అల్ సౌఫ్ద్, నిహాద్ అల్ జాషి, నూరా బింట్ అబ్దుల్లా బిన్ అద్వాన్ మరియు నూరా ఫైసల్ అల్ షాబాన్.

సౌదీ అరేబియా రాజు మరియు అతని క్యాబినెట్‌కు చట్టాలను ప్రతిపాదించే అధికారం, షౌరా Shoura కు ఉంది మరియు అందులో 150 మంది సభ్యులు ఉన్నారు, షౌరా Shoura అందరూ సౌది రాజుచే నియమించబడ్డారు మరియు "విజ్ఞానం, నైపుణ్యం మరియు నిపుణుల నుండి" వీరు  ఎంపిక చేయబడతారు.