కంబోడియాలో ఇస్లాం Islam in Cambodia

 

నూర్ ఉల్-ఇహ్సాన్ మసీదుNur ul-Ihsan Mosque

ఇస్లాం ను  కాంబోడియాలోని మెజారిటీ చామ్ (ఖైమర్ ఇస్లాం అని కూడా పిలుస్తారు) మరియు మైనారిటీ మలయ్ ప్రజలు అనుసరిస్తారు. 

1975 నాటికి కంబోడియాలో 150,000 నుండి 200,000 మంది ముస్లింలు ఉన్నారు. ఖైమర్ రూజ్ ఆధ్వర్యంలోని హింస వారి సంఖ్యను క్షీణింపజేసింది, 2009లో, ప్యూ రీసెర్చ్ సెంటర్ కంబోడియా జనాభాలో 1.6% లేదా 236,000 మంది ముస్లింలు అని అంచనా వేసింది. కంబోడియాలోని ముస్లిములు షాఫీ- సున్నీ ముస్లింలు.

2019 దేశ జనాభా గణన లెక్కల ప్రకారం, కంబోడియా లో 2019 నాటికి దేశంలో దాదాపు 311,045 మంది ముస్లింలు ఉన్నారు. కంబోడియా లో దాదాపు 884 మసీదులు కూడా కలవు.

చామ్ ముస్లిములు మొదట్లో చంపాలో ఉండేవారు. వియత్నాం, చంపాపై దాడి చేసి జయించిన తర్వాత, వియత్నాం ఆక్రమణ నుండి తప్పించుకున్న చామ్ ముస్లింలకు కంబోడియా ఆశ్రయం ఇచ్చింది.

కొన్ని కథనాల ప్రకారం, చామ్ ప్రజలకు   ఇస్లాంతో మొదటి పరిచయం ప్రవక్త ముహమ్మద్ భార్యలలో జైనబ్ బింట్ జహ్ష్ తండ్రి అయిన జహ్ష్ తో జరిగింది. 617-18లో అబిస్సినియా నుండి సముద్ర మార్గంలో ఇండో-చైనాకు అనేక మంది సహబాలు వచ్చారు.1642లో, కింగ్ రామతిపడిI కంబోడియా సింహాసనాన్ని అధిరోహించాడు మరియు ఇస్లాంలోకి మారాడు, కాంబోడియాకు ఏకైక ముస్లిం పాలకుడు అయ్యాడు. 1658లో కింగ్ రామతిపడిI పరిపాలన తరువాత సంవత్సరాల్లో కంబోడియా అస్థిరతకు లోను అయ్యింది.

కంబోడియా లో చామ్ ముస్లింలు:

కంబోడియాలోని చామ్ ముస్లిములు  స్వంత మసీదులను కలిగి ఉన్నారు. 1962లో కంబోడియాలో దాదాపు 100 మసీదులు ఉన్నాయి. పంతొమ్మిదవ శతాబ్దం చివరలో, కంబోడియాలోని ముస్లింలు నలుగురు మత ప్రముఖుల-ముప్తీ, తుక్ కలిహ్, రాజా కాలిక్ మరియు త్వన్ పాకే అధికారంలో ఏకీకృత సమాజాన్ని ఏర్పరచుకున్నారు. చామ్ గ్రామాలలోని ప్రముఖుల మండలిలో ఒక హకేం మరియు అనేక కటిప్, బిలాల్ మరియు లాబీలు ఉన్నారు. కంబోడియా స్వతంత్రంగా పొందినప్పుడు కంబోడియా లోని ఇస్లామిక్ కమ్యూనిటీ ఐదుగురు సభ్యుల కౌన్సిల్ నియంత్రణలో ఉంచబడింది,

ప్రతి ముస్లిం సంఘంలో సంఘం మరియు మసీదుకు నాయకత్వం వహించే హకేమ్, ప్రార్థనలకు నాయకత్వం వహించే ఇమామ్ మరియు రోజువారీ ప్రార్థనలకు విశ్వాసులను పిలిచే బిలాల్ ఉన్నారు.

నమ్ పెన్ సమీపంలోని క్రోయ్ చాంగ్వర్ ద్వీపకల్పం చామ్ యొక్క ఆధ్యాత్మిక కేంద్రంగా పరిగణించబడుతుంది మరియు అనేక మంది ఉన్నత ముస్లిం అధికారులు అక్కడ నివసిస్తున్నారు. ప్రతి సంవత్సరం చామ్‌లో కొందరు మలేషియాలోని కెలాంతన్‌లో ఖురాన్‌ను అధ్యయనం చేయడానికి వెళతారు, మరికొందరు మక్కాలో చదువుకోవడానికి లేదా తీర్థయాత్ర చేయడానికి వెళతారు. 1950ల చివరి నాటి గణాంకాల ప్రకారం, చామ్‌లో 7 శాతం మంది తీర్థయాత్రను పూర్తి చేశారు మరియు వారి సాఫల్యానికి చిహ్నంగా ఫెజ్ లేదా తలపాగా ధరించవచ్చు

సాంప్రదాయ చామ్ సమాజం అనేక పురాతన ముస్లిం లేదా ముస్లిం పూర్వ సంప్రదాయాలు మరియు ఆచారాలను కలిగి ఉంది. వారు అల్లాహ్‌ను సర్వశక్తిమంతుడైన దేవుడిగా పరిగణిస్తారు. చామ్ ముస్లిములు వియత్నాం తీరప్రాంత చామ్‌తో సన్నిహితంగా ఉన్నారు. సాంప్రదాయ చామ్ ముస్లిముల (మరియు వియత్నాంలోని చామ్) మతపరమైన ప్రముఖులు పూర్తిగా తెల్లని దుస్తులు ధరిస్తారు మరియు వారు తమ తలలు మరియు ముఖాలను క్లీన్ షేవ్ చేస్తారు. చామ్ ముస్లిములు ముస్లింల పండుగలు మరియు ఆచారాలు జరుపుకుంటారు.

సనాతన చామ్ ముస్లిములు,  మలయ్ ముస్లిం కమ్యూనిటీతో సన్నిహిత సంబంధాలు మరియు వివాహాలు చేసుకుoటారు. కారణంగా ఎక్కువగా అనుగుణమైన మతాన్ని స్వీకరించారు. నిజానికి, సనాతన చామ్ మలేయ్ ఆచారాలు మరియు కుటుంబ సంస్థను స్వీకరించారు మరియు చాలామంది మలయ్ ముస్లిములు  మలేయ్ భాష మాట్లాడతారు. మలయ్ ముస్లిములు  మక్కా హజ్ యాత్ర చేస్తారు  మరియు అనేక అంతర్జాతీయ ఇస్లామిక్ సమావేశాలకు హాజరవుతారు.

చే ముస్లింలు:

చే Chvea ముస్లిములు  మలయ్ ద్వీపకల్పం మరియు ఇండోనేషియా నుండి 14వ శతాబ్దంలో కంబోడియాకు వచ్చారు మరియు కంబోడియా లోని తీరప్రాంతాన్ని ఆక్రమించారు. చే Chvea ముస్లిములు- చామ్ ముస్లిములు  మధ్య వివాహాలు జరుగుతాయి.

1975 నుండి 1979 వరకు ఖైమర్ రూజ్ పాలనలో కంబోడియాలో ముస్లిములపై దమనకాండ జరిగింది.  

ఈరోజు: 

ఇస్లాం కంబోడియా లో అధికారికంగా గుర్తింపు పొందిన మతం. ముస్లింలు తమ మతాన్ని బహిరంగంగా ఆచరిస్తారు. చామ్‌ ముస్లిములు కంబోడియా లోని పౌరులందరిలాగే ఓటు హక్కు తదితర  ప్రజాస్వామ్య హక్కులను అనుభవిస్తారు మరియు రాజకీయ నాయకులుగా ఎన్నికయ్యారు. 

పవిత్ర ఇస్లామిక్ మాసం రంజాన్ సందర్భంగా కంబోడియా ప్రభుత్వం అధికారిక వార్షిక ఇఫ్తార్ సమావేశాలను స్పాన్సర్ చేస్తుంది. 2018లో, ఆర్గనైజేషన్ ఆఫ్ ఇస్లామిక్ కోఆపరేషన్ (OIC) కంబోడియాను 'ముస్లిం సహజీవనానికి దారిచూపే' దేశం అని పేర్కొన్నది. 

2023లో కంబోడియా ప్రభుత్వ అధికారిక 7వ ఇఫ్తార్ రిసెప్షన్ కంబోడియా ప్రధాన మంత్రి హున్ సేన్ కంబోడియా రాజధాని నగరం నమ్ పెన్‌ Phnom Penh లో నిర్వహించారు.

OIC జనరల్ సెక్రటేరియట్ నుండి ఒక ప్రతినిధి బృందం కంబోడియా ప్రభుత్వం ఇచ్చే వార్షిక ఇఫ్తార్‌ విందుకు కు హాజరయ్యారు.