ఇండియన్ నేషనల్ ఆర్మీ మొదటి అమరవీరులలో కెప్టన్ మొహమ్మద్ అక్రం ఒకరు. Capt Mohammad Akram was one of the first martyrs of INA

 

భారతదేశాన్ని విముక్తి చేయడానికి ఆగ్నేయాసియాలో ఇండియన్ నేషనల్ ఆర్మీ ఏర్పడినది. ఆజాద్ హింద్ ఫౌజ్ AHF లేదా ఇండియన్ నేషనల్ ఆర్మీ INA కి సుభాస్ చంద్రబోస్ నేతృత్వం వహి౦చినాడు.

“జిత్రాలో ఆజాద్ హింద్ ఫౌజ్ (ఇండియన్ నేషనల్ ఆర్మీ) ఏర్పాటు చేయబడింది మరియు కెప్టెన్ మోహన్ సింగ్ జనరల్ ఆఫీసర్ కమాండింగ్ (G.O.C.) గా ఉన్నారు. ‘ఆజాద్ హిందుస్థాన్ జిందాబాద్’, ‘ఆజాద్ హింద్ ఫౌజ్ జిందాబాద్’ నినాదాలు  తొలిసారిగా మారుమ్రోగినవి. . కెప్టెన్ మొహమ్మద్. అక్రమ్ ఖాన్ మరియు జమాదార్ సాధు సింగ్ I.N.A లో చేరిన మొదటి వ్యక్తులు.  

డిసెంబరు 1941లో మలేషియాలోని జిత్రాలో బ్రిటిష్ బలగాలు లొంగిపోయిన తరువాత, ఇండియా ఇండిపెండెన్స్ లీగ్‌కు చెందిన గియాని ప్రీతమ్ సింగ్, బ్రిటిష్ సైన్యంలోని భారతీయ అధికారులను భారత స్వాతంత్ర్య పోరాటంలో చేరమని ఒప్పించాడు. 14 పంజాబ్‌కు చెందిన కెప్టెన్ మోహన్ సింగ్ మరియు కెప్టెన్ మొహమ్మద్. అక్రమ్‌ను భారత సైనికులు విశ్వసించారు. మేజర్ ఫుజివారా అనే జపాన్ అధికారి భారత స్వాతంత్ర్య ఉద్యమానికి మద్దతు ఇస్తానని వాగ్దానం చేయడంతో వారిద్దరూ ప్రీతమ్ సింగ్ ప్రతిపాదనకు అంగీకరించారు.

ఇతర భారత సైనికులను ఐఎన్ఏ INA లో చేరేలా ఒప్పించడంలో కెప్టెన్ మొహమ్మద్ అక్రమ్ కీలక పాత్ర పోషించారు. ఎక్కడైనా భారత సైనికులను జపనీయులు బంధించినా, కెప్టెన్ మోహన్ సింగ్ మరియు కెప్టెన్ మొహమ్మద్ అక్రమ్ ఖాన్ వారిని INAలో చేరమని ఒప్పించేందుకు ప్రయత్నించేవారు.

రెండవ ప్రపంచ యుద్ధం ముగిసిన తరువాత. INA సైనికులను బ్రిటిష్ ప్రభుత్వం విచారించింది. కోర్టులో, సుబేదార్ మేజర్ బాబు రామ్ తన రెజిమెంట్ లొంగిపోయిందని మరియు వారిని జపాన్‌కు అప్పగించారని, “రెండు లేదా మూడు రోజుల తరువాత, మేజర్ ఫుజివారా, కెప్టెన్ మోహన్ సింగ్ మరియు కెప్టెన్ మహ్మద్ అక్రమ్‌లతో కలిసి శిబిరాన్ని సందర్శించారు.”అని పేర్కొన్నాడు.

INA యొక్క సోపానక్రమంలో కెప్టెన్ మోహన్ సింగ్ తర్వాత కెప్టెన్ అక్రమ్ రెండవ స్థానంలో ఉన్నారు. మార్చి 1942లో, ఆగ్నేయాసియాలో పోరాడుతున్న భారతీయ నాయకుల సమావేశం టోక్యోలో జరిగింది మరియు దానిని టోక్యో కాన్ఫరెన్స్ అని పిలుస్తారు. INA నాయకులు జపాన్‌తో భవిష్యత్ కార్యాచరణ మరియు సహకారం గురించి చర్చించవలసి ఉంది. ఈ సమావేశంలో ప్రముఖ భారతీయ విప్లవకారులు రాష్ బిహారీ బోస్ మరియు రాజ మహేంద్ర ప్రతాప్ కూడా పాల్గొన్నారు.

సమావేశానికి హాజరైన ముగ్గురు INA అధికారులలో కెప్టెన్ మహ్మద్ అక్రమ్ కూడా ఉన్నారు. మోహన్ సింగ్, అక్రమ్ వేర్వేరు విమానాల్లో టోక్యోకు బయలుదేరారు. కైసర్ సింగ్ ఇలా వ్రాశాడు, “నలుగురు తో కూడిన మొదటి బ్యాచ్ 11 మార్చి 1942 తెల్లవారుజామున సైగావ్ మీదుగా జపాన్‌కు బయలుదేరింది. వారు ఇండియన్ నేషనల్ కౌన్సిల్ ఆఫ్ థాయ్‌లాండ్ నిర్వాహకుడు స్వామి సత్యానంద పూరి, - ఇండియన్ ఇండిపెండెన్స్ లీగ్ మూలకర్త సిర్దార్ ప్రీతమ్ సింగ్., కెప్టెన్ మొహమ్మద్ అక్రమ్ మరియు శ్రీ రాఘవన్ యొక్క నమ్మకమైన సహాయకుడు Mr. నీల్కాంత్ ఐరే. ఫుజివారా డిపార్ట్‌మెంట్‌కు చెందిన మిస్టర్ ఒట్టగురుతో పాటు మరో ఆరుగురు జపనీయులు కూడా వారి వెంట ఉన్నారు. వారు 13 మార్చి 1942న సైగావ్‌ను విడిచిపెట్టినట్లు నివేదించబడింది మరియు ఆ తర్వాత వారి గురించి ఏమీ వినబడలేదు.

వారి విమానం మార్చి 24న షిరాకురా పర్వతం వద్ద కూలిపోయిందని తర్వాత తెలిసింది. టోక్యో కాన్ఫరెన్స్‌కు హాజరైన మోహన్ సింగ్ మరియు అక్రమ్‌లు కాకుండా మూడవ INA అధికారి లెఫ్టినెంట్ కల్నల్ నరంజన్ సింగ్ గిల్ ఈ నలుగురిని “మన ఉద్యమంలో మొదటి అమరవీరులు. వారికి నివాళులు. మేము వారి చితాభస్మాన్ని ఉంచిన స్థానిక దేవాలయం, హోంగెంజిలో వారికి తగిన నివాళులర్పించాము”.అని పేర్కొన్నాడు.