షరియా - ఇస్లామిక్ మహిళల స్థితి-నాడు-నేడు

 

'దివ్య ఖురాన్ యొక్క ప్రాథమిక సందేశం సామాజిక-ఆర్థిక న్యాయం మరియు మానవ సమానత్వం' అని చాలా మంది ఇస్లాం పండితులచే చెప్పబడింది.

 

ఇస్లాo కు పూర్వం అరేబియా అంధకారంలో మునిగిపోయింది, పితృస్వామ్య సమాజo అమలులో ఉంది మరియు స్త్రీల పరిస్థితి దమనీయంగా ఉంది.  అప్పుడే పుట్టిన ఆడపిల్లలను అరేబియాలోని ఎడారులలో సజీవంగా సమాధి చేస్తారు. ఆడపిల్ల పుట్టడం అనేది పురుషాధిక్య కుటుంబానికి అపకీర్తి తెచ్చే చెడు శకునంగా పరిగణించబడింది.

 

ఈ సందర్భంలోనే మహిళా సాధికారత పై దివ్య ఖురాన్ సందేశం వెల్లడి చేయబడింది. ఇస్లాం,  రక్షకునిగా వచ్చి మహిళలకు అపూర్వమైన హక్కులను ఇచ్చింది. అన్యాయమైన అరేబియా సమాజంలో మహిళల గౌరవానికి హామీ ఇచ్చింది.

 

మహిళలు, వారి సాధికారత మరియు వారి హక్కుల గురించి మాట్లాడే దివ్య ఖురాన్ భాగాలను అర్థం చేసుకోవడానికి, చారిత్రక సందర్భం మరియు వహి/ద్యోతకం అవతరించిన సందర్భాలు చాలా కీలకమైనవి.

 

దివ్య ఖురాన్ యొక్క సందేశం బిగ్గరగా మరియు స్పష్టంగా ఉంది.

 

ఒక స్త్రీని ఉద్ధరించడానికి మరియు ఆమెకు తగిన హోదాను ఇవ్వడానికి. 21వ శతాబ్దంలో స్త్రీలు ఎంత మేధావిగా అభివృద్ధి చెందినా, వారి సాక్ష్యం పురుషుడి కంటే తక్కువ విలువను కలిగి ఉండాలని వాదించడం కేవలం సామాజిక పరిణామం మరియు న్యాయం యొక్క దివ్య ఖురాన్ ఉద్దేశ్యానికి విపరీతమైన అవమానం.

 

629 CEలో ప్రవక్త మరియు అతని మక్కన్ విరోధుల మధ్య కుదిరిన చారిత్రాత్మక 'హుదయ్యబియా ఒప్పందం' వెలుగులో ఇస్లాంలో మహిళల పాత్ర మరింత స్పష్టంగా అర్థం చేసుకోవచ్చు. ప్రవక్త(స) ఖురైష్‌లకు చాలా అనుకూల అంశాలను ఇచ్చారని మరియు అతని సహచరులు చాలా మంది దీనిని వ్యతిరేకించారని ఈ ఒప్పందం ఏకపక్ష వ్యవహారం అని చెప్పబడింది. ఇస్లాం మరియు దాని వ్యాప్తికి అనుకూలంగా చాలా విజయవంతమైన ఒప్పందంగా నిరూపించబడిన 'హుదయ్యబియా ఒప్పందం' పై సంతకం చేయడానికి ముందు ప్రవక్త(స) తన భార్యలలో ఒకరైన ఉమ్మ్ ఇ సలామా నుండి సలహా తీసుకున్నారని చెప్పబడింది.

 

ప్రవక్త(స) కాలంలో స్త్రీల స్థితిగతులను వివరించడానికి కొన్ని సంఘటనలను ఇక్కడ ప్రస్తావించడం అవసరం.

 

ప్రవక్త(స) మదీనా లో ఉన్నప్పుడు  ముగీస్ మరియు జావేరియా అనే ఒక జంట జీవించేవారని చెబుతారు. ఒక రోజు జవేరియా,  ప్రవక్త(స) ఇంటికి వచ్చి ముగీస్ నుండి విడాకులు తీసుకోవాలనే తన డిమాండ్‌ను ప్రవక్త(స) ముందు ఉంచింది. మరోవైపు ముగీస్ తన భార్యకు విడాకులు ఇవ్వడానికి ఇష్టపడలేదు మరియు విషయం ఇప్పుడు ప్రవక్త కోర్టులో ఉంది. ప్రవక్త(స) జవేరియా తన నిర్ణయాన్ని పునఃపరిశీలించమని మరియు విడాకులు తీసుకోకుండా ఉండమని కోరారు.

 

జావేరియా ప్రవక్త(స)ను ఇది అతని సూచనా లేదా దేవుని ఆదేశమా? అని అడిగింది. ప్రవక్త(స) ఇది దేవుని నుండి వచ్చిన శాసనం కాదని, పూర్తిగా తన సూచన అని అన్నారు. 'అలా అయితే' అని జవేరియా విడాకులు కోరుకుంటుంది మరియు ప్రవక్త(స)సలహాను పరిగణనలోకి తీసుకోదు. ముగీస్ మరియు జావేరియా జంట విడాకులు తీసుకున్నారు మరియు ప్రవక్త కాలంలో ఒక మహిళ ఎంత శక్తివంతంగా ఉండేదనే దానికి ఇది ఒక ఉదాహరణ.

 

11వ శతాబ్దం ప్రారంభంలో, ఇస్లాం ధర్మశాస్త్ర సంప్రదాయంలో ఒక మార్పు వచ్చింది, ఇక్కడ మేధో వృద్ధి, స్వేచ్ఛా-ఆలోచనా స్ఫూర్తి మరియు విచారణ వెనుక సీటు తీసుకున్నాయి. ఇస్లాం యొక్క వివరణలను నిర్వచించడంలో ఉలేమా-స్టేట్/రాజ్యం  బలoగా తయారు  అయినది మరియు ఈ కూటమి పర్యవసానంగా ఇస్లాం యొక్క మరింత కఠినమైన మరియు రాజీలేని వివరణలు తెరపైకి వచ్చాయి. మహిళలు మరియు వారి సాధికారత ఈ సమయంలో అణిచివేయబడింది మరియు ఆవే భావాలు నేటికి ప్రచారం లోనే ఉన్నాయి.

 

ఇస్లాం యొక్క మొత్తం చరిత్రలో, షరియా ఆధునిక యుగం లోనే ఎక్కువగా దుర్వినియోగం చేయబడినది. తప్పుగా అర్థం చేసుకోబడినది మరియు తప్పుగా సూచించబడినది. ఇది అణచివేత మరియు నిరంకుశత్వం, అన్యాయం మరియు అధికార దుర్వినియోగాన్ని సమర్థించడానికి ఉపయోగించబడింది. ఇవన్నీ ముస్లిం ప్రజలకు మరియు ముఖ్యంగా మహిళలకు హాని కలిగించాయి మరియు ఇస్లాం యొక్క నిజమైన పునరుజ్జీవనానికి మరియు సమకాలీన ముస్లిం మేధో ఆలోచన యొక్క నిజమైన ఆవిర్భావానికి ఊపిరి పోశాయి.

ముస్లిం మహిళలపై ఆధునిక మరియు పాశ్చాత్యీకరించిన ఫ్రేమ్‌వర్క్‌ను విధించడానికి ప్రయత్నించిన దాడి నుండి కూడా ముస్లిం మహిళలు  రక్షించబడాలి.వాస్తవానికి, ఆధునికత ముసుగులో, పెట్టుబడిదారీ మరియు పితృస్వామ్య చట్రాలు ముస్లిం మహిళల ఆర్థిక, సామాజిక లేదా మతపరమైన అభ్యున్నతికి దోహదం చేయవు.

ముస్లిం మహిళల విముక్తికి సమాధానం ప్రపంచ లేదా జాతీయ నెట్‌వర్క్‌లలో లేదు. వారు నడిపించే స్థానిక జీవితాల్లో ఉంది. వారి ఆర్థిక పురోభివృద్ధి, వారి చైతన్యానికి అడ్డుగా ఉన్న మతపరమైన అడ్డంకులను దూరం చేయడంలో ఉంది.