2023-2024 కేంద్ర బడ్జెట్‌ తో మైనారిటీ వర్గాల్లో నిరాశ

 

2023-24 కేంద్ర బడ్జెట్‌ మైనారిటీ వర్గాల ప్రజలకు నిరాశే మిగిల్చింది. 2023-24 కేంద్ర మైనారిటీ వ్యవహారాల మంత్రిత్వ శాఖ బడ్జెట్‌లో దాదాపు రూ.1923 కోట్ల మేర తగ్గించారు. 

2023-2024 సంవత్సరానికి మైనారిటీ వ్యవహారాల మంత్రిత్వ శాఖ ఖాతాకు కేవలం రూ.3097 కోట్లు మాత్రమే కేటాయించారు. వచ్చాయి. బడ్జెట్‌లో మైనార్టీలను ప్రభుత్వం విస్మరించిందని ప్రజలు భావిస్తున్నారు.

కేంద్ర ఆర్థిక మంత్రి నిర్మలా సీతారామన్‌ ప్రవేశపెట్టిన 2023-24బడ్జెట్‌ లో మైనారిటీల మంత్రిత్వ శాఖ బడ్జెట్‌లో రూ.3097 కోట్లు కేటాయించారు. మైనారిటీ వ్యవహారాల మంత్రిత్వ శాఖకు గత 2022-23లో రూ.5020 కోట్లు కేటాయించగా ఈ ఆర్ధిక సంవత్సరం లో దాదాపు 38% కోత పెట్టారు. 

2021-22 సంవత్సరంలో, మైనారిటీ వ్యవహారాల మంత్రిత్వ శాఖ బడ్జెట్ సుమారు రూ. 4300 కోట్లు. 2021-22 సంవత్సరంతో పోలిస్తే, 2022-23 సంవత్సరంలో మైనారిటీ వ్యవహారాల మంత్రిత్వ శాఖకు 5020 కోట్లు అనగా దాదాపు 650 కోట్ల రూపాయలు ఎక్కువగా కేటాయించారు.

కేంద్ర బడ్జెట్‌లో మైనారిటీల విద్యా సాధికారతలోనూ భారీ కోత పెట్టారు. మైనార్టీల విద్యా సాధికారతకు ఈ ఏడాది2023-24లో  రూ.1,689 కోట్లు మాత్రమే కేటాయించారు. 2022-23లో మైనార్టీల విద్యా సాధికారత కోసం రూ.2,515 కోట్లు కేటాయించారు. ఏడాది2023-24లో  విద్యా సాధికారత కోసం బడ్జెట్‌లో సుమారు రూ.826 కోట్లు తగ్గించారు. మరియు 2021-22వ  సంవత్సరంలో మైనారిటీల విద్యా సాధికారత కోసం రూ.2,249 కోట్లు వచ్చాయి.

ఈ ఏడాది2023-24లో  మైనార్టీలకు ఉచిత కోచింగ్‌కు ప్రభుత్వం రూ.30 కోట్లు మాత్రమే కేటాయించింది. గతేడాది2022-23తో పోలిస్తే ఈ ఏడాది రూ.49 కోట్లు తక్కువగా కేటాయించారు. 2021-22లో కూడా ఉచిత కోచింగ్‌కు కేవలం రూ.37 కోట్లు మాత్రమే కేటాయించారు.

ఇది కాకుండా గ్రాడ్యుయేట్ మరియు పోస్ట్ గ్రాడ్యుయేట్ మైనారిటీ విద్యార్థులకు ఇచ్చే స్కాలర్‌షిప్‌లో కూడా భారీ తగ్గింపు జరిగింది. ఇందుకోసం ప్రభుత్వం 2022-23లో రూ.365 కోట్లు కేటాయించగా, ఈ ఏడాది2023-24లో  రూ.44 కోట్లు మాత్రమే కేటాయించింది. గతేడాది2022-23 తో పోలిస్తే ఈ ఏడాది2023-24  స్కాలర్ షిప్ ఫండ్ రూ.321 కోట్లు తగ్గింది.

యూపీఎస్సీ ప్రిపరేషన్ కోసం మైనార్టీ విద్యార్థుల కోసం ప్రభుత్వం పథకాన్ని నిలిపివేసింది.

ఈ ఏడాది2023-24లో  మైనార్టీల స్కిల్ డెవలప్ మెంట్ కు రూ.10 లక్షలు మాత్రమే కేటాయించారు. గతేడాది2022-23 స్కిల్‌ డెవలప్‌మెంట్‌కు రూ.100 కోట్ల బడ్జెట్‌ కేటాయించారు. కాగా 2021-22లో ఈ బడ్జెట్ రూ.268 కోట్లు.

అదే విధంగా 'నాయి మంజిల్' పథకానికి కూడా2023-24లో  10 లక్షల బడ్జెట్ మాత్రమే కేటాయించారు.

 మదరసా విద్యా పథకం బడ్జెట్‌పై కూడా ప్రభుత్వం తగ్గించినది.. మదర్సాలకు ఈ ఏడాది2023-24లో  రూ.10 కోట్లు మాత్రమే కేటాయించారు. మదర్సా విద్యా పథకానికి గతేడాది 2022-23లో బడ్జెట్‌ రూ.160 కోట్లు. ఈ ఏడాది ప్రభుత్వం రూ.150 కోట్లు తగ్గించింది.

మైనార్టీల అభివృద్ధికి గొడుగు కార్యక్రమం కోసం ఈ ఏడాది 2023-24 రూ.610 కోట్ల బడ్జెట్‌ కేటాయించారు. గతేడాది2022-23లో  దీని కోసం రూ.1,810 కోట్ల బడ్జెట్ ఇచ్చారు. ఈ ఏడాది2023-24లో   దాదాపు రూ.1200 కోట్లు తగ్గించ బడినది.

కొంతకాలం క్రితం మైనారిటీ విద్యార్థులకు ఇస్తున్న అనేక పథకాలను కేంద్ర ప్రభుత్వం నిలిపివేసింది. ఇందులో ప్రధానంగా మౌలానా ఆజాద్ ఫెలోషిప్, పధో ప్రదేశ్ యోజన ఉన్నాయి. ఈ ఉపకార వేతనాలతో పాటు 1వ తరగతి నుంచి 8వ తరగతి విద్యార్థులకు ప్రీ-మెట్రిక్ స్కాలర్‌షిప్‌ను రద్దు చేసిన కేంద్ర ప్రభుత్వం 9, 10వ తరగతికే పరిమితం చేసింది. ఈ బడ్జెట్‌లో మైనారిటీ విద్యార్థుల కోసం ప్రభుత్వం కొన్ని కొత్త స్కాలర్‌షిప్‌లు మరియు పథకాలను తీసుకువస్తుందని భావించారు.

 సబ్‌కా సాథ్, సబ్‌కా వికాస్, సబ్‌కా విశ్వాస్ అంటూ అధికారంలోకి వచ్చిన బీజేపీ 2019లో కోటి మంది మైనారిటీ విద్యార్థులకు స్కాలర్‌షిప్ ఇస్తామని హామీ ఇచ్చింది. కానీ 55 లక్షల మంది విద్యార్థులకు మాత్రమే స్కాలర్‌షిప్ లభించింది. గణాంకాల ప్రకారం, 2006 మరియు 2013 మధ్య, మైనారిటీ వ్యవహారాల మంత్రిత్వ శాఖ ద్వారా సుమారు 80 లక్షల మంది మైనారిటీ విద్యార్థులకు స్కాలర్‌షిప్‌లు అందించబడ్డాయి.

 దేశంలో ముస్లింలు అత్యంత వెనుకబడి ఉన్నారని సచార్ కమిటీ నివేదికతో స్పష్టమైందన్నారు. నేడు ముస్లింల పరిస్థితి మరింత దయనీయంగా మారింది. ఇంత జరిగినా వారి ప్రగతి, సంక్షేమం కోసం బడ్జెట్‌ను పెంచే బదులు తగ్గింపు జరిగింది. యుపిఎస్‌సి ప్రిపరేషన్ కోసం మైనారిటీ విద్యార్థులకు పథకం నిలిపివేయబడింది.

 కేంద్రంలోని మైనారిటీల మంత్రిత్వ శాఖ బడ్జెట్ 2014 నుండి నిరంతరం క్షీణిస్తోంది. కాంగ్రెస్ ప్రభుత్వ హయాంలో 2013 వరకు మైనారిటీ శాఖ బడ్జెట్ రూ.3531 కోట్లు కాగా, కేంద్రంలో మోదీ అధికారం చేపట్టిన తర్వాత క్రమంగా తగ్గుముఖం పట్టింది.

 ఒకవైపు ప్రధానమంత్రి నరేంద్రమోదీ 'సబ్కా సాథ్, సబ్కా వికాస్, సబ్కా విశ్వాస్ మరియు సబ్కా ప్రయాస్' దిశలో పనిచేస్తున్నట్లు పేర్కొన్నారు. మరోవైపు, BJPప్రభుత్వం  మైనారిటీల బడ్జెట్‌లో కోత పెడుతుంది మరియు మైనారిటీల ప్రయోజనాల కోసం అమలు చేస్తున్న పథకాలను నిలిపివేస్తుంది.

అయితే, మైనారిటీ వ్యవహారాల శాఖ అదనపు బాధ్యతలు నిర్వహిస్తున్న స్మృతి ఇరానీ, "సమగ్ర అభివృద్ధి & ఆర్థిక మూలాధారాలను బలోపేతం చేసే నిజమైన 'అమృత్ కాల్ బడ్జెట్' కోసం PM @narendramodi Ji & FM @nsitharaman జీకి అభినందనలు" అని కేంద్ర బడ్జెట్‌ను ప్రశంసించారు. "ఇన్‌ఫ్రా, టెక్, గ్రీన్ ఎనర్జీ & ఇతర రంగాలకు ప్రాధాన్యత ఇవ్వడం వల్ల బలమైన రేపటి కోసం భారతదేశ వృద్ధిని సంస్థాగతంగా మారుస్తుంది" అని ఆమె అన్నారు.

కేంద్ర బడ్జెట్ 2023 మైనారిటీ పథకాలకు నిధులను తగ్గించిందని ఆల్ ఇండియా మజ్లిస్-ఇ-ఇత్తెహాదుల్ ముస్లిమీన్ (AIMIM) చీఫ్ అసదుద్దీన్ ఒవైసీ బుధవారం విమర్శించారు. ప్రధాని మోడీ ప్రకారం, పేద మైనారిటీ పిల్లలకు ప్రభుత్వ “ప్రయత్నాలు” అవసరం లేదని ఆయన అన్నారు.

 మైనారిటీల అభివృద్ధికి, విద్యకు బడ్జెట్‌లో కోత విధించడం కలవరపెడుతుందని ఉర్దూ డెవలప్‌మెంట్ ఆర్గనైజేషన్ డాక్టర్ సయ్యద్ అహ్మద్ ఖాన్ అంటున్నారు.

 

 

-టు సర్కిల్స్ సౌజన్యం తో