మణిపూర్ ముస్లింలు

 

మణిపూర్ ముస్లిములు గురించి మనకు చాలా తక్కువ తెలుసు. ప్రవక్త ముహమ్మద్ (స)సజీవంగా ఉన్నప్పుడే ఇస్లాం ఈ సుదూర ప్రదేశానికి చేరుకుంది. ఇస్లాం 7వ శతాబ్దం ప్రారంభంలో ప్రవక్త యొక్క మేనమామలు సాద్ ఇబ్న్ అబీ వక్కాస్ మరియు అమీర్ హమ్జా ద్వారా ఈ ప్రాంతానికి వచ్చిందని పేర్కొంది.

ఇస్లాం మణిపూర్ లో క్రీస్తు శకం 615 లో ప్రవేశించినది. అదేసమయం లో భారత ఉపఖండం  లోని మలబార్, సింద్, గుజరాత్ మొదలగు ప్రదేశాలలో కుడా ప్రవేశించినది. మణిపూర్ ముస్లింలలో సాగి(sagei) వంశం తమ మూలాలను ప్రవక్త (స) బాబాయిలు అమీర్ హంజా మరియు సాద్ ఇబ్న్  అబి వకాస్ తో చెబుతారు .

 మణిపూర్ ముస్లింల చరిత్ర:

మణిపూర్ లొని  అరిబామ్ తెగ ("అరిబామ్" అనే పదం "అరిబా" అనే అరబిక్ పదం నుండి "స్వచ్ఛమైన అరబ్బులు" నుండి ఉద్భవించింది) తమ పూర్వీకుల చరిత్రను  హంజా మరియు సాద్ ఇబ్న్ అబీ వక్కాస్‌లతో ముడిపెడుతుంది. 610 CEకి ముందే హంజా మణిపూర్‌కు చేరుకున్నారని మరియు 615 CEలో మణిపూర్‌కు చేరుకున్న ముగ్గురు సహబాలలో వక్కాస్ కూడా ఉన్నాడు అని తెలుస్తుంది.

అరేబియా, పర్షియా మరియు టర్కీ నుండి ముస్లింలు పట్టు మార్గం ద్వారా అస్సాం మరియు మణిపూర్ మీదుగా చైనాలోని  యునాన్ మరియు ఇతర ప్రాంతాలకు వెళ్లేవారు.

ఖలీఫా  అలీ కుమారుడు,  ముహమ్మద్ అల్-హనాఫియా, 680 C.E.లో మణిపూర్‌కు వచ్చినట్లు చెప్పబడింది.

సిల్హెట్‌లోని నాగరా బ్రాహ్మణులలో ఒక విభాగం 646 C.Eలో ఇస్లాంను స్వీకరించింది. అదేవిధంగా, కాయస్థ (క్షత్రియ) యొక్క ఒక విభాగం 743-1199లో ఇస్లాంలోకి ప్రవేశించినది..

మణిపూర్‌లోని మిగిలిన తెగలు 1606 మరియు 1724లో రెండు పెద్ద  ముస్లింల వలసల ఫలితంగా ఇస్లాం స్వికరించాయి. ఔరంగజేబు నుండి తనను తాను రక్షించుకోవడానికి పారిపోయిన మొఘల్ యువరాజు షా షుజాకు మణిపూర్ ఆశ్రయం కల్పించింది.

లఖాయార్‌ఫుల్ అలియాస్ బైసంఘర్ మొఘల్ చక్రవర్తి అక్బర్‌కి అతని మూడవ భార్య దౌలత్ షా ద్వారా మనవడు. సునర్‌ఫుల్ (షా షుజా) మరియు లఖియార్‌ఫుల్ మణిపూర్ లో సురక్షితమైన ఆశ్రయాన్ని కనుగొన్న తర్వాత స్థానిక జనాభాను మొఘల్ సంప్రదాయాలతో సుసంపన్నం చేశారు. రాజ సమ్మతిని పొందిన సూఫీ సాధువుల బోధనల కారణంగా ఈ ప్రాంతంలో ముస్లిం జనాభా చాలా వరకు పెరిగింది.

అరబ్ భౌగోళిక శాస్త్రవేత్త ఇబ్న్ ఖుర్దాద్‌బిహ్ (851 CE) పాలా ప్రాంతం లో ఉత్పత్తి చేయబడిన పత్తి వస్త్రాల నమూనాలను తాను వ్యక్తిగతంగా చూశానని, అవి వాటి అసమానమైన అందం మరియు చక్కదనంతో నిండినవని ప్రశంసించాడు. మరొక అరబ్ భౌగోళిక శాస్త్రవేత్త మసూది బెంగాల్‌లో నివసిస్తున్న ముస్లింల గురించిన మొట్టమొదటి ప్రస్తావనను నమోదు చేశాడు. అల్-బెరూని, ఘజనీకి చెందిన మహమూద్ పంపిన చరిత్రకారుడు మణిపూర్ భూమిని మరియు ప్రజలను ఉదయగిరిగా అభివర్ణించాడు.

భారతదేశంలోని వివిధ ప్రాంతాల నుండి ముస్లింలు మణిపూర్‌కు వలసవచ్చారు. “బెంగాలీ...ముస్లింలు...రాజు నౌఫాంగ్బా కాలం నుండి వచ్చి స్థిరపడ్డారు.. షేర్ షా సూరి బెంగాల్‌ను పరిపాలిస్తున్నప్పుడు సూరి పఠాన్‌లు వచ్చారు. కొంతమంది గుజరాతీ పఠాన్‌లు కూడా  మణిపూర్‌కు వలస వెళ్లారు.1606లో మణిపురి యువరాజు తారాఫ్ (సిల్హెట్‌లో) నుండి తీసుకువచ్చిన పెద్ద సంఖ్యలో ముస్లిం దళాలను బందీలుగా తీసుకెళ్లి మణిపూర్ లోయలో స్థిరపరిచారు.

మణిపురి ముస్లింలు అందరూ సున్నీ హనాఫీలు. ఇబ్న్ బటూటా తన కమ్రూప్ కొండను సందర్శించినప్పుడు 1345 CEలో ప్రఖ్యాత సాధువు షేక్ షా జలాల్‌ను కలిశాడు.

మణిపూర్ ముస్లింలను చారిత్రాత్మకంగా పంగల్ లేదా మైతే-పంగల్ అని పిలుస్తారు, ఇది తాయ్ కాగ్నేట్ తెగ అయిన "పాంగ్" నుండి ఉద్భవించింది, ఇది బహుశా  "బంగల్" నుండి ఉద్భవింఛి ఉండవచ్చు. ఏడవ శతాబ్దం ప్రారంభంలో ముస్లిములు  "బంగల్" నుండి వచ్చారు. "బంగల్" అనే పదం ("బెంగాల్")కు  'అల్' అనే ప్రత్యయాన్ని జోడించడం ద్వారా బంగల్ రూపొందించబడింది. అయితే "పాంగ్" మరియు "పంగల్" అనే పదాలు మణిపూర్‌లో (గతంలో పోయిరే లేదా మీత్రాబాక్ లేదా మెఖ్లీ/ముఘలై లేదా కథే) ఏడవ శతాబ్దం నుండి ఉనికిలో ఉన్నాయి. "పంగల్" అంటే కేవలం "మణిపురి ముస్లింలు" అని అర్ధం, ఎందుకంటే వారు ఇస్లాంను అనుసరిస్తారు. వాటిని మైతేయ్ పంగల్ అని కూడా పిలుస్తారు,

మణిపూర్ ముస్లింలలో రెండు విభాగాలు అరిబా (స్వచ్ఛమైన అరబ్బులు) మరియు ఖలాజీ (మిశ్రమ రక్తం - స్థానిక తల్లి). పూర్వం ముస్లిం నివాసాలను "పంగల్ మార్" లేదా "పంగల్ మార్ ఖుల్లెన్" అని పిలిచేవారు.

బ్రిటిష్ రచయిత హెన్రీ రూల్ కథే ప్రకారం, ముసల్మాన్‌లు (అనగా ప్రారంభ మణిపురి ముస్లింలు) వివిధ ప్రాంతాల నుండి వివిధ యుగాలలో వస్తున్న ముస్లింల కలయిక ఫలితంగా ఉన్నారు - అరకాన్స్, కాచర్ మరియు మణిపూర్ కు చెందిన వారు.

బ్రిటిష్ రచయితల ప్రకారం, మణిపురి ముస్లింలు (పంగల్లు) నాలుగు సమూహాలుగా లేదా వంశాలుగా(షాక్జీ)  విభజించబడ్డారు- షేక్, సయ్యద్, మొఘల్ (చగ్తాయ్ టర్క్స్) మరియు పఠాన్ (ఆఫ్ఘన్లు). ఇవి 77 ఉప-వంశాలు లేదా కుటుంబ బిరుదులుగా విభజించబడ్డాయి.

మణిపూర్ ముస్లింలకు వారి స్వంత వ్యక్తిగత చట్టాలు ఉండేవి. మణిపూర్ రాజులు ముస్లింలను చాలా విశ్వసించారు. సాంఘిక ఆచారాలలో కూడా, ఖురాన్ ఆదేశాలకు విరుద్ధంగా లేనంత వరకు ముస్లింలు మెయిటీ పద్ధతులకు అనుగుణంగా ఉంటారు.

మణిపూర్ ముస్లింలు  మణిపూర్ జనాభా లో 8.40 % వరకు ఉన్నారు. 2011 జనాభా ప్రకారం మణిపూర్ లో ముస్లిం జనాభా 239,836 ఉంది.   

ముస్లిమ్స్ ప్రధానంగా లిలాంగ్, యైరిపోక్, సంగైయుంఫాం, క్షేత్రీగావ్, మోయిరాంగ్, మాయాంగ్ ఇంఫాల్, తౌబల్, బిషెన్‌పూర్, చందేల్ మరియు చురచంద్‌పూర్ వంటి వివిధ ప్రాంతాలలో స్థిరపడ్డారు. మణిపూర్  లోని ముస్లింలలో ఒక వర్గం కూడా బీహార్ మరియు యుపి నుండి వలస వచ్చిన వారు.

రాజధాని ఇంఫాల్ చుట్టుపక్కల కేంద్రీకరించబడి ఉన్నారు. ముస్లిములు  ఈశాన్య భారతదేశం (మణిపూర్, అస్సాం, త్రిపుర, నాగాలాండ్) లో నివసించే మైనారిటీ ఎత్నిక్ గ్రూపు మరియు వీరు  బంగ్లాదేశ్, సౌదీ అరేబియా, UK, అమెరికా లో కూడా కన్పిస్తారు.

పంగాల్స్ (మణిపూర్ ముస్లింలు) అస్సాం  లోని కచార్, హోజై, త్రిపురా లోని కొమోల్పూర్, బంగ్లాదేశ్ ప్రాంతంలో స్థిరపడ్డారు. పంగాల్స్ యొక్క  పూర్వీకులు చాహి తరేట్ ఖున్తక్ప (Chahi taret khuntakpa) కాలం లో మణిపూర్ కు వలస వచ్చారని నమ్ముతారు.

పంగాల్స్ ను మిః మేటి (Miah Meitei (Meetei) లేదా మణిపురి ముస్లిం లు అని  పిలుస్తారు. మణిపూర్‌లోని పంగల్లు లేదా ముస్లింల ప్రస్తుత సామాజిక-ఆర్థిక పరిస్థితి దయనీయంగా ఉంది.

డిసెంబరు 2006లో ముఖ్యమంత్రి ఓక్రమ్ ఇబోబి సింగ్ ప్రభుత్వ ఉద్యోగాల్లో ముస్లిం సమాజానికి నాలుగు శాతం రిజర్వేషన్ విధానాన్ని ప్రకటించారు

రాష్ట్రంలో ముస్లింల దయనీయమైన సామాజిక-ఆర్థిక పరిస్థితి మురుగుదలకు వారికి నాణ్యమైన విద్య, ఆర్థిక సాధికారత తక్షణావసరము.

అల్ మణిపూర్ ముస్లిం యునైటెడ్ ముస్లిం కోఅర్దినేటింగ్ కమిటి (AMMUMCOC)ప్రకారం మణిపూర్ ముస్లిములలో  అక్షరాస్యత శాతం 58.6% వరకు ఉంది. పురుషులలో 75%,స్త్రిలల్లో 41.6% ఉంది. మణిపూర్ రాష్ట్రం లో  మొత్తం అక్షరాస్యత 70% వరకు ఉంది.

మణిపూర్ ముస్లింలు  స్వదేశీ మరియు శాంతిని ప్రేమించే సంఘం. పురుషులు  సాంప్రదాయ దుస్తులు లుంగీలు మరియు పైజామా మరియు మహిళలు  ఫనెక్ మరియు సల్వార్ ధరిస్తారు.  స్త్రీ-పురుషులు ఇద్దరూ కూడా పాశ్చాత్య దుస్తులు ధరిస్తారు. మణిపూర్ ముస్లింలు  తమ ఇస్లామిక్ గుర్తింపు గురించి గర్వంగా ఉన్నారు.

ప్రముఖ పండితుడు ఫరూక్ అహ్మద్, ఆంగ్లం మరియు మణిపురి మూలాల నుండి 595 అనులేఖనాలతో, చాలా పెద్ద గ్రంథ పట్టిక రూపొందించారు. ఇది చాలా చక్కగా నమోదు చేయబడిన గ్రంథం.