నేతాజీ సహచరుడు కామ్రేడ్ భగత్ రామ్ తల్వార్

 

జనవరి 1941లో, సుభాష్ చంద్రబోస్ బ్రిటీష్ ప్రభుత్వ  నిర్బంధం నుండి తప్పించుకున్నారు. సుభాష్ చంద్రబోస్ మేనల్లుడు సిసిర్ బోస్, బోస్ ను  బ్రిటీష్ వారి నుండి రక్షించి ధన్‌బాద్‌కు తీసుకెళ్లే బాధ్యతను తీసుకున్నాడు. నేతాజీ ధన్‌బాద్‌ నుంచి గోమో మీదుగా ఢిల్లీ నుంచి పెషావర్‌ చేరుకున్నారు. కామ్రేడ్ భగత్ రామ్ తల్వార్ బోస్ ను పెషావర్ నుండి ఆఫ్ఘనిస్తాన్ మీదుగా సోవియట్ రష్యా సరిహద్దుకు చేర్చడానికి బాధ్యత వహించారు. భగత్ రామ్ తల్వార్ యొక్క సాహసగాధాలు,   అప్పటికే నేతాజీకి దృష్టికి వచ్చాయి.

నేతాజీ, జనవరి21,1941న మొదటిసారి భగత్ రామ్ తల్వార్‌ను కలిసినప్పుడు, భగత్ రామ్ తల్వార్‌ నేతాజీ ఊహించిన దానికంటే పూర్తిగా భిన్నమైన వ్యక్తిత్వాన్ని కలిగి ఉన్నారు. భగత్ రామ్ తల్వార్‌ సన్నగా మరియు సిగ్గుపడే స్వభావి.

కీర్తి పార్టీతో అనుబంధం ఉన్న భగత్ రామ్ తల్వార్ ఒక విప్లవ కుటుంబం నుండి వచ్చాడు, దేశం కోసం బలిదానం భగత్ రామ్ తల్వార్ రక్తంలో ఉంది. భగత్ రామ్ తల్వార్ అన్నయ్య హరి కిషన్ డిసెంబర్ 1930లో పంజాబ్ గవర్నర్ జాఫ్రీ డి మోంట్‌మోరెన్సీపై దాడికి పాల్పడ్డాడు. హరి కిషన్ తండ్రి లాలా గురుదాస్మాల్ తన కొడుకు బలిదానంతో బాధపడలేదు. ఒక కుమారుడు మరణించిన తరువాత, లాలా గురుదాస్మాల్ తన ఇతర కుమారులను విప్లవ మార్గాన్ని అనుసరించడానికి ప్రేరేపించాడు. లాలా గురుదాస్మాల్ తన కుమారుడు హరి కిషన్‌తో 'ప్రతి మనిషి ఏదో ఒక రోజు చనిపోవాల్సిందే' అని చెప్పడం గమనార్హం. దేశం కోసం మరణించే వాడు అమరుడు అవుతాడు. మీరు మీ కర్తవ్యం నుండి తప్పుకోరని, తడబడరని నాకు తెలుసు” అని అన్నారు.

భగత్ రామ్ తల్వార్ తన కుటుంబం యొక్క విప్లవాత్మక వారసత్వాన్ని ముందుకు తీసుకెళ్లారు. లాహోర్ యొక్క గొప్ప విప్లవకారులు, రామ్ కిషన్ మరియు ధన్వంతరి భగత్ రామ్ తల్వార్ కి మార్గదర్శకులు. నేతాజీ సుభాష్ చంద్రబోస్ నిర్బంధం నుండి తప్పించుకుని సోవియట్ రష్యాకు వెళ్లాలనే తన ప్రణాళిక గురించి కలకత్తాలో అప్పటి 'దేశ్ దర్పణ్' సంపాదకుడిగా ఉన్న సర్దార్ నిరంజన్ సింగ్ తాలిబ్‌కు మొదట చెప్పారు. కలకత్తాలో ఉన్న అండర్‌గ్రౌండ్‌ కమ్యూనిస్టు నేత అచర్‌ సింగ్‌ చీనాను తాలిబ్‌ సంప్రదించారు. చీనాకు గదర్ పార్టీతో అనుబంధం ఉంది మరియు ఆ సమయంలో చీనా, కీర్తి కిసాన్ పార్టీకి నాయకుడు. అచ్చర్ సింగ్ చీనా, నేతాజీకి తన సహాయాన్ని అందిస్తానని హామీ ఇచ్చారు.

నేతాజీని సోవియట్ యూనియన్‌కు సురక్షితంగా తీసుకెళ్లే బాధ్యతను కీర్తి కిసాన్ పార్టీ తన అత్యంత సమర్థుడైన కార్యకర్త భగత్ రామ్ తల్వార్‌కు అప్పగించింది. ఇంతకు ముందు కూడా ఇటువంటి మిషన్లను విజయవంతంగా అమలు చేసిన భగత్ రామ్ తల్వార్ ప్రయాణానికి సంబంధించిన బ్లూప్రింట్‌ను సిద్ధం చేశారు. బ్లూ-ప్రింట్ క్రింది విధంగా ఉంది: పెషావర్, జమ్రుద్ మీదుగా ఖజూరీ మైదాన్‌లోని బ్రిటీష్ ఆర్మీ క్యాంప్‌కు సమీపంలో ఉన్న అఫ్రిదీ తెగల భూభాగంలోకి ప్రవేశించడం. కాబూల్-పెషావర్ రోడ్ గుండా ప్రయాణిస్తు  భాటి కోట్, జలాలాబాద్‌ మీదగా  అడ్డా షరీఫ్‌కు ప్రయాణించి, జలాలాబాద్‌కు తిరిగి వెళ్లి అక్కడ నుండి కాబూల్‌కు ప్రయాణం. నేతాజీ అడ్డా షరీఫ్‌కు పవిత్ర తీర్థయాత్రకు వెళుతున్న ముస్లింగా నటించాడు మరియు భగత్ రామ్ తల్వార్,  నేతాజీ మిత్రుడు అయ్యాడు.

ఈ సాహసోపేత యాత్ర వివరాలను పీపుల్స్ పబ్లిషింగ్ హౌస్ ప్రచురించిన 'ది స్వోర్డ్స్ ఆఫ్ పఠాన్ ల్యాండ్ అండ్ సుభాష్ చంద్రరాజ్ గ్రేట్ ఎస్కేప్' పుస్తకంలో భగత్ రామ్ తల్వార్ అందించారు.

నేతాజీకి మరియు నేతాజీ సహచరుడు కామ్రేడ్ భగత్ రామ్ తల్వార్‌కు వందనం!