గోమో జంక్షన్-న్యాయవాది షేక్ అబ్దుల్లా -నేతాజీ సుభాష్ చంద్రబోస్‌తో కల గణనీయమైన అనుబంధo

 

జార్ఖండ్: స్వాతంత్య్రోద్యమ చరిత్ర పుటలను తిరగేస్తుంటే, జార్ఖండ్‌లోని ధన్‌బాద్ జిల్లాలోని గోమో అనే చిన్న పట్టణం, ప్రముఖ స్వాతంత్ర్య సమరయోధుడు నేతాజీ సుభాష్ చంద్రబోస్‌తో గణనీయమైన అనుబంధాన్ని కలిగి ఉంది.

నేతాజీ స్వాతంత్ర్యం కోసం సాయుధ పోరాటం జరపటానికి  మరియు ఆజాద్ హింద్ ఫౌజ్ స్థాపన అనే  తన లక్ష్యాన్ని నెరవేర్చడానికి భారత దేశం విడిచిపెట్టినప్పుడు, బోస్ ఇండియా లో చివరి రాత్రి గోమో పట్టణంలో గడిపాడు

గోమో రైల్వే స్టేషన్ నుండి నేతాజీ కల్కా మెయిల్ ఎక్స్‌ప్రెస్‌లో పెషావర్‌కు బయలుదేరారు. ప్రస్తుతం గోమో జంక్షన్‌ను నేతాజీ సుభాష్ చంద్రబోస్ జంక్షన్ అని పిలుస్తారు.

జనవరి 18, 1941న కోల్‌కతాలోని ఎల్గిన్ రోడ్‌లోని తన నివాసంలో బ్రిటిష్ ప్రభుత్వం చే గృహనిర్బంధంలో ఉండిన నేతాజీ. బ్రిటిష్ పోలీసులను మోసం చేసి తప్పించుకున్నాడు. బ్రిటీష్ ప్రభుత్వం యొక్క కఠినమైన పహారా  ఉన్నప్పటికీ, కోల్‌కతా నుండి అతని నిష్క్రమణను బెంగాలీ వాలంటీర్‌కు చెందిన సత్య రంజన్ బక్షి ప్లాన్ చేశారు. (బెంగాల్ వాలంటీర్స్ కార్ప్స్ భారతదేశంలోని బ్రిటిష్ పాలనకు వ్యతిరేకంగా ఏర్పడిన ఒక అండర్ గ్రౌండ్ విప్లవ సమూహం.)

 కలకత్తా నివాసం నుండి తప్పించుకొన్న తర్వాత, నేతాజీ తన మేనల్లుడు శిశిర్ బోస్‌తో కలిసి తన 'బేబీ ఆస్టిన్' కారులో (BLA 7169) రాత్రి 8 గంటలకు గోమో చేరుకున్నారు. మరియు జార్ఖండ్‌లోని లోకో బజార్‌లో నివసించే తన న్యాయవాది స్నేహితుడు షేక్ మహ్మద్ అబ్దుల్లా ఇంటికి చేరుకున్నా. షేక్ అబ్దుల్లాతో పెషావర్‌ను సందర్శించాలనే తన ప్రణాళికను బోస్  వివరించాడు. నేతాజీ 'పఠాన్' వేషంలో గోమోస్టేషన్ నుండి హౌరా-పెషావర్ మెయిల్63 రైలు ఎక్కాలని నిర్ణయించుకున్నారు.

షేక్ అబ్దుల్లా సూచనల మేరకు గోమోకు చెందిన అమీన్ టైలర్ నేతాజీ కోసం పఠాన్ దుస్తులను త్వరగా సిద్ధం చేశాడు. అదే రోజు, అమీన్ టైలర్,  నేతాజీని తెల్లవారుజామున 1 గంటలకు గోమో రైల్వే స్టేషన్‌కు తీసుకెళ్లాడు, అక్కడ బోస్ మూడవ నంబర్ ప్లాట్‌ఫారమ్ నుండి రైలు ఎక్కారు.తరువాత, ఈ రైలు కల్కా ఎక్స్‌ప్రెస్‌గా పిలువబడింది.

2021లో, భారతీయ రైల్వే ఈ రైలుకు నేతాజీ ఎక్స్‌ప్రెస్‌గా పేరు మార్చింది. సుభాష్ చంద్రబోస్ దేశం విడిచి వెళ్లిన ఈ ఘటన 'ది గ్రేట్ ఎస్కేప్'గా చరిత్ర పుటల్లో నిలిచిపోయింది.

'ది గ్రేట్ ఎస్కేప్' జ్ఞాపకాలను భద్రపరచడానికి మరియు సజీవంగా ఉంచడానికి, జార్ఖండ్‌లోని నేతాజీ సుభాష్ చంద్రబోస్ జంక్షన్ ప్లాట్‌ఫారమ్ నంబర్ 1-2 మధ్య నేతాజీ యొక్క నిలువెత్తు కాంస్య విగ్రహం ఏర్పాటు చేయబడింది. 'ది గ్రేట్ ఎస్కేప్' కథ కూడా గోమో జంక్షన్ వద్ద ఉన్న ఫలకంపై క్లుప్తంగా వ్రాయబడింది.

ఈ వీరోచిత గాథ వెనుక ఉన్న అసలు కథ ఏమిటంటే, 1940 జూలై 2న హాల్‌వెల్ ఉద్యమం కారణంగా నేతాజీని భారత రక్షణ చట్టంలోని సెక్షన్ 129 కింద అరెస్టు చేశారు. అప్పటి డిప్యూటీ కమిషనర్ జాన్ బ్రీన్ నేతాజీని అరెస్టు చేసి ప్రెసిడెన్సీ జైలుకు పంపారు.

జైలుకు వెళ్లిన తర్వాత నేతాజీ ఆమరణ నిరాహార దీక్ష చేయడంతో ఆయన ఆరోగ్యం మరింత క్షీణించింది. తర్వాత, నేతాజీ బాగా కోలుకున్నాక మళ్లీ అరెస్టు చేయాలనే ఏకైక షరతుపై బ్రిటిష్ ప్రభుత్వం డిసెంబర్ 5, 1940న విడుదల చేసింది. నేతాజీ విడుదలై కోల్‌కతాలోని ఎల్గిన్ రోడ్‌లోని తన నివాసానికి వచ్చారు.

నేతాజీకి సంబంధించిన కేసు విచారణ జనవరి 27, 1941న జరగాల్సి ఉండగా.. నేతాజీ కలకత్తాలో లేరని బ్రిటిష్ ప్రభుత్వానికి జనవరి 26న తెలిసింది. నేతాజీ ఎనిమిది రోజుల ముందు జనవరి 16-17, 1941 రాత్రి 1 గంటలకు తన రూపాన్ని మార్చుకుని గోమోకు బయలుదేరారు

శిశిర్ బోస్‌తో కలిసి గోమోహ్ చేరుకున్న తర్వాత, నేతాజీ గోమో హతియాతాడ్ అడవుల్లో దాక్కున్నాడని చెబుతారు. ఈ అడవిలో స్వాతంత్ర్య సమరయోధుడు అలీజాన్, న్యాయవాది చిరంజీవ్ బాబుతో రహస్యంగా సమావేశమయ్యారు. సాయంత్రం తరువాత, నేతాజీ గోమోలోని లోకో మార్కెట్‌లో షేక్ అబ్దుల్లాను కలవడానికి వెళ్లారు.

నేతాజీ గోమో నుండి కల్కా మెయిల్ ద్వారా పెషావర్ వెళ్ళినప్పుడు, బ్రిటీషర్లు ఆయనను మళ్లీ అరెస్టు చేయలేకపోయారు

2009లో, రైల్వే మంత్రిత్వ శాఖ గోమో స్టేషన్‌కి నేతాజీ సుభాష్ చంద్రబోస్ గోమో జంక్షన్‌గా పేరు మార్చింది. జనవరి 23, 2009న అప్పటి కేంద్ర రైల్వే మంత్రి లాలూ ప్రసాద్ నేతాజీ స్మారకాన్ని ప్రారంభించారు.