హైదరాబాద్ ఇంతియాజుద్దీన్ యొక్క ప్రత్యేకమైన ఆటోగ్రాఫ్ మ్యూజియం

 

 

హైదర్‌బాద్‌కు చెందిన సయ్యద్ ఇంతియాజుద్దీన్ ప్రముఖ వ్యక్తుల ఆటోగ్రాఫ్‌లను సేకరించే  తన అభిరుచితో  భవిష్యత్ తరాలకు గొప్ప చారిత్రక వారసత్వం అందిస్తున్నారు. సయ్యద్ ఇంతియాజుద్దీన్ చే ఇప్పటివరకు ప్రపంచంలోని ముఖ్యమైన వ్యక్తులు మరియు భారతీయ వ్యక్తుల ఆటోగ్రాఫ్‌ల సేకరణ 200కి చేరుకుంది

సయ్యద్ ఇంతియాజుద్దీన్ గర్వించదగిన సంతకాల సేకరణలో భాగమైన ప్రసిద్ధ వ్యక్తులలో నోబెల్ గ్రహీతలు, రాజకీయ నాయకులు, రచయితలు మరియు ఉర్దూ మరియు ఆంగ్ల కవులు, దేశాధినేతలు మరియు అనేక దేశాల ప్రధానులు మరియు సినిమా తారలు ఉన్నారు.

ముఖ్యమైన మరియు ప్రసిద్ధ వ్యక్తుల సంతకాలను సేకరించడం పట్ల ఇంతియాజుద్దీన్ అభిరుచి సరిహద్దులను అధిగమించింది. సయ్యద్ ఇంతియాజుద్దీన్ మాట్లాడుతూ, భారతదేశం మరియు విదేశాలలో తాను లేఖలు రాసిన ప్రముఖ వ్యక్తుల సంతకాల కోసం ఎదురు చూస్తున్నప్పుడు ఓపిక పట్టవలసి వచ్చింది అన్నారు.

సయ్యద్ ఇంతియాజుద్దీన్ హైదరాబాద్‌ నాంపల్లిలోని గాంధీభవన్ మిడిల్ స్కూల్‌లో 7వ తరగతి చదువుతున్నప్పుడు ప్రముఖుల సంతకాలను సేకరించాలి అనే అభిరుచిని అభివృద్ధి చేసుకొన్నాడు. సయ్యద్ ఇంతియాజుద్దీన్ సేకరించిన మొదటి భారత ప్రముఖుని సంతకం భారతదేశ ప్రఖ్యాత నోబెల్ గ్రహీత, భౌతిక శాస్త్రవేత్త- సర్ C.V రామన్ సంతకం.

సర్ సివి రామన్, ఇంతియాజుద్దీన్ అభిరుచిని మెచ్చుకున్నారు మరియు తన సంతకం తో కూడిన ఉత్తరం పంపారు.సయ్యద్ ఇంతియాజుద్దీన్ అప్పటినుండి సెలబ్రిటీల నుండి ఆటోగ్రాఫ్‌లు తీసుకోవాలనే తన అభిరుచిని వేగం చేసారు.సయ్యద్ ఇంతియాజుద్దీన్ 1958 జూన్‌లో భారత మాజీ రాష్ట్రపతి డాక్టర్ రాజేంద్ర ప్రసాద్‌ సంతకoను  ఉర్దూలో సంతకం సేకరించారు.

సయ్యద్ ఇంతియాజుద్దీన్ భారతదేశానికి చివరి వైస్రాయ్ మరియు భారతదేశపు మొదటి గవర్నర్ జనరల్ లార్డ్ మౌంట్ బాటన్ తో సహా 200 మందికి పైగా వ్యక్తుల సంతకాలను పొందారు.

వీరితో పాటు అమెరికా నలభై రెండో అధ్యక్షుడు జిమ్మీ కార్టర్, ఈజిప్ట్ రెండో అధ్యక్షుడు గమల్ అబ్దెల్ నాసర్, యుగోస్లేవియా మాజీ అధ్యక్షుడు జోసిప్ బ్రోజ్ టిటో, ముప్పై ఐదవ అమెరికా అధ్యక్షుడు జాన్ ఎఫ్.కెన్నెడీ, ఇండోనేషియా తొలి అధ్యక్షుడు. అబ్దుల్ రహీమ్ సుకర్ణో, ఆంగ్ల రచయిత T S ఎలియట్ సంతకాలు సేకరించారు,.

ఇజ్రాయెల్ మొదటి ప్రధాన మంత్రి డేవిడ్ బెన్-గురియన్, జోర్డాన్ మాజీ రాజు హుస్సేన్ బిన్ తలాల్, ప్రముఖ అమెరికన్ నటి ఎలిజబెత్ టేలర్, ఆమె భర్త, ప్రముఖ హాలీవుడ్ నటుడు రిచర్డ్ బర్టన్, మదర్ థెరిసా మరియు ప్రసిద్ధ అమెరికన్ చిత్రం ది టెన్ కమాండ్‌మెంట్స్ హీరో చార్ల్టన్ హెస్టన్, పాకిస్తాన్ మొదటి నోబెల్ గ్రహీత డాక్టర్ అబ్దుస్ సలామ్ నుండి సంతకాలు సేకరించారు.వీరిలో చాలా మంది వ్యక్తులు తమ ఫోటోను ఇంతియాజుద్దీన్ బహుమతిగా అందించారు.

భారతీయ నాయకులలో, పండిట్ జవహర్‌లాల్ నెహ్రూ, ఇందిరా గాంధీ, డాక్టర్ జాకీర్ హుస్సేన్, మౌలానా అబుల్ కలాం ఆజాద్, విజయ లక్ష్మి పండిట్, VK కృష్ణ మీనన్, మొరార్జీ  దేశాయ్, V. V.గిరి, డాక్టర్. సర్వపల్లి రాధాకృష్ణన్ యొక్క సంతకాలను సయ్యద్ ఇంతియాజుద్దీన్ కలిగి ఉన్నారు.