ప్రవక్త ఈసా(AS) తల్లి మర్యం

 

మర్యమ్ దివ్య ఖుర్ఆన్ మరియు ఇస్లాంలో ఒక ప్రత్యేకమైన మరియు గౌరవనీయమైన స్థానాన్ని కలిగి ఉంది. మర్యమ్ కథ దివ్య ఖురాన్ లో చాలా వివరంగా ఇవ్వబడింది. దివ్య ఖురాన్ లోని ఒక సూరా కు  మర్యమ్ పేరు పెట్టబడింది మరియు అల్లాహ్ మర్యమ్  ను అందరు  మహిళలకన్నా ఉత్తమమైనదిగా  ఎన్నుకుంటాడు.

 

•       “దైవదూతలు వచ్చి మర్యం తో ఇలా అన్నారు:”మర్యమ్! అల్లాహ్ నిన్ను ఎన్నుకోన్నాడు. నీకు పరిశుద్దతను ప్రసాదించాడు. ప్రపంచ మహిళలoదరి పై నీకు ప్రాధ్యానము ఇచ్చి నిన్ను తన సేవ కొరకు ఎన్నుకోన్నాడు.” -(దివ్య ఖుర్ఆన్ 3:42)

 

మర్యం కు ఖుర్ఆన్‌లో అనేక గౌరవప్రదమైన బిరుదులు ఇవ్వబడ్డాయి: ‘ఆరోన్ సోదరి’ (ఖుర్ఆన్ 19:28 లో) మరియు ‘భక్తులైన సేవకులలో ఒకరు’.

 

మర్యం జీవితం ఆధ్యాత్మికంగా ఆరాధనలో ఉన్నత స్థాయికి ఒక ఉదాహరణ.

 

అల్లాహ్ ఇమ్రాన్ కుమార్తె మర్యం ను "విశ్వాసులకు ఉదాహరణ" అని కూడా పేర్కొన్నాడు మరియు "ఆమె తన ప్రభువు మాటలను మరియు అతని గ్రంథాలను విశ్వసించింది మరియు భక్తితో విధేయురాలు" అని పేర్కొంది. ఖురాన్ 66:12

 

ఆరోన్‌తో మర్యం కు ఉన్న సంబంధం చాలా ముఖ్యమైనది, ఎందుకంటే ఇది మర్యం ను  గొప్ప వంశo  ‘ఇమ్రాన్’ కుమార్తెగా సూచిస్తుంది. మర్యం కు  భక్తుడైన సేవకుడు లేదా ఖానితిన్ qanitin అని ముద్ర వేయడం ద్వారా, అల్లాహ్ మరియు అతని దూతల మాటలపై మర్యం కు నిజమైన నమ్మకం ఉందని  తెలుస్తుంది. మర్యం గొప్పతనం ను ఖుర్ఆన్ 19:34 లో కూడా నొక్కిచెప్పారు. ఇక్కడ ప్రవక్త ఈసా/యేసు (AS) ను మర్యం కుమారుడు అని పిలుస్తారు. 

 

•       మర్యమ్ “నాకు పుత్రుడు ఎలా పుడతాడు, నన్ను పురుషుడు ఎవడు తాకనైనా లేదు, నేను చెడునడత గల దానిని కాను” అని అన్నది. దైవ దూత ఇలా అన్నాడు” అలాగే జరుగుతుంది. నీ ప్రభువు, “అలా చేయటం నాకు చాలా సులబం. ఆ బాలుణ్ణి ప్రజల కొరకు ఒక సూచనగా, మా తరుపునుండి ఒక కారుణ్యంగా చేయాలనీ మేము ఈ పని చేస్తున్నాము. ఇది జరిగి తీరవలసిన విషయమే” అని సెలవిస్తున్నాడు.” (దివ్య ఖుర్ఆన్ 19: 20-21).

 

ఈసా/యేసు ప్రవక్త (AS) దేవుని కుమారుడు కాదని పేర్కొనడంలో, ఖుర్ఆన్ మర్యం యొక్క పవిత్రతను లేదా సుగుణాన్ని ప్రశ్నించదు.

ప్రసవ సమయంలో, మర్యం మిక్కిలి నొప్పిని అనుభవిస్తుంది మరియు అల్లాహ్ ఆమెకు ఓదార్పునిస్తాడు.

 

•       “దైవ దూత ఆమెను పిలిచి ఇలా అన్నాడు,” భాధపడకు, నీ ప్రభువు నీకు దిగువ భాగం లో ఒక సెలయేరును సృజించాడు. నీవు ఈ చెట్టు మొదలు కొంచం ఊపు. నీపై స్వచ్చమైన తాజా ఖర్జూరపు పండ్లు రాల్తాయి.’”(దివ్య ఖుర్ఆన్ 19: 24-25)

 

ప్రసవ వేదన సమయంలో అల్లాహ్ మర్యమ్ కు  ఆహారం, పానీయం మరియు ఓదార్పునిస్తాడు. మర్యం సురక్షితంగా ప్రవక్త /ఈసా యేసు (AS) కు  జన్మ నిస్తుంది. మరియం వహి (లేదా అల్లాహ్ నుండి కమ్యూనికేషన్) పొందుతుంది తద్వారా ఆమె ముహద్దాలు (అల్లాహ్ మాట్లాడే వ్యక్తి) గా మారుతుంది. మర్యం యొక్క సుగుణం/ధర్మం, ప్రభువు పట్ల భక్తి మర్యం ను  మానవాళి అందరికీ ఒక ఉదాహరణగా రూపొందిస్తుంది..

 

 ఇస్లాం మర్యం ను చాలా గౌరవప్రదమైన స్థితిలో ఉంచింది ఇస్లాం మేరీ (మర్యం) ని   ‘సంపూర్ణ విశ్వాసం’ ఉన్న నలుగురు మహిళలలో ఒకరుగా గుర్తించినది.