మౌలానా మహ్మద్ అలీ జౌహర్, శ్రీ శారదా పీఠానికి చెందిన జగద్గురు శంకరాచార్య వారి గౌరవం కోసం పోరాడారు

 “నేను (మౌలానా మొహమ్మద్ అలీ) మరియు నా సోదరుడుని  (మౌలానా షౌకత్ అలీ) మౌలానా అని పిలవకపోయినా పట్టించుకోను. ఇది మాకు చిన్న విషయం. వ్యక్తిగతంగా నాకు అభ్యంతరం లేదు....... కానీ నేను శ్రీ శంకరాచార్యుల వారి తరపున మాట్లాడాలి. శ్రీ శంకరాచార్యను జీవితంలో ఆయన ఉన్నత స్థానానికి తగిన విధంగా సంబోధించాలి.”

25అక్టోబరు, 1921న సింధ్ కమీషనర్ B. C కెన్నెడీ ఎదుట మౌలానా మొహమ్మద్ అలీ జౌహర్ ఈ ప్రకటన చేశారు. కరాచీ డిప్యూటీ సూపరింటెండెంట్ ఆఫ్ పోలీస్ (DSP) జమాన్‌షా మహబూబ్ షా గౌరవప్రదమైన పదాన్ని ఉపయోగించకుండా శ్రీ శంకరాచార్యను, వెంకట్రామా అని సంబోధించారు. ఆ పిలుపు. జౌహర్‌కి కోపం తెప్పించింది. జౌహర్ మరియు శ్రీ శంకరాచార్యతో సహా ఏడుగురు 'నిందితులు' కరాచీలోని ఖలిక్దీనా హాల్‌లో బ్రిటిష్ సైన్యంలోని ముస్లిం సైనికులను బ్రిటిష్ సామ్రాజ్యానికి వ్యతిరేకంగా యుద్ధం చేసేoదుకు ప్రేరేపించడం ద్వారా విచారణలో ఉన్నారు.

బ్రిటీష్ సైన్యానికి సేవ చేయడాన్ని హరామ్ (చట్టవిరుద్ధం) అంటూ ఫత్వా జారీ చేసినందుకు మౌలానా హుస్సేన్ అహ్మద్ మదానీ, పీర్ గులాం ముజాద్దీద్ మరియు మౌలానా నిసార్ అహ్మద్‌లపై ప్రభుత్వం అభియోగాలు మోపింది. ఆసక్తికరమైన విషయం ఏమిటంటే, ఫత్వాను ఆమోదించినందుకు అభియోగాలు మోపబడిన మిగిలిన నలుగురిలో ఒకరు శ్రీ శారదా పీఠానికి చెందిన జగద్గురు శంకరాచార్యులు.

శ్రీ శారదా పీఠానికి చెందిన జగద్గురు శంకరాచార్య, ఖిలాఫత్ ఉద్యమం మరియు ఫత్వాకు అనుకూలంగా, " స్వ-ధర్మ సిద్ధాంతాన్ని విశ్వసించే వ్యక్తిగా, ప్రతి హిందువు తప్పనిసరిగా ఖిలాఫత్ విషయంలో సానుభూతి చూపాలి" అని వాదించారు.

మేజిస్ట్రేట్ శ్రీ శంకరాచార్యను లేచి నిలబడి వాంగ్మూలాన్ని నమోదు చేయమని కోరినప్పుడు మహ్మద్ అలీ,  సన్యాసి అయిన శ్రీ శంకరాచార్య తన గురువు ముందు  తప్ప మరెవరి ముందు  నిలబడలేరని అన్నారు. మేజిస్ట్రేట్ శ్రీ శంకరాచార్య గారి వాంగ్మూలాన్ని నమోదు చేయలేదు.

భారతదేశంలో జాతీయవాద కార్యకలాపాలను దాచడానికి ఖిలాఫత్ ఉద్యమం ఒక ముసుగు అని  బ్రిటిష్ వారు విశ్వసించారు. బ్రిటిష్ వారు హిందూ-ముస్లిం ఐక్యతను విచ్ఛిన్నం చేయాలని, కూర్చున్న శ్రీ శంకరాచార్య  స్టేట్‌మెంట్‌ను రికార్డ్ చేయకుండా,  శ్రీ శంకరాచార్యతో దుర్మార్గంగా ప్రవర్తించాలని అనుకున్నారు.

బ్రిటిష్ వారి ఈ కపట, వికృత  వ్యూహాలను మహమ్మద్ అలీ జౌహర్ తీవ్రంగా ప్రతిఘటించారు మరియు మహమ్మద్ అలీ జౌహర్, శ్రీ శంకరాచార్యకు జరుగుతున్న అవమానాన్ని తీవ్రంగా వ్యతిరేకించారు ఆ తరువాత, కోర్టు శ్రీ శంకరాచార్యను మిగిలిన ఆరుగురి వలే కాకుండా శిక్ష వేయకుండా వదిలివేసింది. శ్రీ శంకరాచార్య దానిపై తన నిరసన తెలిపారు.

శ్రీ శంకరాచార్య అన్ని అభియోగాల నుండి విముక్తి పొందారు, మిగిలిన ఆరుగురికి రెండేళ్ళ జైలు శిక్ష విధించబడింది. భారతీయ జాతీయవాదులు ఈ చర్యను హిందువులు మరియు ముస్లింల మధ్య చీలికను సృష్టించే ప్రయత్నంగా భావించారు. శ్రీ శంకరాచార్యులు భారతదేశంలోని హిందువులు, ముస్లింలు, సిక్కులు, క్రిస్టియన్లు మరియు పార్సీలను సమానంగా పరిగణించాలని అన్నారు.

మూలం: awazthevoice.in తేదీ 4-01-2023