వావర్, అయ్యప్ప యొక్క ముస్లిం సహచరుడు Vavar, Ayyappan’s Muslim companion

 

వావర్ మసీదు.

 

శబరిమల (కేరళ) లోని అయ్యప్ప దేవాలయం చాలా ప్రసిద్ధి చెందినది. ఆలయానికి తీర్థయాత్ర చాలా విశేషమైనది. అయ్యప్ప దేవాలయ ప్రయాణంలో తప్పనిసరి అంశము  యాత్రికులు పాతనంతిట్టలోని ఎరుమేలి వద్ద వావర్ మసీదు/దర్గా వద్ద ఆగడం. సుదూర ప్రాంతాల నుండి వస్తున్న వేలాది మంది తెలుగు యాత్రికులు ఇక్కడ ఆగి, వావర్ స్వామికి అంకితం చేసిన తెలుగులో ఖురాన్ నుండి కల్మాలతో కలిపి హిందూ భక్తి గీతాలను విరివిగా పాడతారు. ఎరుమేలీలో అయ్యప్పన్ ముస్లిం సహచరుడైన వావర్ పేరు పెట్టబడిన వావర్ స్వామి  పల్లి ఉంది.

వావర్ ఎవరు?

వావర్ అయ్యప్పన్ సహచరుడు. వావర్  కు స్వామి  అయ్యప్పన్  కు గల సంభంధమును వివరించే అనేక గాధలు కలవు.

మధ్యయుగo నాటి ఒక కదా ప్రకారం  అయ్యప్పన్ వ్యాపారులను అక్రమార్కులు మరియు దోపిడీదారుల నుండి రక్షించే దేవతగా పరిగణించబడ్డాడు. ఈ సందర్భం లో అయ్యప్పన్ కేరళ తీరప్రాంతం వెంబడి దోపిడీలు చేసే సముద్రపు దొంగ అయిన వావర్‌తో ఘర్షణకు వచ్చాడు. అయ్యప్పన్ అతనిని ఓడించాడు, దీని తరువాత వావర్ మనసు మార్చుకున్నాడు మరియు ప్రయాణికులను రక్షించడంలో అయ్యప్పన్‌కు సహాయం చేయడం ప్రారంభించాడు మరియు వ్యాపార యాత్రికులకు భద్రత కల్పించారు.

మరొక గాధ ప్రకారం వావర్ ఇస్లాం మతాన్ని వ్యాప్తి చేయడానికి ఈ ప్రాంతానికి వచ్చి అయ్యప్పన్‌తో కలిసిన ముస్లిం సాధువు/ఉపాధ్యాయుడు. కాలక్రమేణా, వావర్ గౌరవించబడ్డాడు.

మరొక కథనంలో, అయ్యప్పన్ ఎరుమేలీలో రాక్షస యువరాణి మహిషిని వధిస్తాడు. ఈ ప్రయత్నంలో వావర్ అయ్యప్పన్ కు సహాయం చేస్తాడు. అయ్యప్ప శబరిమలకు బయలుదేరినప్పుడు, అతను వావర్‌ని ఎరుమేలిలో ఉండమని అడుగుతాడు. శబరిమలలో తనను ఎప్పుడు చూడాలనుకున్నా, ముందుగా వావర్‌ను దర్శించుకోవాలని ఆయన తన భక్తులకు చెబుతాడు.

ఒక పురాణం వావర్‌ను మధురై సమీపంలోని పాండ్య దేశానికి చెందినదిగా గుర్తిస్తుంది, అతని కుటుంబం పాండ్యన్ మంత్రి దాడి నుండి తప్పించుకోవడానికి ట్రావెన్‌కోర్ ప్రాంతానికి వలస వచ్చింది. అక్కడ, కుటుంబం అయ్యప్పన్‌ను కలిసింది  మరియు స్నేహం ప్రారంభమైంది.

అయ్యప్పన్ ఇతిహాసంలో వావర్ యొక్క విలీనం ఇస్లాం పుట్టుక మరియు పెరుగుదల తర్వాత ఏడవ శతాబ్దం CE తర్వాత జరిగి ఉండవచ్చు.

1960ల వరకు, తీర్థయాత్ర వాస్తవానికి ఎరుమేలీలో ప్రారంభమైంది, శబరిమల యాత్ర విపరీతంగా ప్రాచుర్యం పొందడంతో, పాత మార్గం చాలా అరుదుగా ఉపయోగించబడుతుంది. కాని యాత్రికులు ఆలయానికి వెళ్లే మార్గంలో ఎరుమేలీ పుణ్యక్షేత్రాన్ని దర్శిస్తారు.. ఇది విశ్వాసం!

ఉమ్మడి ఆంధ్ర ప్రదేశ్‌లోని అనేక పట్టణాలలో ఈరోజు వందలాది చిన్న అయ్యప్ప స్వామి  దేవాలయాలు వెలిశాయి మరియు ఈ ప్రదేశాలలో భక్తులు స్థానిక భాషలలో వావర్ మరియు అయ్యప్పల మధ్య స్నేహాన్ని కీర్తిస్తూ పాటలు పాడటం జరుగుతుంది.  అయ్యపన్-వావర్ స్నేహం యొక్క కథ ఈనాటికీ నిలిచి ఉంది.

మూల రచయిత:ది వైర్ లో కార్తీక్ వెంకటేష్ రాసిన వ్యాసం.

కార్తీక్ వెంకటేష్ సాహిత్యం, భాష మరియు చరిత్ర గురించి వ్రాసే పబ్లిషింగ్ ప్రొఫెషనల్.