బ్రిటిష్ వారు ఉరితీసిన గుర్తుతెలియని INA గూఢచారులు INA spies hanged by the British remain unknown

 

రెండవ ప్రపంచ యుద్ధం సమయంలో, సుభాష్ చంద్రబోస్ నేతృత్వంలోని ఇండియన్ నేషనల్ ఆర్మీ INA భారతదేశంలో గూఢచారి నెట్‌వర్క్‌ను బాగా నిర్వహించింది. వందలాది మంది సమాచారాన్ని సేకరించి ప్రజలను తిరుగుబాటుకు ప్రేరేపించారు. INA గూఢచారులలో కొందరు పారాచూట్‌లతో, మరికొందరు జలాంతర్గాములు, పడవలలో భారత దేశం ప్రవేశించారు.

పరిస్థితిని ఎదుర్కోవటానికి భారతదేశంలోని బ్రిటిష్ ఇంపీరియల్ ప్రభుత్వం 1943లో ఎనిమీ ఏజెంట్ల ఆర్డినెన్స్‌ Enemy Agents’ Ordinance ను ఆమోదించింది. ఇండియన్ ఎక్స్‌ప్రెస్ ఆగస్ట్ 1944లో ఇలా పేర్కొంది. “అక్టోబర్ 1943లో, నలుగురు శత్రువు ఏజెంట్లకు ఉరిశిక్ష విధించబడింది, వీరు భారతదేశం యొక్క పశ్చిమ తీరంలో ఒక జపనీస్ జలాంతర్గామి ద్వారా ప్రవేశించారు. అదే కేసు తో సంబంధం ఉన్న మరో ఇద్దరు గూఢచారులు, కానీ వేరే మార్గంలో భారతదేశంలోకి ప్రవేశించిన వారు, శత్రు ఏజెంట్ల ఆర్డినెన్స్ కింద విచారణ తర్వాత ఉరితీయబడ్డారు.   వీరు మలబార్‌కు చెందిన T. P. కుమారన్ నాయర్ మరియు మద్రాస్‌లోని రామ్‌నాడ్ జిల్లాకు చెందిన రాము తేవర్, వీరిద్దరూ జపాన్‌తో శత్రుత్వం చెలరేగిన సమయంలో మలయాలో నివసిస్తున్నారు.

 “ఎనిమీ ఏజెంట్స్ ఆర్డినేర్ కింద మరొక కేసు లో కొందరు వ్యక్తులకు మరణశిక్ష విధించబడింది. వారు వైర్‌లెస్ ట్రాన్స్‌మిషన్ సెట్‌లతో సహా డబ్బు మరియు పరికరాలతో భారతదేశంలో పారాచూట్ ద్వారా ల్యాండ్ చేయబడిన సముహ౦లో సభ్యులు.ఈ కేసులోని ఐదుగురు వ్యక్తులు అమృత్‌సర్ జిల్లాకు చెందిన అజైబ్ సింగ్, పంజాబ్‌లోని షేక్‌పురా జిల్లాకు చెందిన జహుర్ అహ్మద్, బెంగాల్‌లోని చిట్టగాంగ్ జిల్లాకు చెందిన ఎస్.ఎల్. మజుందార్, యునైటెడ్ ప్రావిన్స్‌లోని గోరఖ్‌పూర్ జిల్లాకు చెందిన ఔదేశ్వర్ రాయ్ మరియు షామ్ లాల్ పాండే. కేసులను సమీక్షించిన హైకోర్టు న్యాయమూర్తి వారిపై  నేరారోపణలు మరియు శిక్షలను ధృవీకరించారు, అయితే చివరిగా పేర్కొన్న ఇద్దరు వ్యక్తులపై విధించిన మరణ శిక్షలు జీవితాంతం ప్రవాస శిక్ష గా మార్చబడ్డాయి.

 “జవహర్‌లాల్ నెహ్రూ నేతృత్వంలోని తాత్కాలిక ప్రభుత్వం బాధ్యతలు చేపట్టిన తర్వాత, శాసనసభలో సత్యప్రియ బెనర్జీ  హోం మంత్రి సర్దార్ వల్లభ్‌భాయ్ పటేల్‌ను ఐఎన్‌ఎ INA గూఢచారులుగా ఉన్నందుకు ఎంత మంది భారతీయులను ఉరితీశారని ప్రశ్నించారు?. భారతదేశంలో గూఢచర్యం చేసినందుకు పదమూడు మంది భారతీయులకు మరణశిక్ష విధించారని పటేల్ అసెంబ్లీలో చెప్పారు.

మరణశిక్ష విధించబడిన  13 మంది భారతీయులు: ట్రావెన్‌కోర్‌లోని వక్కోమ్‌కు చెందిన వావా కున్హు అహ్మద్ అబ్దుల్ కదీర్, బెంగాల్‌లోని తిప్పేరాకు చెందిన సత్యేంద్ర చంద్ర బర్ధన్, పంజాబ్‌లోని అమృత్‌సర్‌కు చెందిన ఫౌజా సింగ్, త్రివేండ్రంకు చెందిన పరశుభవన్ తైకట్ అభిజానంద్, కాలికట్ తాలూకా- మద్రాస్ కు చెందిన టి.పి. కుమరన్ నాయర్, రాము  తేవర్ అఫ్  రామానంద్-మద్రాస్, పంజాబ్‌లోని అమృత్‌సర్‌కు చెందిన అజైబ్ సింగ్, పంజాబ్‌లోని షేక్‌పురాకు చెందిన జహుర్ అహ్మద్, బెంగాల్‌లోని చిట్టగాంగ్‌కు చెందిన ఎస్.ఎల్. మజుందార్, కురుంబరనాడ్‌కు చెందిన నందు కంది కనరన్, సింగపూర్‌కు చెందిన తులసీ రామస్వామి, పట్టుకోట్టై తాలూకాకు చెందిన రత్నం పిళ్లై, పర్మకుడి తాలూకాకు చెందిన సేతు కృష్ణ.

మరో 13 మంది భారతీయులు దోషులుగా తేలినప్పటికీ వారికి మరణశిక్ష విధించలేదని సర్దార్ పటేల్ అసెంబ్లీలో చెప్పారు. వారు - బోనిఫేస్ పెర్విరా, షామ్ లాల్ పాండే, ఔదేశ్వర్ రాయ్ పాండే, సోహన్ సింగ్, గంగా సింగ్, సాధు సింగ్, సుఖ్‌చైన్ నాథ్ చోప్రా, రామ్ దులారే దుబే, భగవత్ ఉపాధ్యాయ్, కర్తార్ సింగ్, కన్వాల్ సింగ్, పబిత్రా మోహన్ రాయ్ మరియు అమ్రిక్ సింగ్ గిల్. ప్రశ్నకు సమాధానం చెప్పినప్పుడు వారిలో నలుగురు ఇంకా  జైళ్లలో మగ్గుతున్నారు.

బ్రిటీష్ అధికారులు భారతదేశంలో గూఢచారిని అరెస్టు చేయడంలో సహాయం చేసిన వారికి  రూ. 5,000 బహుమతిని ప్రకటించారు. INA వ్యక్తుల నేరారోపణలు మరియు ఉరిశిక్షలను ప్రజలను భయభ్రాంతులకు గురిచేయడానికి విస్తృతంగా ప్రచారం చేయాలని కూడా నిర్ణయించబడింది.

వివిధ శాఖలు మరియు రాచరిక రాష్ట్రాలకు రాసిన లేఖలో బ్రిటిష్ ప్రభుత్వం ఈ ట్రయల్స్‌కు విస్తృత ప్రచారం కల్పించాలని కోరింది.

కొంతమంది గూఢచారులు ఇంకా పట్టుబడలేదు. ఫిబ్రవరి 1944లో బర్మా నుండి భారతదేశంలోకి ప్రవేశించిన INA అధికారి R. A. హమీద్‌ను కనుగొనడానికి బ్రిటిష్ ఇంటెలిజెన్స్ భారతదేశంలోని పోలీసులను మరియు ఇతర ఏజెన్సీలను అప్రమత్తం చేసింది.

 INA యొక్క పోరాట దళం వలె, ఈ గూఢచారులు కూడా అఖండ భారతదేశానికి ప్రతినిధిగా ఉన్నారు. వారిలో ముస్లింలు, హిందువులు, సిక్కులు మరియు క్రైస్తవులు కలరు.  INA గూఢచారులు పంజాబ్ నుంచి కేరళ వరకు దేశభక్తులుగా ఉరితీయబడ్డారు.