నేతాజీ సుభాస్ అండమాన్‌ ను విముక్తి చేసి జాతీయ జెండాను ఎగురవేశారు Netaji Subhas liberated and hoisted the national flag at the Andamans

 

భారతదేశ చరిత్రలో డిసెంబర్ 30కి చాలా ముఖ్యమైన స్థానం ఉంది. 1857 తర్వాత భారతీయులు మొదటిసారిగా 1943లో డిసెంబర్ 30న, బ్రిటిష్ వలస పాలన నుండి ఒక భూభాగాన్ని(అండమాన్/కాలాపానీ) తిరిగి పొందారు.

నేతాజీ సుభాష్ చంద్రబోస్ సింగపూర్‌లో 21 అక్టోబర్, 1943న ఆజాద్ హింద్ సర్కార్ మరియు INA ను ఏర్పాటు చేసినట్లు ప్రకటించారు. ఆజాద్ హింద్ సర్కార్ ను గుర్తించిన ఏకైక దేశం జపాన్. ఏడాది క్రితం జపాన్  అండమాన్ మరియు నికోబార్ దీవులను స్వాధీనం చేసుకున్నది.. అండమాన్ భారతదేశంలో భాగమైనందున మరియు బోస్ ప్రవాస భారత రాజ్యానికి అధిపతి అయినందున అడమాన్ దీవులను ఆజాద్ హింద్ సర్కార్ మరియు ఇండియన్ నేషనల్ ఆర్మీకి అప్పగించాలని బోస్ డిమాండ్ చేశాడు.

1943 నవంబర్ 6న గ్రేటర్ ఈస్ట్ ఆసియా నేషన్స్‌లో జపాన్ దేశాధినేత జనరల్ టోజో అండమాన్ మరియు నికోబార్ దీవులను ఆజాద్ హింద్ సర్కార్‌కు అప్పగిస్తున్నట్లు ప్రకటించారు.

బోస్ ఒక ప్రకటన లో “భారతీయులకు, అండమాన్ తిరిగి రావడం బ్రిటిష్ నుండి విముక్తి పొందిన మొదటి భూభాగాన్ని సూచిస్తుంది. అండమాన్ భూభాగాన్ని స్వాధీనం చేసుకోవడం ద్వారా, భారత తాత్కాలిక ప్రభుత్వం ఇప్పుడు జాతీయ సంస్థగా మారింది. అండమాన్ విముక్తికి ప్రాముఖ్యత ఉంది, ఎందుకంటే అండమాన్‌ను బ్రిటిష్ వారు రాజకీయ ఖైదీల జైలుగా ఉపయోగించారు.బ్రిటీష్ ప్రభుత్వాన్ని కూలదోయడానికి కుట్రలు పన్నినందుకు వందలాది మంది రాజకీయ ఖైదీల అండమాన్ ద్వీపంలో బంధించబడ్డారు.

ఫ్రెంచి విప్లవంలో మొదటగా విముక్తి పొందిన ప్యారిస్‌లోని బాస్టిల్ లాగా, అండమాన్ భారతదేశ స్వాతంత్ర్య పోరాటంలో మొదట విముక్తి పొండినది.. ఇది ఎల్లప్పుడూ అత్యంత ప్రాముఖ్యతను కలిగి ఉన్న మొదటి భూమి.. అమరవీరుల జ్ఞాపకార్థం అండమాన్‌కు 'షహీద్' అని నికోబార్‌లను ‘స్వరాజ్’గా పిలుస్తారు” అని అన్నారు..

29 డిసెంబరు 1943న, బోస్‌తో పాటు A.M. సహాయ్ మరియు మేజర్ అబిద్ హసన్, పోర్ట్ బ్లెయిర్ చేరుకుని జపాన్ కమాండర్‌ను కలిశారు. బోస్ రాస్ ద్వీపంలో ఒక రాత్రి గడిపారు.

“మరుసటి రోజు ఉదయం నేతాజీ పోర్ట్ బ్లెయిర్‌లో జరిగిన ఒక భారీ ర్యాలీకి హాజరయ్యారు. ర్యాలీ ప్రారంభంలో, భారత జాతీయ గీతాన్ని ఆలపించటం జరిగింది.  నేతాజీ భారత జెండాను ఎగురవేశారు. ఆసియా నాయకుడిగా ఉన్న నిప్పాన్‌(జపాన్)చే బ్రిటిష్ నుండి అండమాన్‌కు విముక్తి లభించిందని నేతాజీ తన ప్రసంగంలో ప్రకటించారు.

 “అండమాన్-నికోబార్ ద్వీపాలు త్వరలో భారత భూభాగంగా మారుతాయి. ఢిల్లీలో ప్రవేశించడం లేదా ప్రస్తుత స్వాతంత్య్ర పోరాటంలో చావుతో పోరాడడం, భారతదేశం పట్ల నిప్పాన్‌(జపాన్)కు ఉన్న చిత్తశుద్ధిని మరియు స్నేహాన్ని తిరిగి చెల్లించడానికి రెండు మార్గాలు మాత్రమే” అని బోస్ అన్నారు.

అండమాన్‌ విముక్తిలో ఇండిపెండెన్స్ లీగ్ నాయకులు రామకృష్ణ, దుర్గాప్రసాద్ మరియు నవాబ్ అలీ. పాత్రను బోస్ ప్రస్తావించారు. బోస్ అండమాన్ దీవుల కమిషనర్‌గా కల్నల్ A. D. లోంగనాథన్  ను  మరియు మేజర్ అల్వీని డిప్యూటీగా నియమించారు.

9జనవరి, 1944న జరిగిన ఈ సంఘటన యొక్క ప్రాముఖ్యత గురించి బోస్ ప్రసంగించారు. "నేను మరియు నా పార్టీ సభ్యులు మొదటిసారిగా స్వేచ్ఛా భారత గడ్డపై నిలబడినప్పుడు జీవితంలోని అపూర్వ అనుభవాన్ని పొందాము. రాస్ ఐలాండ్‌లోని మాజీ బ్రిటిష్ చీఫ్ కమీషనర్ నివాసంపై త్రివర్ణ జాతీయ జెండా గాలిలో రెపరెపలాడడం మాకు మరపురాని అనుభవం.